Má tá tú ag cuardach poist i gceann de na 31 tír de chuid EURES, tá tú san áit cheart.
Cuirfidh líonra EURES ar fáil duit na réitigh a bheidh uait ó thaobh post a fháil agus bogadh thar lear, cé acu roimh duit post a chuardach, le linn an chuardaigh agus ina dhiaidh. Tá raon cuimsitheach seirbhísí ar fáil chun aghaidh a thabhairt ar gach gné de bheith ag maireachtáil agus ag obair thar lear. Tá an chuid is mó de na seirbhísí sin saor in aisce.
Áirítear orthu sin treoir ghairme agus tacaíocht le do CV. Ina theannta sin, cuirtear cúnamh ar fáil chun cabhrú leat teacht ar na tairiscintí poist is fearr a oireann do do chuid scileanna. Is féidir físchomhdháil le haghaidh agallamh a éascú freisin. Is féidir leat eolas a fháil faoi mhargadh saothair na hEorpa, chomh maith le comhairle dlí agus slándála sóisialta.
Eagraítear aontaí poist trasnáisiúnta ar leith ar líne freisin, agus is féidir leo treoir a chur ar fáil maidir le deiseanna oiliúna, foghlama teanga agus maoinithe – gan ach roinnt bheag a lua! Tosaigh trí chliceáil ar an rogha ceart duitse thíos.
Faigh tacaíocht chun post a aimsiú
Má tá sé ar intinn agat tús a chur le do shlí bheatha ghairmiúil, post nua a aimsiú, nó deis oiliúna a fháil i dtír eile de chuid an Limistéir Eorpaigh Eacnamaíoch (LEE) agus/nó san Eilvéis, féach ar na codanna anseo thíos agus na naisc ghaolmhara a bhaineann leo le do thoil.
The latest EURES news for jobseekers
Tá na milliúin Eorpach ag trasnú teorainneacha ar mhaithe le gairmeacha níos fearr, obair shealadach agus eachtraí nua, agus EURES lena dtaobh. Is féidir leatsa é sin a dhéanamh freisin!
Oibríonn an Spáinneach Juan Jesús Toscano i bpríomhionad gailf na Portaingéile tar éis comhairle a fháil ó chomhpháirtíocht trasteorann EURES-T na hAndalúise-na hAlgarve (EURES-T AA).
D’fhéadfadh an intleacht shaorga maitheas a dhéanamh dár ngairmeacha agus dár saol go ginearálta. D’fhéadfadh sí sinn a chur ar chonair níos dorcha freisin, ámh. Léigh faoi thrí fhéidearthacht don todhchaí, gach ceann acu ag brath ar an gcaoi a ngníomhaíonn an Eoraip anois díreach.