Geta samfélagsmiðlar skaðað starfsferil þinn?

Nýjung samfélagsmiðla hefur dofnað og nú er nærvera þeirra í lífi okkar sjaldan dregin í efa. Þar sem samfélagsmiðlar halda áfram að njóta vaxandi vinsælda, með nýjum kerfum sem birtast og nýjum verkefnum kynnt til sögunnar, getum við ekki annað en spurt okkur hvernig stafræn fótspor okkar hafa áhrif á líf okkar.

Eitt svið þar sem samfélagsmiðlar hafa haft áhrif er á starfsferil okkar. Faglegir vettvangar eins og LinkedIn geta verið öflug verkfæri til atvinnuleitar og tengslamyndunar. Þau gera þér kleift að birta ferilskrána þína, hafa beint samband við ráðningaraðila og/eða sameinast hópum líkþenkjandi sérfræðinga sem geta veitt ráðgjöf og gegnt hlutverki tengiliða við möguleg störf. Í gegnum þessa vettvanga geturðu einnig dregið fram faglegan árangur þinn og sýnt fram á hæfileika þína.

Á hinn bóginn, samkvæmt könnun CareerBuilder, nota 70 % atvinnurekenda félagslega fjölmiðla til að skoða frambjóðendur meðan á ráðningarferlinu stendur. Það er því sjálfsagt að hafa í huga, að það sem þú birtir getur verið skoðað af hugsanlegum vinnuveitanda, sem gæti kosið að hafna umsókn þinni eftir því hvaða áhrif netviðvera þín hefur á hann.

Hvernig geturðu þá tryggt að stafræn slóð þín skaði ekki atvinnutækifæri þín? Hér eru nokkur viðvörunarmerki sem vert er að forðast þegar maður er að taka þátt á samfélagsmiðlum.

Að birta umdeildar myndir

Þú gætir viljað slaka á í frítíma þínum og það er fullkomlega í lagi að eyða einkalífinu eins og þú vilt. Hins vegar gætu myndir af óhóflegum skemmtunum, drykkju og óheftri hegðun ekki fallið í kramið hjá hugsanlegum vinnuveitanda, sem gæti kosið að velja umsækjanda með hófstilltari stafræna nærveru.

Að taka þátt í pólitískum umræðum

Samfélagsmiðlar hafa opnað rými þar sem tjáning er frjáls og allar skoðanir eru gildar og þess virði að heyrast. Það er ókostur, þó; ákveðnar pólitískar skoðanir eða deilan viðhorf geta sett þig á skjön við vinnuveitanda, sérstaklega ef skoðanir þínar fara gegn gildum fyrirtækisins. Forðastu að taka þátt í slíkum umræðum í opinberum rýmum á netinu. 

Að sýna árásargjarna eða neikvæða hegðun

Einelti og áreitni á netinu eru auðvitað alvarleg atriði sem eru ekki í boði og geta jafnvel komið gerandanum í lagaleg vandræði. Það er þó til önnur hegðun sem getur kostað þig góð atvinnutækifæri, til dæmis að skrifa móðgandi eða niðrandi athugasemdir á opinberum vettvangi eða að birta óvirðandi athugasemdir undir færslum fólks. 

Að kvarta yfir núverandi vinnustöðum þínum

Er yfirmaður þinn, samstarfsmaður eða viðskiptavinur að gera þig brjálaða(n)? Ekki dreifa þessu á samfélagsmiðlum því það gæti komið aftan að þér síðar. Geymdu kvörtunina þína eingöngu fyrir þína nánustu og skildu ekki eftir skrifleg spor á í netheimum. 

Almennt geta samfélagsmiðlar verið mikill kostur fyrir starfslíf þitt, en það eru gallar við óhefta notkun þeirra. Farðu yfir núverandi samfélagsreikninga þína og gerðu ítarlega hreinsun, losaðu þig við allt efni sem þú vilt ekki að vinnuveitandi sjái. Til að vernda þig enn frekar skaltu aðgreina faglega reikninga frá persónulegum reikningum þínum og stilla þá síðarnefndu á „einkamál“. Að fylgjast vel með því hvernig þú birtir þig á netinu mun hafa gríðarlegan ávinning fyrir feril þinn núna og í framtíðinni.

Fyrir frekari upplýsingar um hvernig á að styrkja faglega viðveru þína skaltu lesa grein okkar um Að byggja upp og bæta persónulega vörumerkið þitt. 

Tengdir hlekkir:

Evrópuþingið – Reglugerð um félagslega fjölmiðla: Hvað er Evrópusambandið að gera til að vernda notendur samfélagsmiðla?

Nánari upplýsingar: 

Evrópskir atvinnudagar

Leita að EURES-ráðgjöfum

Búsetu- og starfsskilyrði í EURES-löndum

EURES Atvinnugagnagrunnur

Þjónusta EURES fyrir vinnuveitendur

EURES Viðburðadagatal

Næstu viðburðir á netinu

EURES á Facebook

EURES á X

EURES á LinkedIn

EURES á Instagram