Qed tfittex l-ewwel impjieg tiegħek, u tinsab ibbumbardjat bil-kisbiet straordinarji tal-karriera taż-żgħażagħ li apparentement irnexxew mil-lum għall-għada. Bejn il-media soċjali u l-kliem b’intenzjoni tajba tal-ħbieb u tal-familja, tista’ tħoss li d-dinja tippretendi minnek li tagħmel kollox perfett, minnufih.
Iżda dan huwa kompletament normali. F’podcast reċenti mill-Eurostat — l-aġenzija uffiċjali tal-istatistika tal-UE — żewġ mistiedna jiftakru l-ewwel impjiegi tagħhom u jiddiskutu kif it-tranżizzjoni mill-edukazzjoni għall-impjieg hija stadju importanti iżda li spiss ma jinftiehemx sew fil-ħajja taż-żgħażagħ.
Aspettattivi żejda
Filwaqt li l-avvanzi diġitali rapidi fetħu ħafna perkorsi u opportunitajiet ta’ karriera ġodda, dawn iġorru wkoll piż kbir. Il-kompetizzjoni żdiedet, u biddlet il-ħtiġijiet tal-ħiliet u kkawżat bidliet kbar fis-suq tax-xogħol. Skont Riccardo Gatto mill-Eurostat, iż-żgħażagħ huma partikolarment vulnerabbli. “Is-suq tax-xogħol inbidel għal kulħadd, iżda b’mod partikolari għal dawk li qed jidħlu fih issa.”
Barra minn hekk, il-media soċjali wasslet għall-hekk imsejħa nassa tat-tqabbil: iż-żgħażagħ il-ħin kollu qed ikejlu ħajjithom imqabbla ma’ dik tal-influwenzaturi u l-pari tagħhom, li jista’ jġegħilhom iħossuhom li ma jkunux qed jiksbu biżżejjed. F’dak li għandu x’jaqsam max-xogħol, il-pressjoni għas-suċċess tista’ tkun partikolarment ta’ ħsara għall-fiduċja fik innifsek u ta’ detriment għas-saħħa mentali tiegħek.
Tibdil tan-narrattiva
Allura, kif tista’ ssikket dan l-istorbju kollu u teħles lilek innifsek minn aspettattivi mhux realistiċi? Hawn taħt hawn xi miti komuni dwar kif għandu jkun il-perkors tax-xogħol tiegħek u għaliex m’għandekx temminhom.
Għandi nsib l-impjieg tal-ħolm tiegħi minnufih. Meta tibda l-karriera tiegħek, xejn inqas minn “perfett” ma huwa biżżejjed: il-kumpanija tal-ewwel preferenza tiegħek, salarju tajjeb, rikonoxximent rapidu u futur sabiħ quddiemek. Fir-realtà, l-ewwel impjieg tiegħek x’aktarx se jkun pass ’il quddiem għal opportunitajiet aħjar. Il-biċċa l-kbira tan-nies fl-istess pożizzjoni tiegħek ftit li xejn għandhom idea kif jidher is-sodisfazzjon tal-karriera, sempliċiment minħabba li ma kisbux biżżejjed esperjenza ta’ xogħol biex iqabblu l-għażliet. Li tieħu l-ħin biex tesplora ambjent tax-xogħol li jinsab daqsxejn ’il bogħod mill-aspettattivi inizjali tiegħek se jgħinek tifhem dak li tixtieq.
Il-lawrja tiegħi se tgħallimni dak kollu li għandi bżonn biex insir tajjeb f’xogħli. L-edukazzjoni hija bla dubju importanti, iżda mhijiex l-istorja kollha. Skont Francis van der Mooren minn Statistics Netherlands, “iż-żgħażagħ jinsabu taħt pressjoni kbira biex jagħżlu l-edukazzjoni t-tajba u biex jirnexxu fis-suq tax-xogħol minflok ma jiżviluppaw b’mod aktar naturali.” Hija tispjega li l-fatt li wieħed isir ħaddiem kwalifikat huwa proċess gradwali: filwaqt li l-edukazzjoni tipprovdi pedament, ħafna ħiliet essenzjali jiġu mgħallma fuq il-post tax-xogħol, permezz ta’ esperjenza u gwida minn kollegi b’aktar esperjenza.
Se nibqa’ fl-istess industrija għal żmien twil. Hekk kif is-suq tax-xogħol jevolvi, qed ikunu meħtieġa dejjem aktar ħiliet ġodda. L-innovazzjonijiet teknoloġiċi, il-bidla fl-industriji u modi ġodda ta’ ħidma jfissru li ħafna oqsma qed jiġu ttrasformati radikalment, u fejn tkun bdejt jista’ ma jkunx fejn tispiċċa. Il-qofol huwa li tidentifika x-xejriet li qed jinbidlu u li tadatta kif xieraq.
Allura x’inhi l-konklużjoni ewlenija? Armi l-aspettattivi mhux realistiċi u ppermetti lilek innifsek tesplora, titgħallem u tikber bil-pass tiegħek stess. Maż-żmien, se tasal għal karriera li hija l-aktar xierqa għalik!
Lest(a) biex ittir mill-bejta għal karriera tiegħek? Ħalli lill-EURES jurik it-triq! Il-kampanja
“Il-karriera tiegħek tiftaħlek bibien ġodda” hija ddedikata biex tappoġġa lill-istudenti, lit-trainees u lill-apprendisti universitarji jew ta’ taħriġ vokazzjonali li qed ifittxu l-ewwel impjieg tagħhom barra minn pajjiżhom. Żur il-paġna web iddedikata għal aġġornamenti regolari dwar opportunitajiet ġodda, u oqgħod attent għall-hashtags #withEURES u #EURESjobs fuq il-media soċjali.
Links relatati:
il-Eurostat: Podcast Stats in a Wrap — Żgħażagħ fis-suq tax-xogħol tal-lum
Il-Fondazzjoni Ewropea għat-Taħriġ - Impjegabbiltà u tranżizzjoni għax-xogħol
Aqra aktar:
Sib il-Konsulenti tal-EURES
Il-kundizzjonijiet tal-għajxien u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
Il-EURES fuq Facebook
Il-EURES fuq X
Il-EURES fuq LinkedIn
Il-EURES fuq Instagram
Dettalji
- Data tal-pubblikazzjoni
- 9 Jannar 2026
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- #withEURES
- Ideat u Suġġerimenti
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles