Is-servizzi tal-EURES huma komprensivi u disponibbli għal dawk kollha Ewropej li qed ifittxu xogħol – qabel, waqt, u wara t-tfittxija tagħhom għal xogħol. Jindirizzaw kull aspett tal-għajxien u tax-xogħol barra mill-pajjiż, mill-għoti ta' gwida għall-karriera, ir-reviżjoni u t-traduzzjoni ta' CVs, l-analiżi ta' offerti, u l-iffaċilitar ta' vidjokonferenzi għall-intervisti, sa l-għoti ta' informazzjoni dwar is-suq tax-xogħol Ewropew, l-għoti ta' pariri legali u tas-sigurtà soċjali, l-organizzazzjoni ta' fieri tal-impjiegi, u pariri dwar taħriġ, tagħlim tal-lingwi, u opportunitajiet ta’ finanzjament – biex insemmu biss ftit!
Din it-taqsima hija indirizzata għal dawk li qegħdin ifittxu x-xogħol mis-setturi tal-università u l-politeknik u dawk li b’mod ġenerali għandhom kwalifiki ogħla: studenti, gradwati, għalliema u riċerkaturi. Minħabba li ċerti setturi tax-xogħol huma mfittxija f’pajjiżi partikolari tal-UE, dawk il-persuni bi kwalifiki għoljin li jkunu qegħdin ifittxu x-xogħol għandhom ċansijiet tajbin li jsibu xogħol barra l-pajjiż.
Jekk tippjana li tibda karriera professjonali, issib xogħol ġdid jew tikseb opportunità ta’ taħriġ f’pajjiż ieħor taż-Żona Ekonomika Ewropea (ŻEE) u/jew fl-Iżvizzera, jekk jogħġbok agħti ħarsa lejn is-sezzjonijiet ta’ hawn taħt.
Huwa diffiċli li ssib impjieg jew opportunità ta’ taħriġ f’pajjiżek?
Iltqajt ma’ ħafna ostakli biex taħdem barra minn pajjiżek, u ma tafx kif se tegħlibhom?
L-Europass huwa s-sett tiegħek bla ħlas ta’ għodod u informazzjoni online biex jgħinek tiġġestixxi kull pass tat-tagħlim u l-iżvilupp tiegħek.
The latest EURES news for jobseekers
Ġejt mistieden/mistiedna tattendi intervista virtwali tax-xogħol? Filwaqt li l-istess linji gwida ta’ tħejjija ġeneralment japplikaw għall-intervisti kollha, fiżiċi jew virtwali, fil-każ ta’ dawn tal-aħħar hemm xi affarijiet li trid tagħti attenzjoni speċjali għalihom.
Ir-rivoluzzjoni diġitali u n-normalizzazzjoni tax-xogħol mill-bogħod biddlu b’mod sinifikanti l-mod ta’ kif nikkollaboraw fi ħdan u bejn l-organizzazzjonijiet. Il-prevalenza ta’ timijiet transkulturali qed tiżdied b’rata mgħaġġla, u qed tagħti tifsira ġdida ta’ kif jitwettaq ix-xogħol f’tim.
L-era tar-reklutaġġ diġitali qiegħda magħna, u l-impjegaturi qed jirċievu aktar rispons għall-avviżi dwar il-postijiet tax-xogħol tagħhom minn qatt qabel. X’tista’ tagħmel biex tgħin tagħti spinta lill-applikazzjoni tiegħek biex tressaqha ’l quddiem fil-lista tas-selezzjoni? It-tweġiba tista’ tkun l-ittra ta’ akkumpanjament.