Ertu að leita að vinnu? TUI Musement gefur ráð

Um TUI Musement:

• hluti af TUI-samstæðunni, ferðaþjónustufyrirtæki á heimsvísu
• TUI Musement hluti rekstrarins leggur áherslu á pakkaferðir og ævintýri
• byrjaði sem tæknisprotafyrirtæki undir heitinu Musement, áður en það varð hluti af TUI-samstæðunni árið 2018.

Um Joëlle:

• vinnur við ráðningar hjá TUI Musement BeNe (Belgía og Holland)
• gekk til liðs við fyrirtækið fyrir þremur árum og er með skrifstofu í Brussel
• elskar vinnuna sína og lýsir henni sem „fullkominni blöndu á milli þess að ferðast og uppgötva nýtt hæfileikafólk.“

Til að komast að hverju TUI Musement leitar eftir hjá umsækjendum spurðum við Joëlle nokkrar spurningar um hvað felist í góðri starfsumsókn. Haltu áfram að lesa til að sjá hvað hún hafði að segja.

Frá sjónarhóli vinnuveitandans, hvað lætur góða ferilskrá skara fram úr slæmri?

Góð ferilskrá er skýr, vel uppbyggð og helst ein síða að lengd. Það er mikilvægt að hún sé nýlega uppfærð og skrifuð án stafsetningarvillna. Hún ætti líka að leggja áherslu á viðeigandi reynslu og styrkleika umsækjandans fyrir viðkomandi stöðu.

Hverjar eru bestu leiðirnar til að koma vel fyrir í starfsviðtali?

Fyrstu kynni eru mikilvæg. Hvort sem viðtalið er augnliti til auglitis eða á netinu er mikilvægt að klæða sig með viðeigandi hætti. Stundvísi er líka mikilvæg því hún er til marks um fagmennsku. Að lokum er mikilvægt að vera vel undirbúin/n, lesa starfslýsinguna vandlega, lesa sér til um fyrirtækið, gildi þess, grundvallarviðhorf, atvinnugreinina o.s.frv. Einnig er hægt að undirbúa spurningar til að spyrja vinnuveitandann um í viðtalinu.

Hvaða ráð gefur þú þeim sem sækja um starf í starfsgreininni eða geiranum þínum?

Við erum á höttunum eftir fólki sem hefur ástríðu af því að ferðast, sem vilja vinna í alþjóðlegu umhverfi, sem setja viðskiptavininn í fyrsta sæti og geta brosað. Besta ráð mitt er að vera þú sjálf/ur því við erum fyrirtæki fyrir alla með starfsmenn alls staðar að úr heiminum.

Skoðið þið samfélagsmiðla umsækjenda áður en þeir eru ráðnir?

Við skoðum ekki samfélagsmiðla umsækjenda okkar. Fyrir störf á orlofsstöðum okkar gerum við ekki lengur kröfu um ferilskrár og við veljum umsækjendur út frá forvalsspurningum. Fyrir störf á aðalskrifstofunni okkar skoðum við ferilskrár og umsóknarbréf frá umsækjendum.

Hvaða ráð hefur þú fyrir umsækjendur sem koma frá öðru landi?

Við ráðum fólk til vinnu á orlofsstöðum okkar. Ég ber ábyrgð á Belgíu og Hollandi en við ráðum einnig fólk frá Austurríki, Danmörku, Þýskalandi, Póllandi og mörgum öðrum löndum. Ráð mitt er að kíkja á síðuna okkar störf og LinkedIn síðuna okkar til að fá upplýsingar um laus störf. Við erum að leita eftir hótelfulltrúum, fólki í barna- og krakkaklúbbana okkar, líkamsræktarleiðbeinendum, fótbolta- og sundþjálfurum og starfsmönnum í þjónustumiðstöðvar.

Þessi sería mun halda áfram næstu mánuðina svo fylgstu með fréttasíðu EURES til að fá fleiri ráð frá vinnuveitendum í Evrópu.

 

Tengdir hlekkir:

TUI Group

TUI Group: Störf

TUI Group: LinkedIn

 

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn