Conas strus fostaithe a laghdú agus conas cosc a chur ar thnáitheadh

Cainéil rialta chumarsáide a chur ar bun

Tá cumarsáid rialta idir fostaithe agus a mbainisteoirí ríthábhachtach chun luathchomharthaí na tnáite a bhrath. Bí cinnte go mbíonn cruinnithe seachtainiúla idir bainisteoirí agus fostaithe chun an t-ualach oibre agus an strus a ghabhann leis a phlé agus chun aghaidh a thabhairt orthu sin leis.

Ualach oibre réasúnta a bhainistiú

Bí cinnte go gcoinníonn bainisteoirí súil ar ualach oibre a bhfoirne, ag cinntiú go scaiptear go cothrom é de réir leibhéil réasúnta.

A chinntiú go mbraitheann fostaithe compordach chun teorainneacha a shocrú

Bíonn sé deacair ar roinnt fostaithe obair a dhiúltú nó síneadh ama a iarraidh nuair a bhíonn an-chuid rudaí ar bun acu. D’fhéadfaidís a bheith ag smaoineamh fiú go bhféadfaidís a bheith i bponc lena mbainisteoirí má dhiúltaíonn siad tasc a ghlacadh. Nuair a fhaigheann fostaithe obair bhreise agus iad ag obair ar a lánacmhainn, ba chóir go mbraithfidís sábháilte í a dhiúltú agus tacaíocht a iarraidh ar a mbainisteoirí.

Uaireanta oibre solúbtha a thairiscint

D’fhéadfaí nach mbeadh uaireanta oibre seasta oiriúnach do do chuid fostaithe go léir. D’fhéadfaidís teacht salach ar ghealltanais eile go minic, cuir i gcás a páistí a bhailiú ón scoil nó aire a thabhairt do bhall teaghlaigh níos sine. Trí uaireanta oibre solúbtha a thairiscint, cuireann tú feabhas ar chothromaíocht oibre is saoil d’fhostaithe agus, dá bhrí sin, laghdaítear an strus ag an obair agus an tnáitheadh leis.

Obair foirne a spreagadh

Tá níos mó seans go mbeadh strus ar dhaoine a oibríonn ina n-aonar nó as a gconlán féin nó go dtiocfadh tnáitheadh orthu. Laghdaítear strus san ionad oibre trí obair foirne a spreagadh i measc fostaithe agus déantar an t-ualach oibre a chothromú dá bharr sin freisin.

Acmhainní a chur ar fáil chun déileáil leis an tnáitheadh ag an obair

B’fhéidir go bhfuil go leor rudaí déanta agat chun cosc a chur ar an tnáitheadh, ach bíonn seans ann i gcónaí go mbeadh strus ar d’fhostaithe, ar ndóigh. Tá an méid sin ceart go leor, ós rud é nach mbíonn athléimneacht daoine éagsúla mar a chéile i gcónaí, agus bíonn saincheisteanna ina saol pearsanta ina chúis leis an tnáitheadh uaireanta chomh maith. Pléigh le d’Oifigeach Acmhainní Daonna cad iad na hacmhainní nárbh fholáir a fhorbairt agus a chur ar fáil d’fhostaithe atá ag fulaingt ón tnáitheadh ag an obair. D’fhéadfadh línte cabhrach meabhairshláinte, cláir chúnaimh, teagmhálacha teiripeacha agus scéimeanna maidir le hualach oibre laghdaithe a bheith i gceist leis an méid sin.

Laethanta meabhairshláinte a thabhairt isteach

Cuireann a lán cuideachtaí líon áirithe laethanta meabhairshláinte ar fáil dá bhfostaithe in aghaidh na bliana. Is iad seo na laethanta saora ar féidir le fostaithe a ghlacadh, gan aon cheist a chur, aon uair a bhraitheann siad trína chéile de dheasca cúrsaí oibre.

Fostaithe a spreagadh chun a saoire bhliantúil iomlán a úsáid

Ba chóir fostaithe a spreagadh chun a gcuid laethanta saoire bliantúla go léir a úsáid. Is féidir an méid sin a bhaint amach trí líon na laethanta ar féidir le fostaithe ‘a thabhairt anonn’ go dtí an bhliain seo chugainn a laghdú agus trí dhaoine a spreagadh chun laethanta a thógáil le linn tréimhsí nuair nach mbíonn sé chomh gnóthach céanna.

Táirg luach saothair i gcomhair ratha (agus déan go cothrom é)

Is féidir leis an tnáitheadh teacht ar fhostaithe nuair nach bhfaigheann siad aitheantas as a gcuid oibre crua ná as a n-éachtaí, go háirithe más rud é go bhfeictear dóibh nach bhfuil bainisteoirí ag tabhairt chothrom na Féinne dá mball foirne ó thaobh iad a mholadh. Bí cinnte go gcoinníonn bainisteoirí súil ar éachtaí a bhfoirne, agus go dtugtar ceart san áit a mbíonn sé dlite.

Tá an fhadhb seo againn go léir – téimid ar thuras oibre, ach ar fhilleadh dúinn bíonn an bosca isteach lán de ríomhphoist gan léamh agus de thascanna ar feitheamh os ár gcomhair amach. Conas a bheith táirgiúil agus tú ar thuras oibre.

 

Naisc ghaolmhara:

Conas fanacht táirgiúil agus tú ag taisteal don obair

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn