Rúin na bhfoirne is fearr feidhmíocht

Cibé acu an fostóir nó fostaí thú, is cinnte go mbíonn obair foirne mar chuid de d’eispéireas. Tá ceannairí foirne agus baill foirne araon freagrach as an aonad a choinneáil le chéile agus a thiomáint ar aghaidh, rudaí a thabharfaidh na torthaí a bhfuiltear ag súil leo. Ach cad is foireann ardfheidhmíochta ann?

Is foirne ardfheidhmíochta iad ina gcuirtear saineolas agus láidreachtaí uathúla gach ball le chéile ar bhealach as a dtagann comhoibriú réidh agus torthaí den scoth. Ligeann comhscileanna boga agus teicniúla na mball foirne dó bheith sofhreagrúil agus táirgiúil i gcónaí, fiú i dtréimhsí éiginnteachta.

Seo cuid de na comhpháirteanna atá ag foireann den sórt sin:

An comhdhéanamh ceart. Is foireann éagsúil í foireann rathúil. D’fhéadfadh cúlraí eitneacha éagsúla nó inscne éagsúil a bheith i gceist leis sin, ach tá sé chomh tábhachtach céanna éagsúlacht smaointeoireachta a chur san áireamh sa mheascán sin. I bhfoirne den sórt sin, is féidir leis na baill a bhfeidhmíocht a fheabhsú agus smaoineamh as an nua, rud a ardaíonn aschur na foirne.

Tacair scileanna chomhlántacha. Cuimsíonn foirne rathúla an meascán ceart scileanna a chothromaíonn agus a fheabhsaíonn a chéile. Úsáideann gach ball foirne a gclaontaí uathúla, agus baineann an grúpa tairbhe as éagsúlacht na n-inniúlachtaí i dteannta a chéile.

‘Cén fáth bunúsach’. Beidh plean gníomhaíochta dírithe mar thoradh ar shainmhíniú soiléir a fháil ar an bhfáth a bhfuil an fhoireann ann. Leagann David Allen, cruthaitheoir an mhodha táirgiúlachta Getting Things Done, béim ar an tábhacht a bhaineann le smaoineamh ar an ‘cén fáth’ sula gcuirfear tús le haon chineál gníomhaíochta. Ar an mbealach sin, sainmhínítear rath, déantar acmhainní a ailíniú, leathnaítear roghanna, agus múnlaítear critéir chinnteoireachta, i measc rudaí eile.

Cultúr na sábháilteachta síceolaíche. Bíonn baill na foirne ar a suaimhneas agus, ní hamháin smaointe, ach ábhair imní freisin á gcur in iúl acu. Áirítear leis sin an chaoi a mbraitear botúin agus an chaoi a dtugtar aghaidh orthu. De réir thuarascáil CIPD, ba cheart do cheannairí cultúr a spreagadh ina mbreathnaítear ar bhotúin mar dheiseanna foghlama. Cothaíonn timpeallacht den sórt sin muinín idir baill foirne agus an t-ordlathas, rud a fhágann go mbíonn torthaí níos fearr ann.

Coincheap malartach ceannaireachta. Ina leabhar Be a Better Team by Friday, cuireann údair agus saineolaithe gnó Justin Follin agus David B. Greenspan in iúl go gcaithfidh ceannaireacht teacht ó gach ball laistigh d'fhoireann rathúil, agus ní hamháin uathu siúd atá i gceannas. De réir mar a thagann dinimic foirne chun cinn, bogann baill foirne go nádúrtha i dtreo na ngnéithe den obair inar féidir leo a bheith ar thús cadhnaíochta, bunaithe ar a gcuid scileanna agus saineolais. Baineann an tsamhail cheannaireachta sin úsáid as an gcuid is fearr de gach duine, rud a fhágann go mbíonn torthaí níos fearr ann go nádúrtha.

Sa lá atá inniu ann tá réimse uirlisí ar fáil dúinn a d’fhéadfadh cabhrú le feidhmíocht agus táirgiúlacht foirne a threisiú. Léigh tuilleadh fúthu san alt seo.

Naisc ghaolmhara:

Cedefop agus Eurofound – Cleachtais san ionad oibre lena mbaintear leas as acmhainneacht fostaithe

Teacht chun cinn foirne ilchultúrtha: conas a chinntiú go néireoidh leo

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook