L-Intelliġenza Artifiċjali taħdem għalik

Put Artificial Intelligence to work for you — Photo credit: Adobe

Għal dawk minna li kibru taħt is-saħar tal-moviment tal-fantaxjenza u bl-immaġnijiet futuristiċi li esebiet fuq l-iskrins tagħna, l-IA ħolqot eċċitament kbir meta bdiet tinfiltra f’ħajjitna ftit żmien ilu. L-immaġni ta’ ħaddiem li joqgħod bilqiegħda komdu u jħalli “magna” twettaq xogħlu hija waħda pjaċevoli fit-teorija; iżda x’inhi r-realtà wara l-introduzzjoni tal-IA fl-ispazji tax-xogħol u fil-ħajja tagħna? L-IA tista’ tgħinna naħdmu aħjar?

Matul is-snin tqajjem ħafna tħassib dwar mhux biss l-aspetti etiċi tal-IA, iżda wkoll il-kwistjoni aktar prattika ta’ dak li fil-fatt se jsir mill-impjiegi tagħna. Madankollu, huwa mistenni li l-IA toħloq aktar impjiegi minn dawk li se jiġu eliminati, minbarra li twassal għal esperjenzi ta’ xogħol ferm aktar avvanzati, u mhux biss fis-sens teknoloġiku tal-kelma.

L-IA għal ambjenti tax-xogħol aktar issimplifikati, impenjattivi u ta’ ġid kbir

Il-kumpaniji f’bosta setturi issa qed iħaddmu l-IA biex itejbu firxa wiesgħa ta’ proċessi, mill-ippjanar aħjar tal-ispazji tagħhom sar-reklutaġġ ta’ persunal ġdid filwaqt li tiġi żgurata s-sikurezza tal-ħaddiema fuq il-post tax-xogħol.

Fir-rwol tiegħek ta’ ħaddiem fiex inti fir-rigward tal-użu tal-IA? Dawn huma xi wħud mill-benefiċċji:

Se jkollok aktar żmien għal xogħol aktar sinifikanti u strateġiku, li jwassal għal riżultati li jħallu aktar impatt. Għodod tal-IA bħal Docugami, Notably u Tome jgħinuk torganizza u tikkondividi aħjar id-dokumenti tiegħek, twettaq riċerka aktar effettiva dwar in-negozju u toħloq preżentazzjonijiet aħjar, u b’hekk tiddedika ħin għal xogħol aktar approfondit.
Dan il-ħin addizzjonali se jgħinek tisfrutta l-kreattività tiegħek, tispira ideat ġodda u toffri informazzjoni intuwittiva.
U dan l-għarfien ma jkollokx għalfejn tiksbu waħdek; billi telimina l-kompiti amministrattivi mill-ammont tax-xogħol tiegħek, l-IA tippermettilek tipparteċipa fi brainstorming kreattiv u aktar kollaborattiv, li jgħinek issaħħaħ ir-relazzjonijiet mal-membri l-oħra tat-tim tiegħek u ssaħħaħ ir-rabta umana. Dan huwa importanti, mhux biss għall-produttività, iżda wkoll għas-sodisfazzjon personali mix-xogħol.
Jekk qed taħdem f’qasam fejn il-preċiżjoni hija ta’ importanza kbira (eż. il-finanzi jew il-kura tas-saħħa), l-IA hija l-alleata tiegħek billi tipproduċi riżultati aktar preċiżi, u b’hekk tnaqqas il-possibbiltà ta’ żball.

Għajnuna lill-ħaddiema biex jadattaw għall-preżenza tal-IA fuq il-post tax-xogħol

Billi nistgħu nistennew li naraw saħansitra aktar applikazzjonijiet innovattivi tal-IA isiru parti mill-ħajja tax-xogħol tagħna, huwa importanti li s-suq tax-xogħol jieħu l-ħin biex jindirizza l-biżgħat marbuta mal-adozzjoni dejjem tikber tal-IA. It-titjib tal-ħiliet u t-taħriġ mill-ġdid tal-ħaddiema biex jgħinuhom jadattaw għal din it-tranżizzjoni se jiżguraw li jibqgħu impjegabbli u impjegati. Billi t-telf ta’ xi impjiegi huwa inevitabbli, ix-xbieki ta’ sikurezza soċjali bħal programmi ta’ taħriġ mill-ġdid u appoġġ finanzjarju matul il-bidla għal mudell ta’ ħidma ġdid se jikkontribwixxu b’mod sinifikanti biex tittaffa l-ansjetà relatata mat-telf ta’ impjiegi.

Madankollu, minkejja l-inkwiet dwar l-ispostament tal-impjiegi, huwa mistenni li l-IA toħloq madwar 97 miljun impjieg ġdid sal-2025, u dan mhuwiex il-bogħod. Għaldaqstant, l-aħjar strateġija hija li nħallu dawn l-innovazzjonijiet intelliġenti jappoġġaw l-għanijiet tax-xogħol tagħna u jgħinuna nilħqu livell ogħla.

Interessat(a) li ssir taf aktar dwar il-ħiliet tal-IA li se jkollok bżonn biex tinnaviga fl-era diġitali?

Aqra l-artiklu tagħna dwar il-ħiliet tal-IA għal għada:Gwida għat-titjib tal-ħiliet fl-era diġitali.

Links relatati:

Ħames modi kif l-IA tista’ tgħin fit-tiftix tiegħek għal impjieg

Ħiliet tal-IA għal għada:Gwida għat-titjib tal-ħiliet fl-era diġitali

Aqra aktar:

Il-Jiem Ewropej għall-Impjiegi

Sib Konsulenti tal-EURES

Il-kundizzjonijiet tal-għajxien u tax-xogħol fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES