Andreas Fruth huwa l-Ko-Fondatur u d-Direttur Maniġerjali tal-Global Savings Group, li jopera fʼmadwar 25 pajjiż. Fl-2012, flimkien maʼ Gerhard Trautmann u Adrian Renner, Andreas ħoloq CupoNation, il-pjattaforma tal-kupuni online ewlenija tal-grupp.Iltqajna miegħu dan l-aħħar sabiex jagħtina xi ftit pariri dwar xʼgħandek tagħmel meta tkun ser tibda n-negozju tiegħek.
Tibżax tagħmel il-pass
Qiegħed bilqiegħda fil-kamra tal-lockers, lest biex tilgħab l-ewwel logħba tiegħek bħala plejer professjonali tal-futbol, tal-volleyball jew tal-hockey. Dan huwa l-mument li ilek taħdem għalih għal ħafna snin; ir-riżultat taʼ sigħat bla tmiem taʼ ripetizzjoni u prattika. Temmen fik innifsek, iżda dan ma jfissirx li saqajk mʼintix tħosshom jirtgħodu. Meta tirfes fuq dak il-grawnd, il-pitch jew il-kamp, mʼgħandekx fejn tistaħba.
L-istess tistaʼ tħossok meta tibda negozju. Anki meta jkollok kunċett tajjeb ħafna u ħiliet aqwa, qatt ma tħossok kompletament lest biex tibda. U jekk qed tistenna "l-mument ideali", aktarx li tibqaʼ tistenna għal dejjem. Tibżax tagħmel il-pass!
Tinjorax il-feedback
Għandek xi żewġ partiti tajba fl-esperjenza tiegħek? It-teknika tiegħek ħawdet lil xi plejer taʼ aktar esperjenza minnek? Kemm tħossok tajjeb! Mela għalfejn il-kowċ qed ikissrek waqt it-taħriġ?
Għaliex għadek mʼintix "lest". Il-mument li taħsibha mod ieħor, allura tistaʼ tirtira. Jekk ma tiflaħx għall-kritika kostruttiva, mʼintix ser tilħaq il-potenzjal sħiħ tiegħek.
L-istess jgħodd għan-negozju. Trid tagħti widen lin-nies li għandhom l-esperjenza. Meta jagħtuk parir, irrikonoxxi l-fatt li huma "diġà għaddew minnha". Faċli li taqaʼ fuq id-difensiva, iżda jekk tagħtihom widen tistaʼ tieħu lin-negozju tiegħek fʼlivell ogħla.
Sib il-plejers tajbin
Kuljum tarahom dawn: maniġers tal-futbol ilaqalqu biex iwieġbu l-mistoqsijiet waqt l-intervisti. "Għaliex tliftu l-logħba? Għaliex it-tim mhuwiex qed jagħti prestazzjoni tajba?" Spiss isemmu t-tattika u l-pjan direzzjonali tagħhom għas-suċċess, iżda jekk il-problema mhijiex it-tattika? U jekk hija kwistjoni taʼ taħlita taʼ pjan direzzjonali u tal-persuni li qegħdin jivvjaġġaw miegħek?
Kowċ għandu bżonn il-plejers adatti għall-pożizzjonijiet xierqa – u anki n-negozji. Mingħajr dan, il-pjan direzzjonali tiegħek jista' jkun l-aqwa wieħed fid-dinja u xorta jfalli. Dan ma jfissirx li jenħtieġ li tfittex persuna eċċellenti għal kull pożizzjoni; xi drabi jkun daqstant importanti li tfittex il-potenzjal. L-iżvilupp tal-persuni huwa fattur importanti meta tibni kumpanija.
Fittex lil hinn mill-fruntieri
Xi drabi jeħtieġ li ssiefer biex issib lill-plejer ġust għal pożizzjoni speċifika. Dak li jgħaqqad kollox.
Li tqabbad impjegati minn pajjiż ieħor iġib ħafna mill-istess vantaġġi. Kollha għandna assi differenti xi nġibu fil-kamp, skont minn fejn ġejjin, u jekk trid tirnexxi fʼpajjiż differenti minn tiegħek huwa għaqli li tinvesti fʼimpjegati midħla tal-kultura.
Tinsix toffri motivazzjoni
Ċerti kowċis jistaʼ jkollhom il-kapaċitajiet taʼ plejers taċ-chess fʼdak li jirrigwarda l-bini taʼ pjan direzzjonali lejn is-suċċess, iżda ma jirnexxielhomx jimmotivaw lit-tim tagħhom. Jonfqu miljuni fuq il-plejers it-tajbin, imma jispiċċaw jaraw kollox jisfaxxa quddiemhom.
Jekk mʼintix motivatur, kun kunfidenti biżżejjed li tammetti dan il-fatt. U rrekluta lil xi ħadd li huwa kapaċi. L-impjegati tiegħek għandhom bżonn li jemmnu fil-kumpanija tiegħek daqsek u ma tistax tippretendi li persuna li ma tkunx motivata biżżejjed se taħdem bʼmod effettiv.
Kun af lill-kompetituri tiegħek
Għaliex xi drabi t-timijiet dilettanti jirbħu lil dawk professjonali? Il-kompjaċenza u n-nuqqas taʼ preparazzjoni.
Jekk ma tafx kontra min ser tilgħab, mʼgħandekx ħjiel taʼ xʼgħandek bżonn biex tirbaħ il-logħba. Huwa importanti li tirrispetta lill-avversarji tiegħek. X'qed jagħmlu tajjeb? X'qed jagħmlu ħażin? Kif tistaʼ tieħu vantaġġ? Li tkun taf il-punti pożittivi u d-dgħufijiet tal-kompetituri jistaʼ jkun fattur importanti f'jekk "tirbaħx jew titlifx".
Temminx li dejjem ser tirbaħ
Kulħadd jitlef xi darba jew oħra. Mʼinti ser tieħu xejn jekk toqgħod tagħti t-tort lill-plejers jew lill-arbitru.
Tgħallem mit-telfa! Kun af lill-kompetituri tiegħek... imma anki lill-kumpanija tiegħek. Ħalli l-iżbalji jkunu raġuni għat-tkabbir. Mhux faċli li tirbaħ, u hekk għandu jkun. Jekk titgħallem mill-iżbalji tkun aktar kompetenti d-darba li jmiss. Mʼhijiex kwistjoni li tirbaħ kull logħba; iżda li tasal fl-ewwel pożizzjoni maż-żmien. Imma l-ewwel ħaġa: agħmel l-ewwel pass!
Links relatati:
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 26 Ġunju 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Aħbarijiet esterni tal-EURES
- Ideat u Suġġerimenti
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles