Svona vekur þú aðdáun vinnuveitenda í atvinnuviðtölum

Lestu þér til um fyrirtækið

Gakktu úr skugga um að lesa áður um fyrirtækið sem þú sækir um hjá. Venjulega er síðan „Um okkur“ á vefsíðu fyrirtækisins góður byrjunarreitur. En þú getur einnig skoðað samfélagsmiðla fyrirtækisins til að læra meira um starfsemina og gildi.

Þessi þekking mun hjálpa þér við að sannfæra verðandi vinnuveitendur þína um að þér sé alvara um að vinna hjá fyrirtækinu. Ekki hræðast að minnast á tiltekin verkefni eða starfsemi fyrirtækisins, sem þú hefur áhuga á. Hagaðu þér eins og þú vinnir þegar hjá fyrirtækinu og vitir allt um komandi verkefni og hvernig þú getir komið að liði. Það mun sýna að þú hafir mikinn áhuga.

Klæddu þig í fyrir tilefnið

Það þarf ekki að taka það fram að þú ættir að klæðast hlutlausum fatnaði sem henta starfinu. Það fer auðvitað eftir fyrirtækinu, sem þú ert að sækja um vinnu hjá, en almennt geturðu reitt þig á hversdagslegan viðskiptaklæðnað hvað stíl varðar.

Mættu snemma í viðtalið

Það er mikilvægt að mæta 10−15 mínútum fyrir viðtalið. Það sýnir ekki bara að þú sért spennt/ur fyrir þessu tækifæri heldur gefur þér líka tíma til að venjast umhverfinu, koma þér þægilega fyrir og renna enn einu sinni yfir minnispunktana þína.

Búðu til lista yfir styrkleika þína og veikleika

Það er staðlað í atvinnuviðtölum að ræða um styrkleika og veikleika í tengslum við starfið sem þú ert að sækja um. Gakktu úr skugga um að velta þeim fyrir þér fyrirfram.

Ekki hræðast að tala um færni, sem ekki eru í starfslýsingunni, en gætu hjálpað þér við að skara fram úr í starfinu. Það gæti greint þig frá öðrum umsækjendum með svipaðan bakgrunn.

Þú ættir að tala hreinskilið um veikleika þína. Ef þig skortir reynslu eða tiltekna færni – ættir þú að gangast við því. Þú ættir samt að benda á hvernig þú munir bæta upp fyrir þessa veikleika (t.d. að þú sért námsfús) því þú vilt ekki hljóma neikvæð/ur. Þegar allt kemur til alls vill atvinnuveitandinn bara vita hvernig þú getir sigrast á veikleikunum.

Sýndu sveigjanleika

COVID-19 heimsfaraldurinn hefur kennt okkur að atvinnulífið getur breyst á einni nóttu. Þegar þú talar um færni þína ættir þú að undirstrika sveigjanleika. Það er mikilvægt að þú getir lagað þig að mismunandi vinnuumhverfi (t.d. fjarvinnu eða blandaðri vinnu) eða lært nýja færni því það sýnir að þú getir breyst með rekstrinum ef slíkt er nauðsynlegt.

Lýstu því sem þú hefur áorkað

Þetta er önnur klassísk spurning í atvinnuviðtölum sem þú ættir að búa þig undir. Búðu til lista yfir því sem þú hefur áorkað og hentar starfinu og búðu þig undir að sýna hann ef þú ert spurð/ur.

Ef þú hefur ekki mikla starfsreynslu getur þú velt fyrir þér viðeigandi dæmum úr skóla, háskóla eða jafnvel úr raunveruleikanum. Þeir sem hafa meiri starfsreynslu ættu að búa til lista með fyrri verkefnum, sem eiga við, ásamt niðurstöðum og áhrifum til að sýna vinnuveitandanum. Segðu frá í stuttu en sannfærandi máli.

Ekki vera hrædd/ur við að spyrja spurninga

Gott atvinnuviðtal flæðir eins og samtal frekar en yfirheyrsla. Fyrir viðtalið ættir þú að velta fyrir þér spurningum sem þú kannt að hafa fyrir vinnuveitandann. Til dæmis gætir þú spurt um stefnu þeirra varðandi vinnu frá heimilum, hvernig þeir sjá fyrir sér að starfið þróist í framtíðinni eða um teymið sem þú verður hluti af.

Passaðu upp á líkamstjáninguna

Umsækjendur vanmeta of líkamstjáningu en hún er mikilvægur hluti atvinnuviðtalsins. Sittu bein/n í baki og horfðu í augu viðstaddra þegar þú talar. Jafnvel þó þú sért taugaóstyrk/ur ættir þú að reyna að vera ekki á iði eða naga á þér neglurnar og svara spurningum af öryggi.

Endurtaktu áhuga þinn á stöðunni

Í lok viðtalsins skaltu passa upp á að láta aftur í ljós áhuga þinn á stöðunni og þakka viðstöddum fyrir tækifærið.

Skoðaðu greinina okkar um hvernig skal skara fram úr í atvinnuviðtali á netinu.

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn