Kif l-IA tista’ ttejjeb il-proċess ta’ akkwist tat-talenti

How AI can improve the talent acquisition process

Tinsab f’intervista virtwali għal impjieg, u l-vuċi twajba u empatika fuq in-naħa l-oħra tal-konnessjoni qed twieġeb fil-pront il-mistoqsijiet kollha tiegħek, u qed tagħtik is-suġġerimenti t-tajbin biex iżżomm il-konverżazzjoni għaddejja, u donnu verament qed tifhmek... Qatt tista’ taħseb li jista’ fil-fatt qed titkellem ma’... chatbot?

Din hija biss daqqa t’għajn lejn l-era l-ġdida ta’ reklutaġġ, li ma tidhirx li qiegħda wisq ’il bogħod.

L-IA malajr qed issir parti mill-proċessi ta’ reklutaġġ regolari tal-kumpaniji. Għadd impressjonanti ta’ 70 % tal-aġenti tar-riżorsi umani fl-Ewropa kollha qed jużaw xi tip ta’ għodda tal-IA meta jfittxu jew jivvalutaw kandidati, li jissuġġerixxi li hemm xi ħaġa li tista’ tinkiseb meta mqabbla ma’ metodi tradizzjonali.

L-IA konverżazzjonali, pereżempju, subsett ta’ teknoloġiji tal-IA li jistgħu jissimulaw interazzjoni verbali umana, hija waħda mill-għodod l-aktar innovattivi fl-arsenal ta’ organizzazzjonijiet li jfittxu li jiksbu, jevalwaw u fl-aħħar mill-aħħar jirreklutaw l-aħjar persuna għal impjieg. U dawk il-kisbiet lanqas mhuma unilaterali: l-esperjenza tal-applikanti tista’ wkoll tissaħħaħ b’diversi modi.

Matul il-proċess ta’ reklutaġġ, l-IA tista’:

tanalizza x-xejriet tas-suq u metriċi oħra, tgħin lill-kumpaniji jivvalutaw id-disponibbiltà tat-talent;
toħloq deskrizzjonijiet preċiżi tal-impjiegi, malajr;
tagħżel l-udjenza fil-mira u “tbiegħ” l-impjiegi lill-kandidati l-aktar xierqa biss, filwaqt li tqabbel minnufih il-ħiliet mal-kriterji tal-impjieg;
tiffiltra l-applikanti skont il-ħila u l-esperjenza;
twieġeb il-mistoqsijiet tal-applikanti;
tabbozza mistoqsijiet ta’ intervisti mfassla apposta;
tgħin tiskeda u/jew twettaq l-intervisti;
tipprovdi l-informazzjoni kollha li l-kandidati li jirnexxu jeħtieġu għall-onboarding mingħajr xkiel.

X’inhuma l-benefiċċji tal-isfruttar tal-IA fir-reklutaġġ?

Effiċjenza u veloċità. Bl-awtomatizzazzjoni tal-proċess ta’ skrinjar inizjali, dawk li jirreklutaw jistgħu jiffrankaw sigħat iħarsu lejn CVs biex joħolqu lista qasira. L-algoritmi tal-IA jistgħu jwettqu dan il-kompitu, u jidentifikaw il-kandidati l-aktar xierqa kważi minnufih.
Flessibbiltà tal-komunikazzjoni. L-IA mhijiex ristretta għal sigħat konvenzjonali u hija disponibbli biex twieġeb il-mistoqsijiet tal-kandidati matul spettru ta’ żmien ħafna usa’, u toħloq soluzzjonijiet konvenjenti kemm għall-kumpanija kif ukoll għall-applikanti.
Valutazzjoni msaħħa tal-kandidati. L-IA twettaq skrinjar intelliġenti billi tħares lil hinn mill-isfond u l-għarfien espert: hija tista’ tidentifika sinjali mhux verbali li jagħtu ħafna informazzjoni dwar il-personalità tal-kandidat u kif dan jista’ jagħmel parti mill-kultura tal-kumpanija.
Proċess ta’ aktar involviment tal-applikanti. L-għodod tal-IA jistgħu jwieġbu mistoqsijiet, jiskedaw l-intervisti u jipprovdu feedback f’ħin reali, u jgħinu lill-applikanti jinnavigaw il-proċedura diffiċli ta’ skrinjar.

Għad hemm ħafna kwistjonijiet li għandhom jiġu indirizzati meta l-IA tiġi involuta fir-reklutaġġ. Il-fiduċja tan-nies tibqa’ ostaklu kbir: ħafna huma avversi għall-idea ta’ interazzjoni “inumana”. Barra minn hekk, hemm il-kwistjoni etika tal-privatezza tad-data u t-trasparenza algoritmika, kif ukoll il-kwistjoni ta’ jekk l-IA tistax verament topera b’mod ġust u imparzjali. Peress li l-mod li bih naħdmu qed jevolvi b’mod rapidu, huwa ċert li jeħtieġ li nibqgħu abbord il-ferrovija tal-IA jekk irridu nibqgħu kompetittivi. Fortunatament, l-intelliġenza umana tagħna mhija imkien qrib li ċċedi l-biljett tal-ewwel klassi tagħha.

Qed tfittex opportunità ġdida ta’ xogħol? Aqra l-artiklu tagħna dwar il-ħames modi kif l-IA tista’ tgħin fit-tiftix tiegħek għal impjieg.

Links relatati:

Ħiliet tal-IA għal għada:Gwida għat-titjib tal-ħiliet fl-era diġitali

L-Intelliġenza Artifiċjali taħdem għalik

Aqra aktar:

Il-Jiem Ewropej għall-Impjiegi

Sib Konsulenti tal-EURES

Kundizzjonijiet tal-ħajja u x-xogħol fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin