An bhfuil deacracht agat do chuid scileanna a liostú ar CV? Tá níos mó scileanna agat ná mar a cheapann tú

Agus tú ag obair ar do CV, tá sé éasca go leor do chuid sonraí teagmhála agus aon taithí oibre agus dioplómaí – má tá siad agat – a chur isteach. Ach, maidir le do scileanna a liostú, b’fhéidir go smaoineofá faoi cad a mheastar a bheith ina scil, ar an méid atá ag teastáil ó fhostóirí, agus ar conas do chumais a chur i láthair, go háirithe mura bhfuil aon oideachas foirmiúil agat. D’fhéadfá a fhiafraí díot féin an bhfuil aon scileanna indíolta agat ar chor ar bith.

Is é an fhírinne ná gur dócha go maith go bhfuil roinnt mhaith scileanna faighte agat gan fiú a bheith ar an eolas faoi. Go deimhin, tá a lán cuardaitheoirí poist ar fud na hEorpa go hiomlán aineolach ar an raon iomlán scileanna atá acu mar gheall ar dhá phríomhchúis. 

Is é an chéad cheann ná easpa faisnéise nó treoraíochta. Gan comhairle struchtúrtha, is deacair taithí a aistriú ó ranganna pobail nó ó shuíomhanna neamhfhoirmiúla eile comhchosúla go teanga ghairmiúil aitheanta. Baineann an dara ceann le bearnaí digiteacha agus muiníne. Gach seans go mbeadh oibrithe scothaosta, daoine faoi mhíchumas agus iad siúd ata ag filleadh ar an lucht saothair ag streachailt le huirlisí digiteacha féinmheasúnaithe. Léiríonn an dá dhúshlán seo an tábhacht a bhaineann le muinín a chothú agus tuiscint níos fearr a fháil ar chórais éagsúla cháilíochta, go háirithe agus tú ar thóir oibre thar lear. 

Seo roinnt leideanna chun cabhrú leat:

• Má tá tú óg agus mura bhfuil ach taithí oibre theoranta agat, smaoinigh ar do rannpháirtíocht i ngníomhaíochtaí eile – tionscadail ollscoile, obair dheonach, foirne spóirt nó cumainn mac léinn. Ar eagraigh tú imeacht? Sin bainistíocht tionscadail. Ar theagasc do phiaraí? Is dea-chumarsáid agus dea-mheantóireacht é sin.
• An bhfoghlaimíonn tú go tapa? An oibríonn tú go maith i bhfoirne? Is scileanna ‘boga’ iad sin a bhfuil meas ag fostóirí orthu.
• Má tá tú níos sine agus ag athrú tionscail nó ag lorg poist tar éis sos fada, smaoinigh ar scileanna atá úsáideach pé áit a bhfuil tú. An bhfuil tú in ann géarchéim a bhainistiú nó dul i mbun caibidlíocht le daoine a bhfuil tuairimí difriúla acu? Is luachmhar i gcónaí iad na scileanna sin cibé ról, tionscal nó tír atá i gceist. 
• Uaireanta déanaimid neamhaird ar ár láidreachtaí féin. Fiafraigh d’iar-chomhghleacaithe nó d’iarbhainisteoir cad é do rannchuidiú nó do cháilíocht is luachmhaire dar leo. 

Lámh chúnta ghairmiúil

Cuimhnigh, ní gá duit a bheith i d’aonar. Go deimhin, tá uirlisí agus seirbhísí éagsúla forbartha ag Seirbhísí Poiblí Fostaíochta (SPF) ar fud na hEorpa chun cabhrú leat do chumais a aithint agus a dhoiciméadú. Tá roinnt samplaí le fáil i bpáipéar a d’fhoilsigh líonra SPFanna na hEorpa le déanaí:

• San Ostair reáchtáiltear an Córas Faisnéise Gairme – uirlis chomhtháite a chabhraíonn le cuardaitheoirí poist a gcuid scileanna a aithint, cur síos a dhéanamh orthu agus iad a fhorbairt. Úsáideann comhairleoirí na torthaí sin chun pleananna gníomhaíochta pearsantaithe a fhorbairt a chomhcheanglaíonn treoir ghairme, bailíochtú agus oiliúint. 
• Sa Fhrainc cuimsítear bailíochtú taithí a fuarthas roimhe seo i gconairí comhairleoireachta chun taithí roimhe seo a chur ar bhonn foirmiúil ach í a iompú i gcáilíochtaí aitheanta.
• Comhoibríonn SPF na Portaingéile le hionaid Qualifica chun cabhrú le cuardaitheoirí poist na scileanna a sainaithníodh le linn seisiúin treoraíochta a chur ar bhonn foirmiúil.

Tá tacaíocht do sheirbhísí SPF ag líonraí ar fud na hEorpa. Le EURES tugtar rochtain ar chomhairleoirí, ar fhaisnéis faoin margadh saothair agus ar leideanna do dhaoine atá ag cuardach poist agus ag iarraidh dul ag obair thar lear, agus cuireann Europass uirlisí ar fáil chun do scileanna digiteacha a thástáil agus chun do CV agus do litir chumhdaigh a chruthú. 

Ach úsáid a bhaint as na hacmhainní sin agus trí mhachnamh a dhéanamh ar raon iomlán do thaithí gairmiúla, is féidir leat CV an-láidir a chur le chéile ina léireofar go fírinneach d’fhostóirí féideartha an luach atá agat i ndáiríre. Chun cabhrú leat tosú amach ar an aistear sin, léigh alt EURES Bain úsáid as uirlisí agus seirbhísí digiteacha Europass chun do ghairmréim a bhainistiú ar bhealach níos fearr.

Naisc ghaolmhara:

Thematic Review Workshop on Skills-Based Approaches in Public Employment Services Processes and Activities [Ceardlann athbhreithnithe théamaigh maidir le cur chuige atá bunaithe ar scileanna i bpróisis agus i ngníomhaíochtaí seirbhísí poiblí fostaíochta]

Vocational Information System (BIS) [Córas faisnéise gairmoideachais (BIS)]

Validation of prior experience (VAE) [Bailíochtú taithí a fuarthas roimhe seo (VAE)]

Clár Qualifica

Europass

EURES

Bain úsáid as uirlisí agus seirbhísí digiteacha Europass chun do ghairmréim a bhainistiú ar bhealach níos fearr.

Léigh tuilleadh: 
Laethanta Fostaíochta Eorpacha

Cuardaigh Comhairleoirí EURES

Ag maireachtáil agus ag obair i dtíortha EURES

Bunachar sonraí post EURES
Seirbhísí EURES le haghaidh fostóirí

Féilire Imeachtaí EURES 
Imeachtaí ar línea bheidh ar siúl go luath
EURES ar Facebook
EURES ar X
EURES ar LinkedIn