Spikka fost il-folla tal-kandidati billi turi l-ħiliet personali li jsaħħu relazzjonijiet ta’ ħidma tajbin ma’ oħrajn – u li hemm domanda kbira għalihom minn dawk li jirreklutaw. Riċerka reċenti tissuġġerixxi li l-ħiliet personali, bħall-adattabbiltà u l-intelliġenza emozzjonali, jistgħu jikkontribwixxu b’mod qawwi għall-progress fil-karriera. Dan x’aktarx li jsir dejjem aktar importanti peress li l-IA ġenerattiva bħal ChatGPT iġġib bidliet kbar fil-mod ta’ kif naħdmu u twettaq aktar kompiti li bħalissa qed jitwettqu mill-bnedmin.
Fejn u kif tista’ ttejjeb bl-aktar mod effettiv il-ħiliet personali tiegħek? Dawn huma ħames oqsma li wieħed għandu jiffoka fuqhom biex ikun ippreparat sew għal sfidi ġodda fis-sena li ġejja. Aħseb kif tista’ turihom bl-aħjar mod fuq il-post tax-xogħol.
Adattabbiltà
Id-dinja tax-xogħol qed tinbidel il-ħin kollu. Pereżempju, l-enfasi tal-UE fuq it-tranżizzjonijiet ekoloġiċi u diġitali fejn hemm domanda għolja għal ħaddiema b’ħiliet rilevanti. Ikkunsidra kif tista’ taġġorna l-ħiliet eżistenti tiegħek biex tapprofitta minn opportunitajiet ġodda, u kif tista’ tistabbilixxi dan fl-applikazzjonijiet għax-xogħol u fuq is-CV tiegħek. Billi turi li int ikkwalifikat(a) fit-teknoloġija l-aktar reċenti fil-qasam tiegħek, jew li għandek esperjenza fil-ġestjoni ta’ proġetti, tista’ turi li int il-persuna t-tajba għar-rwol.
Intelliġenza emozzjonali
Matul proġetti bi pressjoni għolja, huwa importanti li turi li tista’ timmaniġġja l-emozzjonijiet tiegħek stess – u dawk tal-koħaddiema tiegħek. L-esperti tas-saħħa mentali jissuġġerixxu li l-awtokuxjenza, l-awtoregolazzjoni, il-motivazzjoni, l-empatija u l-ħiliet soċjali huma fil-qalba tal-intelliġenza emozzjonali. In-nies b’dawn l-attributi jistgħu jifhmu kif iħossuhom l-oħrajn u kif l-aħjar jaħdmu magħhom, u b’hekk iħossuhom apprezzati u stmati. Biex tiżviluppa dawn il-ħiliet, aħseb dwar il-punti qawwijin u dgħajfin tiegħek stess, agħmel l-isforz biex tifhem kif qed jaħsbu l-oħrajn, u uża dik l-informazzjoni biex tikkomunika magħhom b’mod effettiv.
Ħsieb kritiku
Dawk li jirreklutaw jgħidu li l-ħsieb kritiku issa huwa kompetenza ewlenija li jfittxu fil-kandidati minħabba li dawn huma n-nies li jirnexxilhom ilestu l-affarijiet. Dawk li jaħsbu b’mod kritiku jistaqsu mistoqsijiet, huma konxji tagħhom infushom, u jikkunsidraw firxa ta’ fehmiet, filwaqt li jaħsbu dwar il-konsegwenzi sħaħ tad-deċiżjonijiet. Filwaqt li dan jista’ ma jiġix b’mod naturali, dawn żgur huma karatteristiċi li jistgħu jiġu żviluppati permezz tal-prattika. Kun lest(a) li tispjega kif urejt ħsieb kritiku meta tiddiskuti proġetti li ħdimt fuqhom.
Kompetenza diġitali
Il-fehim tas-sistemi diġitali individwali u kif jaħdmu huwa siewi, iżda t-tagħlim ta’ kif is-sistemi differenti jaħdmu l-aħjar flimkien sabiex jintlaħqu l-għanijiet tan-negozju huwa imprezzabbli. Min għandu kompetenza diġitali jista’ juża t-teknoloġija biex jippermetti lill-kumpaniji jadattaw għal għanijiet ġodda – u hemm domanda għolja peress li l-UE tagħti prijorità lit-tranżizzjoni diġitali. Il-Programm Ewropa Diġitali investa aktar minn EUR 294 miljun biex jappoġġa inizjattivi ta’ ħiliet, titjib tal-ħiliet u taħriġ mill-ġdid ta’ ħiliet, filwaqt li l-Pjattaforma għall-Ħiliet u l-Impjiegi Diġitali toffri aċċess miftuħ għal firxa wiesgħa ta’ impjiegi diġitali.
Ġudizzju etiku fil-kuntest tal-IA
L-IA tista’ tagħmel il-ħajja professjonali tagħna aktar faċli billi tgħinna nlestu kompiti aktar kumplessi, u aktar malajr. Iżda t-teknoloġija mhijiex sostitut għat-teħid ta’ deċiżjonijiet mill-bniedem. Agħti spinta lill-ħiliet tiegħek stess billi titgħallem tirrifletti dwar l-etika tad-deċiżjonijiet — u kun lest(a) li tippreżenta l-ħsieb tiegħek lill-oħrajn. L-UNESCO tgħid li filwaqt li ż-żieda fl-IA ħolqot ħafna opportunitajiet globali, qajmet ukoll tħassib etiku profond. L-Osservatorju Globali tal-Etika u l-Governanza tal-IA tagħha joffri varjetà ta’ għodod għall-organizzazzjonijiet biex jivvalutaw jekk l-approċċ tagħhom stess għall-IA jissodisfax l-istandards etiċi.
Trid tkun taf aktar? Dawn huma aktar ħiliet personali li ta’ min wieħed jieħu l-ħin biex jiżviluppahom.
Links relatati:
Il-Pjattaforma għall-Ħiliet u l-Impjiegi Diġitali
Aqra aktar:
Kundizzjonijiet tal-Ħajja u tax-Xogħol fil-pajjiżi tal-EURES
Il-Bażi tad-Data dwar l-Impjiegi tal-EURES
Is-servizzi tal-EURES għall-Impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq X
L-EURES fuq LinkedIn
L-EURES fuq Instagram
Dettalji
- Data tal-pubblikazzjoni
- 12 Diċembru 2025
- Auteurs
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- #withEURES
- Kaxxa tal-għodda tal-UE għall-mobilità
- Taħriġ EURES
- Ideat u Suġġerimenti
- Aħbarijiet interni tal-EURES
- Aħbarijiet dwar is-suq tax-xogħol/aħbarijiet dwar il-mobilità
- Aħbarijiet/rapporti/statistika
- Xejriet ta' reklutaġġ
- Żgħażagħ
- Sezzjoni(jiet) relatati
- Is-Servizzi tal-EURES
- Għajnuna u appoġġ
- Ideat u Suġġerimenti
- Informazzjoni dwar is-Suq tax-Xogħol
- L-Għajxien u x-Xogħol
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Arts, entertainment and recreation
- Education
- Financial and insurance activities
- Human health and social work activities
- Information and communication
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage