Ag bogadh le leanaí? Seo roinnt leideanna maidir le bogadh chuig timpeallacht scoile nua go réidh.

Tá thart ar 17 milliún Eorpach ag maireachtáil agus ag obair thar lear faoi láthair, agus tá an céatadán sin ag fás i gcónaí de réir mar a cheadaíonn dlí saothair an AE gluaiseacht réidh shaoránaigh an AE idir tíortha. Mar sin féin, is rud amháin é bogadh leat féin nó le páirtí, ach is eispéireas an-difriúil a bhíonn ann nuair a bhíonn leanaí agat a bhfuil a gcuid riachtanas i lár an aonaigh. Do thuismitheoirí leanaí in aois scoile, is príomhábhar imní é an t‑oideachas ina dtír chónaithe nua.

Is é an riail shimplí ná gur féidir le leanaí shaoránaigh an AE freastal ar scoil in aon tír san AE faoi na coinníollacha céanna le leanaí ar náisiúnaigh iad. Ciallaíonn sé seo go gcuirfear iad i rang a chomhfhreagraíonn dá n‑aois agus dá leibhéal oideachais ar ais sa bhaile. Mar sin féin, sula mbogann tú, beidh ort fós ullmhú le haghaidh na nithe seo a leanas.

Rogha scoile

Má tá tú ag aistriú chuig cathair mhór, b’fhéidir go mbeadh roghanna agat maidir le scoileanna. I roinnt tíortha Eorpacha, mar shampla in Éirinn, tá réimse leathan bunscoileanna agus scoileanna dara leibhéal ónar féidir leat rogha a dhéanamh; b’fhéidir go mbeadh an rogha agat freisin scoileanna faoi stiúir an stáit nó scoileanna idirnáisiúnta a roghnú, mar atá, mar shampla, i Lucsamburg. Sa Spáinn, tá scoileanna poiblí, scoileanna príobháideacha nó scoileanna príobháideacha fóirdheonaithe ag an stát. I dtíortha eile, mar shampla sa Fhrainc agus sa Pholainn, déantar an bhunscoil a bhfreastalóidh do leanbh uirthi a chinneadh de réir scoilcheantair.

Clárú

D’fhéadfadh doiciméid le haghaidh cláraithe a bheith éagsúil ó thír go tír, ach mar threoir ghinearálta, ba chóir go mbeadh comhad agat do gach ceann de do leanaí ina bhfuil na nithe seo a leanas: tras-scríbhinní scoile roimhe seo (mar aon leis na bunchóipeanna le haghaidh fíoraithe), aon teastas teanga, chomh maith le taifid imdhíonachta agus taifid leighis suas chun dáta. D’fhéadfadh sé go n‑iarrfaí ort aistriúcháin fhoirmiúla ar na doiciméid thuas a chur ar fáil. Má tá riachtanais speisialta ag do leanbh, beidh ort doiciméad measúnaithe leighis a chur ar fáil freisin.

Baic theanga

Is deis iontach é bogadh chuig tír nua máistreacht a fháil ar an teanga áitiúil, ach d’fhéadfadh sé a bheith scanrúil do leanaí ar dtús. De réir Threoir 77/486/CEE ón gComhairle, bíonn leanaí náisiúnaigh AE a bhogann go tír eile AE le haghaidh poist i dteideal teagasc teanga saor in aisce a fháil sa tír óstach chun cabhrú leo iad féin a chur in oiriúint dá scoil nua agus dá saol nua. Is féidir le Comhairleoir EURES cabhrú leat chun córais oideachais nua a thuiscint agus chun rochtain a fháil ar chúrsaí teanga in aon tír Eorpach.

Tionchar an aistrithe ar leanaí

Ar deireadh, seachas na saincheisteanna praiticiúla a luadh thuas, beidh ort tionchar sóisialta agus síceolaíoch an aistrithe a mheas freisin. Is gnách go dtéann leanaí níos óige in oiriúint níos éasca do thimpeallachtaí nua agus is lú deacrachta a bhíonn acu cairde a dhéanamh, ach is cosúil go bhfuil na hathruithe seo níos deacra do dhéagóirí. Is féidir leat tacú le do leanbh trí thimpeallacht shábháilte a chur ar fáil dó nó di sa bhaile, áit a mbraitheann sé nó sí ‘sábháilte’ agus suaimhneach go dtí go dtosaíonn siad ag mothú níos compordaí. D’fhéadfadh sé a bheith ina chuidiú freisin iad a spreagadh chun páirt a ghlacadh i ngníomhaíochtaí scoile, i spóirt, i dturais allamuigh, etc. ionas go mbraithfidh siad go bhfuil siad ról á ghlacadh acu i gcúrsaí agus go bhfuil siad páirteach ann. Cuireann formhór na scoileanna seirbhísí comhairleoireachta ar fáil freisin ar féidir leo cabhrú le linn na n-idirthréimhsí sin.

Bíonn Comhairleoirí EURES ar fáil i gcónaí chun cabhrú leat agus tú ag bogadh thar lear, chun saincheisteanna a bhaineann leis an obair a réiteach agus chun tacaíocht a sholáthar a bhaineann le leanaí atá ag athlonnú leat.

Naisc ghaolmhara:

An Eoraip Agatsa – Ag tosú ar scoil i dtír AE eile

An tÚdarás Eorpach Saothair (ELA)

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí Ar Líne a bheidh ar siúl go luath

EURES ar Facebook

EURES ar X

EURES ar LinkedIn

EURES ar Instagram