EURES agus fostaíocht trasteorann: comhpháirtíocht a théann chun tairbhe do chách

In 2022, tuairiscíodh go raibh cónaí ar thart ar 1.8 milliún oibrí san Aontas agus i dtíortha de chuid Chomhlachas Saorthrádála na hEorpa (CSTE) i mBallstát amháin agus iad ag obair i mBallstát eile. Feidhmíonn na hoibrithe trasteorann sin a gceart chun gluaiseacht faoi shaoirse thar theorainneacha an Aontais le haghaidh oibre, rud a chuireann go leor deiseanna ar fáil le haghaidh sásamh gairmiúil. 

Is féidir le hobair trasteorann fás eacnamaíoch agus comhtháthú a spreagadh i réigiúin teorann an Aontais, réigiúin a chumhdaíonn 40 % dá chríoch. Le hinsreabhadh ceart na n‑oibrithe, is féidir go leor de na réigiúin sin atá ina gceantair fhorimeallacha a iompú ina gcriosanna fáis shuntasaigh agus ina moil um dheiseanna.

Mar sin féin, is minic a bhíonn bacainní ann a bhaineann leis an bhfostaíocht trasteorann i dtaobh na ndifríochtaí idir tíortha maidir lena gcórais slándála sóisialta (e.g. árachas sláinte, sochair theaghlaigh, dífhostaíocht, scor), a gcreataí fostaíochta, agus a rialacha cánachais, gan ach cuid acu a lua. Ní hamháin go mbaineann na saincheisteanna sin le hoibrithe, ach le fostóirí freisin.

Bí páirteach i gcomhpháirtíochtaí trasteorann EURES, a bunaíodh chun tacú le do thuras soghluaisteachta saothair. Faoi láthair, tá sé cinn de chomhpháirtíochtaí den sórt sin ann ar fud na hEorpa, rud a chabhraíonn le fostaithe ionchasacha agus le fostóirí araon a mbealach a dhéanamh tríd na praiticiúlachtaí a bhaineann le hobair a dhéanamh, post a aimsiú agus/nó le hearcú thar theorainneacha. 

Cén chaoi a n‑oibríonn comhpháirtíochtaí trasteorann EURES?

Agus é maoinithe faoi Chiste Sóisialta na hEorpa Plus (CSE+), arb é príomhionstraim an Aontais chun infheistíocht a dhéanamh i ndaoine agus chun tacú le cur chun feidhme Cholún Eorpach na gCeart Sóisialta é, tá comhpháirtíochtaí trasteorann EURES freagrach as an méid seo a leanas:

• faisnéis agus comhairle a sholáthar maidir le saincheisteanna fostaíochta trasteorann (e.g. cónaí cánach/comhduithe cánach, ceanglais speisialta de réir tíre);
• gníomhú mar phointí teagmhála idir cuardaitheoirí poist agus fostóirí trí sheirbhísí socrúcháin a thairiscint agus/nó trí chúnamh a thabhairt maidir le hearcaíocht trasteorann;
• príomheintitis (comhpháirtithe) éagsúla a thabhairt le chéile ar féidir leo próisis soghluaisteachta trasteorann an lucht saothair a éascú, amhail comhlachais saothair, ceardchumainn, seirbhísí fostaíochta poiblí, institiúidí oideachais, údaráis áitiúla, scéimeanna tacaíochta fostaíochta, agus comhlachtaí slándála sóisialta.

Táim ag smaoineamh ar dheis oibre trasteorann a lorg. Cad iad na hacmhainní atá ar fáil?

Is é líonra EURES an fhoinse is fearr maidir le gach saincheist a bhaineann le soghluaisteacht an lucht saothair. Chun tuilleadh faisnéise a fháil faoi dheiseanna fostaíochta trasteorann agus faoi chomhairle, tabhair cuairt ar leathanach tiomnaithe EURES maidir le réigiúin trasteorann. Is féidir leat Comhairleoirí EURES a chuardach freisin trí chliceáil ar an táb ‘De réir comhpháirtíocht trasteorann’.

Bí cinnte féachaint ar an bhfíseán seo ó EURES, ina roinneann beirt oibrithe ón tSlóivéin a dtaithí ag obair san Iodáil, agus faigh amach conas a chabhraigh comhpháirtíocht trasteorann EURES leo trí chomhairle agus tacaíocht a sholáthar.

Faigh tuilleadh eolais ar chomhpháirtíochtaí trasteorann EURES anseo. 

Chun tuilleadh eolais phraiticiúil a fháil maidir le comaitéireacht trasteorann, cliceáil anseo.

Naisc ghaolmhara:

Tuarascáil bhliantúil 2023 ón gCoimisiún Eorpach maidir le soghluaisteacht an lucht saothair laistigh den Aontas

Cad é an scéala is déanaí maidir le teilea-obair thrasteorann agus slándáil shóisialta?

Oifig Foilseachán an Aontais Eorpaigh: Obair trasteorann san Aontas agus i dtíortha CSTE

Léigh tuilleadh: 

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar X

EURES ar LinkedIn

EURES ar Instagram