Conas buanphost a dhéanamh de phost séasúrach

Dul i bhfeidhm go mór ar dhaoine

Ba cheart go mbeadh sé mar phríomhthosaíocht agat dul i bhfeidhm go mór ar do chomhghleacaithe agus ar an lucht bainistíochta. Chuige sin, ba cheart duit a bheith in am, gan do chuid freagrachtaí a sheachaint, agus dea-obair a dhéanamh i gcónaí, is cuma cé chomh beag is atá an tasc atá romhat. Féach ar do phost mar leathnú ar d’agallamh poist – is í seo do dheis a thaispeáint do d’fhostóir cé chomh luachmhar is a d’fhéadfá a bheith don chuideachta mar fhostaí buan.

Bí ag foghlaim i gcónaí

Bíodh tú ag obair i miondíol, i dtalmhaíocht nó i dturasóireacht, glac gach deis chun gach rud a fhoghlaim faoin gcuideachta, faoin ról atá agat agus faoi d’fhoireann. D’fhéadfadh an t-eolas breise sin cabhrú leat seasamh amach ó oibrithe séasúracha eile agus a thaispeáint do d’fhostóir gur fostaí tiomnaithe thú.

Ná diúltaigh

Sa bhreis ar na cúraimí laethúla atá ort, d’fhéadfadh sé go n-iarrfadh d’fhostóir ort dualgais bhreise a dhéanamh, seal breise a dhéanamh chun obair chomhghleacaí atá tinn a chlúdach, nó uaireanta oibre níos faide a dhéanamh le linn tréimhsí níos gnóthaí. Is deis iontach í seo chun a thaispeáint dóibh go bhfuil tú iontaofa, solúbtha agus toilteanach cabhrú leo. Agus maidir leis an leid roimhe seo – is deis iontach í seo scil nua a fhoghlaim.

Bí cairdiúil le do chomhghleacaithe

Measann go leor oibrithe séasúracha nach fiú caidreamh a bhunú le comhghleacaithe. Ach dá mba mhaith leat buanphost a fháil, tá sé ríthábhachtach nascadh le do chomhghleacaithe. Léiríonn sé seo do scileanna idirphearsanta agus do chumas chun comhtháthú isteach san fhoireann, ach leathnaíonn sé do líonra gairmiúil freisin. Is bealach iontach é seo freisin an scéal a scaipeadh i measc do chomhghleacaithe go bhfuil buanphost sa chuideachta á lorg agat. D’fhéadfadh comhghleacaí cairdiúil leid a thabhairt duit faoi fholúntas ina roinn nó tú a mholadh dá mbainisteoir.

Fiafraigh de do bhainisteoir go díreach

B’fhéidir go bhfuil sé seo ríshoiléir, ach dá mba mhaith leat leanúint ar aghaidh leis an gcuideachta, cuir é sin in iúl do d’fhostóir. Labhair le do bhainisteoir le fáil amach cad iad na roghanna a d’fhéadfadh a bheith ann duit. Téigh i dteagmháil le do rannóg acmhainní daonna, ionas gur féidir leo cuimhneamh ort maidir le haon earcaíocht a bheadh ar siúl acu.

Fiú i gcás nach bhfaigheann tú tairiscint láithreach, mar glacann sé tamall uaireanta. D’fhéadfaí tú a chur ar liosta feithimh d’iarrthóirí ionchasacha nó d’earcaigh ionchasacha amach anseo. Is é an rud is tábhachtaí ná gan dóchas a chailleadh agus a thuiscint go dtabharfaidh an t-eolas, an taithí agus an saineolas atá saothraithe agat tú níos cóngaraí do bhuanphost a bhaint amach.

Níl tú cinnte an bhfuil do dhóthain á dhéanamh agat chun dul i bhfeidhm ar an bhfostóir a bheidh agat amach anseo? Léigh ár dtreoir phraiticiúil maidir le dul i bhfeidhm go mór ar fhostóirí agus an post is ansa leat a fháil.

I gcomhpháirt le EURES, an Tairseach Eorpach um Shoghluaisteacht ó Phost go Chéile.

 

Naisc ghaolmhara:

Iarracht ar leith a dhéanamh chun an post is ansa leat a bhaint amach

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Coinníollacha maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn