Ertu að leita að vinnu? Go On Lappi deilir ráðum sínum

Um Go On og Önnu:

• Finnska fyrirtækjakeðjan býður upp á starfsmannaþjónustu, þar á meðal ráðningar og starfstækifæri
• Hluti af einkareknu Ráðningarstofusamtökum Finnlands
• Anna lýsir Go On sem „áreiðanlegu og heiðarlegu fyrirtæki sem hefur það að markmiði að tengja saman fyrirtæki og starfsmenn“
• Anna vinnur í Rovaniemi fyrir Go On Lappi, starfar í Lapplandi og Norðaustur-Finnlandi og er eitt af útibúum Go On í Finnlandi.

Lestu áfram til að heyra bestu ráð Önnu.

Frá sjónarhóli vinnuveitandans, hvað lætur góða ferilskrá skara fram úr slæmri?

• Hin fullkomna lengd er 1-3 síður á PDF eða Word-sniði. Netið er fullt af auðveldum, einföldum ferilskráarverkfærum og sniðmátum!
• Það má leggja áherslu á útlitið en hún ætti að vera auðlæsileg og skrifuð á því tungumáli sem notað er í ráðningarferlinu.
• Þú ættir að draga saman þekkingu þína, menntun, starfsreynslu, námskeið, tungumál og aðrar mikilvægar upplýsingar.
• Það er auðveldara að lesa ferilskrá sem er skipt niður eftir efni og í tímaröð með stuttum lýsingum.
• Mynd gefur ferilskránni persónulegt yfirbragð en hún er þó ekki skylda. Myndir ættu að vera einfaldar, af góðum gæðum, nýlegar og sýna andlit þitt.
• Það sem er þó mikilvægast er að upplýsingarnar ættu að vera réttar og dagréttar.

Hverjar eru bestu leiðirnar til að koma vel fyrir í starfsviðtali?

• Mættu á réttum tíma og undirbúðu þig.
• Farðu á vefsíðu vinnuveitandans til að kynnast honum og starfinu. Veltu fyrir þér af hverju hann ætti að ráða þig: styrkleikum þínum, reynslu, menntun, hvernig þú verður sem starfsmaður.
• Viðtalið er gott tækifæri til að spyrja spurninga. Undirbúðu þær - það sýnir að þú hafir áhuga!
• Ef svo óheppilega vill til að þú getir ekki mætt ættir þú að muna eftir að afboða þig eða finna annan tíma - ekki bara mæta ekki!
• Fyrir viðtöl á netinu: Ef þú ert ekki í sama landi ættir þú að athuga tímabeltið. Gakktu úr skugga um nettengingin þín, hljóðnemi og myndavélin virki og þú vitir hvernig þú skráir þig inn í kerfið. Umhverfið ætti að vera róandi svo þú getir einbeitt þér.

Skoðið þið samfélagsmiðla umsækjenda áður en þeir eru ráðnir? Ef já, hverju leitið þið eftir?

Nei, við gerum það ekki, nema umsækjandinn hafi haft samband við okkur í gegnum LinkedIn eða getið um reikninginn sinn eða blogg á umsóknina.

Hvaða ráð hefur þú fyrir umsækjendur sem koma frá öðru landi?

Áður en þú sækir um starf í nýju landi ættir þú að lesa þér aðeins til. Það er mikið af góðum upplýsingum í boði um flutninga til og störf í Finnlandi. Það er gott að lesa sér til um:

• landið og svæði þess
• hvort þú þarft dvalar- eða atvinnuleyfi, og ef svo er hversu mikið slíkt kostar og hversu lengi slík leyfisveiting tekur

Það er líka gott að vita um:

• launakjör og framfærslukostnað
• vinnumenninguna og vinnutengdar kröfur og reglur
• tungumálakröfur.

Ef þú hafðir gaman af þessari grein ættir þú að skoða fyrri viðtöl okkar í röðinni við TUI Musement and TELUS International.
 

Tengdir hlekkir:

Go On

Go On Rovaniemi

Ertu að leita að vinnu? TUI Musement gefur ráð

Ertu að leita að vinnu? TELUS International gefur ráð

 

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á netinu

EURES á Facebook

EURES á Twitter

EURES á LinkedIn