Inti student(a) universitarju/a jew tat-taħriġ vokazzjonali, trainee jew apprendist li qed tipprova ssib l-ewwel xogħol tiegħek barra minn pajjiżek? Mela tinsab fil-post it-tajjeb.
Sa Marzu tal-2026, in-network tal-EURES se jkun qed imexxi kampanja, iddedikata kompletament għall-karriera futura tiegħek. Matul ix-xhur li ġejjin, ibqa’ segwi biex issib opportunitajiet f’31 pajjiż Ewropew, diversi avvenimenti ta’ reklutaġġ online u fuq il-post, suġġerimenti dwar kif issib l-ewwel xogħol jew apprendistat tiegħek barra minn pajjiżek u ħafna attivitajiet oħra.
Kun lest(a) għall-bibien ġodda li l-karriera tiegħek tista’ tiftaħlek mal-EURES. Dan il-pass jista’ mhux biss jiftaħlek bibien ġodda, iżda l-karriera tiegħek tista’ tieħdok f’postijiet li qatt ma żort qabel fil-pajjiżi tal-UE, fil-Liechtenstein, fin-Norveġja, fl-Iżlanda jew fl-Iżvizzera!
Segwi din il-paġna għall-aħbarijiet u l-informazzjoni dwar il-kampanja. Iċċekkja għal aġġornamenti fuq il-media soċjali tal-EURES permezz tal-hashtag tal-kampanja #withEURES.
Irreaġixxi, u aqsam maghna l-pjanijiet tiegħek.
M’intix ċert(a) minn fejn se tibda? Esplora aktar minn 3 miljun opportunità offruti mill-portal tal-EURES, ipprepara s-CV tiegħek permezz tas-sit web tal-Europass jew ingħaqad mal-avvenimenti online tal-jiem tax-xogħol Ewropej.
Aħbarijiet
Il-vjaġġ taż-żgħażagħ lejn l-impjieg mhux dejjem ikun faċli. Jekk bħalissa qed tieħu l-ewwel passi tiegħek, kompli aqra biex issir taf x’appoġġ huwa disponibbli għalik.
Il-persuni li qed ifittxu impjieg li jistgħu juru adattabbiltà, ħsieb kritiku u intelliġenza emozzjonali, kif ukoll ħiliet diġitali ewlenin, għandhom jispikkaw fost il-kompetizzjoni f’dinja tax-xogħol li qed tinbidel malajr.
Il-kumpaniji dejjem ifittxu kandidati b’saħħithom u ta’ kwalità għolja, u ż-żgħażagħ fil-bidu tal-karrieri tagħhom huma mira tajba. Hekk tista’ tiġbed l-attenzjoni tagħhom u timpjegahom.
Avvenimenti
- Relatati ma'
- #withEURES
- Jobseekers
- Living & Working
- Relatati ma'
- #withEURES
- Jobseekers
- Relatati ma'
- #withEURES
- Skills & Careers
- Jobseekers
- Employers
Imsieħba tal-kampanja
Biex nilħqu lill-istudenti universitarji u dawk tat-taħriġ vokazzjonali mifruxa f'31 pajjiż, neħtieġu l-appoġġ tal-Konsulenti tal-EURES, tal-Uffiċċji Nazzjonali tal-Koordinazzjoni, tal-multiplikaturi, tal-universitajiet u taċ-ċentri ta’ taħriġ f’livelli Ewropej, nazzjonali u lokali.
Matul il-perjodu tal-kampanja, stenna serje ta’ informazzjoni interattiva u avvenimenti ta’ reklutaġġ, inklużi inizjattivi ta’ influwenzaturi, il-media soċjali u l-attivitajiet tal-media tradizzjonali f’diversi pajjiżi, u aktar.
Kif tista’ tikkontribwixxi?
Nistednuk tkun parteċipant(a) attiv(a) f’din il-kampanja. Xerred il-kelma mal-kollegi, in-networks, ma' sħabek u ma' familtek, jew permezz tas-siti web, newsletters u l-kanali tal-media soċjali tiegħek. Segwi lill-EURES fuq il-media soċjali permezz ta’ #withEURES, ipparteċipa b’mod attiv f’avvenimenti prominenti u kkondividi l-istejjer u r-ritratti tiegħek. Qed noqogħdu fuq l-għajnuna tiegħek biex tgħin lill-istudenti jiftħu bibien ġodda fil-karriera tagħhom.