Ag dul i ngleic le ganntanais lucht saothair: trí bhealach chun oiliúint a chur ar oibrithe d’fhonn iad a choinneáil

Tackling labour shortages: three ways to train and retain workers

Is coitianta i gcónaí iad ganntanais foirne agus scileanna d’fhostóirí i roinnt mhaith Ballstát. De réir mar a théann oibrithe scothaosta ar scor agus mar a thagann riachtanais nua i dtaobh saineolas digiteach agus glas chun cinn, moltar sa tuarascáil ‘Company practices to tackle labour shortages [Cleachtais cuideachtaí chun dul i ngleic le ganntanais lucht saothair]’ de chuid na Gníomhaireachta AE Eurofound béim úr a chur ar fhreastal ar riachtanais grúpaí oibrithe áitiúla tearcúsáidte, bíodh dídeanaithe nó mic léinn iad, ó thaobh na hoiliúna, na tithíochta agus eile de.

Sa dara ceann den dá scéal ina mbreathnaítear ar thorthaí na tuarascála, tarraingímid aird ar thrí bhealach a bhfuil gnólachtaí tar éis iad féin a dhéanamh níos tarraingtí d’oibrithe AE a dteastaíonn uathu a fhostú.

Infheistiú in oiliúint an lucht saothair

Is minic a chuireann ganntanais oibrithe isteach ar sheirbhísí bus Cyprus Public Transport (CPT), rud ar a mbíonn mar thoradh pionóis airgeadais. De réir mar a théann tiománaithe níos sine ar scor ó phost ar minic a mbaineann strus leis, cuirtear beaguchtach ar earcaigh nua de bharr costais oiliúna agus dearcthaí diúltacha. Thug CPT Clár Printíseachta Tiománaithe Bus isteach in 2020, agus aisíocadh na costais a bhain leis an in aghaidh an earcaí nua tar éis dóibh sé mhí a chaitheamh sa phost. Agus an taighde á dhéanamh, bhí seachtar tiománaithe tar éis cáiliú agus bhí seisear tiománaithe déag ar tí a gcáilíocht a bhaint amach. Amach anseo, tá sé beartaithe ag an gcuideachta bacainn fhéideartha amháin a bhaint trí thiománaithe a íoc agus iad ag tabhairt faoin oiliúint.
Feidhmíonn an chuideachta TF Ollannach Aurai i margadh iomaíoch d’eolaithe sonraí agus de ghairmithe IS. D’fhorbair sé ardtréimhse oiliúna sé mhí dhéag san eolaíocht sonraí, san innealtóireacht agus sa mheaisínfhoghlaim. As an 65 dhuine a ghlac páirt sa scéim idir 2017 agus 2023, coinníodh 11 acu.

Cineálacha nua saothair a uas-sciliú

Tá cathair Heilsincí i mbun oiliúint a chur ar mhic léinn, ar dhaoine dífhostaithe, ar dhídeanaithe agus ar imircigh d’fhonn go mbeidh siad in ann oibriú mar chúntóirí cúraim do dhaoine scothaosta mar chuid de chlár maoinithe ag deontais rialtais. Is féidir le rannpháirtithe a roghnú ina dhiaidh sin chun bogadh ar aghaidh go dtí oiliúint san altranas. Sa tréimhse ó 2022 go 2023, ghlac 120 dalta páirt ann.
Déanann Ionad Tacaíochta Gairmiúla na hÚcráine (UPSC) sa tSualainn dídeanaithe oilte ón Úcráin a mheaitseáil le folúntais poist. Déanann UPSC, ar comhghuaillíocht de ghnólachtaí earcaíochta san earnáil phríobháideach í, an méid sin trí imeachtaí líonraithe agus aontaí poist a eagrú agus trí bhunachair sonraí Cvanna a chur ar bun. Faoi mhí Dheireadh Fómhair 2023, bhí sé tar éis cuidiú le 340 dídeanaí obair a fháil i gcuideachtaí Sualannacha, go leor acu i Stócólm, a bhí thíos le ganntanais i réimsí áirithe, lenar áiríodh an tsláinte, an cúram sóisialta, an fáilteachas agus TFC, chomh maith leis na hearnálacha gairmiúla, eolaíocha agus teicniúla.

Freastal ar riachtanais oibrithe

Bhí ganntanas foirne leighis in Ospidéal Na Františku i bPrág toisc gur minic a roghnaíonn céimithe Seiceacha dul ag obair thar lear nó i dtionscail eile, agus thit spéis san oiliúint altranais toisc cáilíochtaí ar leibhéal na céime a bheith ag teastáil – gan trácht ar a dheacra a bhí sé ag baill foirne cháilithe a raibh teaghlaigh acu sealobair a dhéanamh. Ó shin i leith, tá an rialtas tar éis oiliúint a dhéanamh níos solúbtha agus tuarastail a mhéadú. Níl altraí ag fágáil na hearnála a thuilleadh – ach tá ganntanais níos leithne fós ann, áfach. Cuireann an t‑ospidéal tacaíocht ar fáil i bhfoirm cóiríocht inacmhainne, idir áiteanna i suanliosanna ospidéil agus árasáin tithíochta chomhairle d’fhostaithe a bhfuil teaghlaigh acu. Fágann an tsolúbthacht atá le fáil ann go n‑oibríonn 30 % den fhoireann san ospidéal go páirtaimseartha. Dá bhrí sin, níl ganntanas suntasach lucht saothair ann faoi láthair.

Faigh tuilleadh eolais ach an tuarascáil Company practices to tackle labour shortages a íoslódáil.

Naisc ghaolmhara:

Cleachtais cuideachtaí chun dul i ngleic le ganntanais lucht saothair

Eolas faoin margadh saothair

Tuarascáil EURES maidir le ganntanas agus barrachas lucht saothair, 2023

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES