Fjórar gullnar reglur til að takast á við blekkingarheilkennið á vinnustað

Mundu það sem þú hefur áorkað

Blekkingarheilkennið getur valdið því að þú gerir lítið úr árangri þínum eða virðir hann alveg að vettugi. Svo það er mikilvægt að beina athyglinni að afrekum þínum og minna þig á hvers vegna þú uppfyllir starf þitt með sóma. Í stað þess að líta á árangur þinn sem heppni, ættir þú að skrifa niður af hverju þú ert besta manneskjan í starfið. Ef þú skrifar hlutina niður getur það hreinsað hugann og hjálpað þér við að bera kennsl á það sem þú hefur áorkað. Þú ættir einnig að halda skrá yfir allar jákvæðar athugasemdir viðskiptavina um verkefni sem þú hefur unnið að. Það er frábær leið til að rifja upp árangurinn með skýrari hætti og er áhrifarík leið til að berjast gegn blekkingarheilkenninu.

Deildu líðan þinni

Blekkingarheilkennið er algengt á vinnustöðum og þú ert ekki ein/n um að takast á við tilfinningar um sjálfsefa. Það getur verið mjög einangrandi tilfinning, svo það er mikilvægt að treysta einhverjum á vinnustaðnum fyrir áhyggjum þínum. Það getur haft skaðleg áhrif á andlega líðan að halda tilfinningunum fyrir sjálfan sig og mun aðeins gera það að verkum að blekkingarheilkennið mun vaxa og erfiðara verður að takast á við það í vinnunni. Hvatning samstarfsmanna getur hjálpað þér að beina hugsunum þínum aftur á rétta braut og veita þér ferskt sjónarhorn á hið sanna gildi sem þú færir fyrirtækinu.

Hættu að bera þig saman við aðra

Það getur skaðað sjálfstraustið að bera sig saman við aðra á vinnustaðnum, sérstaklega ef þú upplifir blekkingarheilkennið. Það getur verið auðvelt að einbeita sér að árangri annarra en hunsa eigin árangur. Það er oft þannig að við vitum ekki aðstæður annarra. Ef þú hættir og veltir því fyrir þér eru flestir samstarfsmenn þínir ekki að áorka einhverju sem þú ert ekki fær um. Það er mikilvægt að halda samhengi hlutanna og einbeita sér að því að mæla eigin árangur í stað þess að bera sig saman við samstarfsmenn sína. Ef þú ert oft að bera þig saman við aðra í vinnunni ættir þú að rifja upp eigin árangur og vita að það kljást allir við blekkingarheilkennið.

Sýndu hverju þú hefur áorkað

Það getur verið vandræðalegt að tala um styrkleika okkar og árangur. Enginn vill vera talinn of sjálfsöruggur eða hrokafullur. Hins vegar er stundum betra að viðurkenna og sýna árangur sinn, sérstaklega þegar verið er að kljást við blekkingarheilkennið. Næst þegar þér finnst þú hafa lagt þitt af mörkunum til verkefnis ættir þú að fagna því með teyminu þínu og ástvinum. Þú ættir að forðast að koma þér undan hóli eða draga úr hlutverki þínu og venjast því að fá viðurkenningu fyrir störf þín

Frábær viðskiptahugmynd gæti komið þér inn í heim frumkvöðla, en öflug dagleg rútína getur hjálpað þér að ná árangri. Ef þú ert ungur frumkvöðull, skoðaðu þessar ráðleggingar til að hjálpa þér að ná markmiðum þínum.

Tengdir hlekkir:

Ertu ungur frumkvöðull? Þessar venjur munu hjálpa þér að ná meiri árangri

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur Eures

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

Eures á LinkedIn