Poist an lae amárach a aithint: an bhrí atá le réamhaisnéis scileanna 2035 duitse

Samhlaigh léarscáil iontaofa den mhargadh fostaíochta a bheith agat do na 10 mbliana amach romhainn. Is é sin go díreach an méid a cuireadh ar fáil sa réamhaisnéis scileanna nuashonraithe ón Lárionad Eorpach um Fhorbairt na Gairmoiliúna (Cedefop) le déanaí. Trí anailís a dhéanamh ar threochtaí a bheidh ann go dtí 2035, cabhraíonn an uirlis seo le gach duine, cuir i gcás cuardaitheoirí aonair poist agus corparáidí móra araon, ullmhú do riachtanais scileanna atá ag athrú agus do dheiseanna atá ag teacht chun cinn. 

Léargas ar a bhfuil i ndán do lucht saothair na hEorpa

Tuartar sa réamhaisnéis scileanna go dtiocfaidh méadú os cionn 4 % ar an bhfostaíocht fhoriomlán san Eoraip idir an tréimhse ó 2023 go 2035. Mar sin féin, níl an fás sin scaipthe go cothrom. Is é leathnú na dteicneolaíochtaí glasa agus digiteacha is cúis le cuid mhór den éileamh i réimsí sonracha. Mar shampla, táthar ag súil go dtiocfaidh méadú 2.5 % ar phoist TFC gach bliain ar fud an Aontais, agus an ráta sin le hardú go 7.8 % sa Rómáin. Is earnáil eile í giniúint leictreachais a meastar go dtiocfaidh fás tapa uirthi, go háirithe i dtíortha amhail Málta agus Lucsamburg. 

Más cuardaitheoir poist thú, tá an teachtaireacht soiléir: is bealach cinnte chun na cobhsaíochta sa todhchaí é uas-sciliú in eolaíocht, teicneolaíocht, innealtóireacht agus matamaitic (ETIM) agus i dteicneolaíochtaí glasa. Más fostóir thú, leagtar béim sa réamhaisnéis ar an ngá práinneach atá le hinfheistíocht a dhéanamh in oiliúint chun an tallann a theastaíonn d’earnálacha atá borradh fúthu a chinntiú. Is féidir leat na réamh-mheastacháin sin a fhiosrú go díreach ar an uirlis réamhaisnéise scileanna.

Oibrithe atá ag dul in aois agus ganntanais atá ag bagairt

Léirítear sa réamhaisnéis roinnt athruithe móra sa mhargadh saothair. Tá an lucht saothair ag dul in aois go tapa; tá líon na n‑oibrithe atá 65 bliana d’aois nó níos sine ag méadú ag ráta níos mó ná 7 % sa bhliain i go leor áiteanna, fad is atá an príomhghrúpa aoise 30-54 bliana ag laghdú. Ciallaíonn sé sin go mbeidh go leor post le líonadh toisc go mbeidh daoine ag dul ar scor, go bunúsach. 

Is é sin le rá go bhfuil ganntanais mhóra ag teacht maidir le róil ardoilte, amhail bainisteoirí agus gairmithe sláinte. I gcodarsnacht leis sin, tá líon na bpost in earnáil na mbreoslaí iontaise ag laghdú, agus meastar go dtiocfaidh laghdú 10.7 % in aghaidh na bliana ar fhostaíocht sa tionscal guail. 

Conas is féidir leis na sonraí sin cabhrú? 

• Is féidir le soláthraithe oiliúna iad a úsáid chun curaclaim a fheabhsú.
• Is féidir le cuardaitheoirí poist réimsí atá ag fás a shainaithint agus uas-sciliú a dhéanamh dá réir.
• Is féidir le fostóirí Innéacs Cedefop um scileanna agus ganntanas saothair a úsáid chun a fháil amach cá háit go díreach a bhfuil bearnaí ann, rud a fhágann go bhfuil an próiseas earcaíochta i bhfad níos éifeachtaí.

É a chur i ngníomh le EURES

Mar sin, conas is féidir gníomhú ar na figiúirí sin? Seo í an chéim inar féidir le EURES cabhrú. Cé go léiríonn Cedefop an treo ina bhfuil an margadh saothair ag dul, is féidir le EURES tacú leat beart a dhéanamh dá réir. Más cuardaitheoir poist thú agus má léiríonn an réamhaisnéis go bhfuil éileamh méadaitheach ar do chuid scileanna thar lear, is féidir le Comhairleoirí EURES cabhrú leat folúntais ábhartha a aimsiú. 

I gcás fostóirí, comhlánaíonn EURES an réamhaisnéis scileanna le faisnéis atá cothrom le dáta maidir le ganntanais agus barrachais lucht saothair ar fud na hEorpa, atá ar fáil ina thuarascáil bhliantúil agus ar a dheais idirghníomhach. Ag an am céanna, soláthraíonn EURES rochtain ar linn tallainne níos leithne ar fud 31 thír Eorpach.

Ach sonraí réamhbhreathnaitheacha Cedefop a chomhcheangal le seirbhísí EURES, is féidir fanacht céim amháin chun tosaigh maidir lena a bhfuil le teacht. 

Má tá suim agat eolas a fháil faoi fhoilseacháin eile Cedefop, léigh alt EURES maidir lena 18 dtreoirlíne maidir le tacaíocht ghairme a athrú ó bhonn ar fud na hEorpa.

Naisc ghaolmhara:

An Lárionad Eorpach um Fhorbairt na Gairmoiliúna (Cedefop)

Réamhaisnéis scileanna

Innéacs Cedefop um scileanna agus ganntanas saothair

Comhairleoirí EURES

Conas a bheith rathúil san ionad oibre nua-aimseartha trí úsáid a bhaint as treoirlínte nua an Aontais

Léigh tuilleadh: 

Laethanta Fostaíochta Eorpacha

Cuardaigh Comhairleoirí EURES

Ag maireachtáil agus ag obair i dtíortha EURES

Bunachar sonraí post EURES

Seirbhísí EURES le haghaidh fostóirí

Féilire Imeachtaí EURES 

Imeachtaí ar líne a bheidh ar siúl go luath

EURES ar Facebook

EURES ar X

EURES ar LinkedIn