Svona má draga úr streitu starfsmanna og koma í veg fyrir kulnun

Komdu á fót reglulegum samskiptum

Regluleg samskipti milli starfsmanna og stjórnenda eru mikilvæg til að greina fyrstu merki um kulnun. Gakktu úr skugga um að stjórnendur og starfsmenn ræði saman vikulega um vinnuálag og streitu og leiðir til að draga úr álaginu.

Haltu vinnuálagi starfsmanna hæfilegu

Gakktu úr skugga um að stjórnendur fylgist með vinnuálagi starfsmanna og tryggi að það dreifist jafnt og sé innan eðlilegra marka.

Gera starfsmönnum kleift að setja mörk

Sumir starfsmenn eiga erfitt með að hafna vinnu eða biðja um framlengingu á frestum þegar þeir hafa mikið að gera. Þeir gætu jafnvel hugsað með sér að þeir gætu komið sér í vanda hjá yfirmönnum sínum ef þeir neita að taka að sér verkefni. Þegar starfsmenn eru að vinna undir fullum afköstum og fá viðbótarverkefni ættu þeir ekki að hafa áhyggjur af því að segja „nei“ og biðja um aðstoð yfirmanna.

Bjóddu upp á sveigjanlegan vinnutíma

Fastur vinnutími hentar kannski ekki öllum starfsmönnum þínum. Hann gæti rekist á aðrar skyldur eins og sækja börn í skóla eða hugsa um eldri fjölskyldumeðlim. Með því að bjóða upp á sveigjanlegan vinnutíma bætir þú jafnvægið á milli vinnu og einkalífs og dregur þar af leiðandi úr vinnuálagi og kulnun.

Hvettu til teymisvinnu

Fólk sem vinnur í sílóum eða á eigin spýtur er líklegra til að finna fyrir streitu og kulnun í vinnunni. Ef hvatt er til teymisvinnu starfsmanna jafnar það út vinnuálag og dregur úr streitu á vinnustaðnum.

Veittu úrræði til að takast á við kulnun í vinnunni

Það getur verið að þú hafir gert margar ráðstafanir til að koma í veg fyrir kulnun en það er óhjákvæmilegt að streita beri suma starfsmenn þína ofurliði. Það er allt í lagi, þar sem fólk hefur mismunandi seiglu og má stundum rekja kulnunina til vandamála í einkalífi þeirra. Ræddu við mannauðsfulltrúa þinn um hvaða úrræði ætti að þróa og bjóða fólki upp á sem verður fyrir kulnun í vinnunni. Það getur falið í sér hjálparsíma fyrir geðheilbrigði, áætlanir um aðstoð, upplýsingar um meðferðaraðila og kerfi til að draga úr vinnuálagi.

Kynntu geðheilbrigðisdaga til sögunnar

Mörg fyrirtæki bjóða starfsmönnum sínum upp á fjölda geðheilbrigðisdaga á ári. Það eru frídagar sem starfsmenn geta tekið, engar spurningar eru spurðar, þegar þeim finnst vinnan sín vera yfirþyrmandi.

Hvettu starfsmenn til að nýta sér orlof sitt

Það ætti að hvetja alla starfsmenn til að nýta allt orlof sitt. Það má gera með því að minnka fjölda þeirra daga sem fólk getur „fært yfir“ á næsta ár og með því að hvetja fólk til að taka sér frí á tímum sem ekki eru eins annasamir.

Verðlaunaðu árangur (og gerðu það af sanngirni)

Starfsmenn finna oft fyrir kulnun þegar þeir fá ekki viðurkenningu fyrir störf sín og árangur, sérstaklega ef þeir sjá að stjórnendur veita ekki hrós og hól með sanngjörnum hætti. Gakktu úr skugga um að stjórnendur þínir fylgist með árangri teymanna sinna og þeir hrósi fólki þegar það á það skilið.

Við höfum öll átt við þetta vandamál að etja — við förum í vinnuferð en þegar við komum til baka bíður okkar innihólf fullt af ólesnum tölvupósti og óleyst verkefni. Kynntu þér hvernig þú kemur hlutunum í verk á vinnuferðalagi.

 

Tengdir hlekkir:

Svona kemur þú hlutunum í verk á vinnuferðalagi

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

Eures á LinkedIn