Hemm bosta artikli dwar il-ħiliet personali li l-impjegaturi huma ffukati li jiżviluppaw jew jipprijoritizzaw wara l-COVID-19. Ħadna ispirazzjoni minn dawn l-artikli u ġbarna fil-qosor xi wħud mill-ħiliet personali ewlenin hawn taħt. Jekk jirnexxilek titgħallem perfettament dawn il-ħiliet, allura se tagħmel lilek innifsek prospett ta’ impjieg attraenti fi kwalunkwe industrija!
Komunikazzjoni
Il-kapaċità li tikkomunika b’mod effettiv mal-kollegi, il-klijenti u l-konsumaturi hija kritika għal kważi kwalunkwe pożizzjoni, allura mhijiex sorpriża li l-impjegaturi jagħtu importanza tant kbira lill-ħiliet tal-komunikazzjoni. Dawn il-ħiliet jinkludu kollox minn komunikazzjoni orali, miktuba u mhux verbali, għal empatija, smigħ u fiduċja.
Il-besteller tan-New York Times Words That Work ta’ Dr Frank Luntz jaf jgħinek twessa’ l-ħiliet tal-komunikazzjoni tiegħek.
Soluzzjoni tal-problemi
Xi problemi huma inevitabbli, iżda huwa l-mod li bih tindirizza dawk il-problemi li verament jgħodd. L-impjegaturi jridu impjegati li kapaċi javviċinaw il-problemi b’mod kalm u metodiku, u jużaw il-ħsieb kreattiv biex isibu soluzzjonijiet. Il-ħiliet tas-soluzzjoni tal-problemi jinkludu osservazzjoni, negozjar, ħsieb laterali, analiżi, brainstorming u teħid ta’ deċiżjonijiet.
Ktieb tajjeb ħafna dwar is-suġġett huwa Stop Guessing: The 9 Behaviors of Great Problem Solvers ta’ Nat Greene.
Tmexxija
Mhux l-impjiegi kollha huma pożizzjonijiet ibbażati fuq it-tmexxija fejn se tkun qed tiġġestixxi grupp ta’ persuni. Iżda bosta minnhom se jitolbu li f’xi punt tieħu f’idejk it-tmexxija, kemm jekk fuq proġett, ma’ klijent, jew mal-konsumaturi. L-impjegaturi jagħtu importanza lill-ħiliet ta’ tmexxija peress li juru li inti għandek il-kapaċità li tieħu deċiżjonijiet, tiġġestixxi sitwazzjonijiet u tiggwida lill-oħrajn meta jkun hemm bżonn. Il-ħiliet ta’ tmexxija jinkludu r-riżoluzzjoni tal-kunflitti, id-delegazzjoni, l-empatija, il-versatilità u l-ġestjoni tal-proġetti.
Simon Sinek, awtur Brittaniku-Amerikan u kelliem ta’ ispirazzjoni jitkellem dwar it-tmexxija fil-kotba u l-intervisti tiegħu, sib ftit minuti għat-TED Talk tiegħu.
Ħidma f’tim
Hemm ftit ferm professjonijiet fejn se taħdem kompletament waħdek, u dan jagħmel il-ħiliet tal-ħidma f’tim essenzjali. L-impjegaturi jridu impjegati li jistgħu jaħdmu tajjeb ma’ oħrajn, anke meta mhux neċessarjament jaqblu, u jiġbdu flimkien ħabel wieħed sabiex jirnexxu. Xi wħud mill-ħiliet ewlenin relatati mal-ħidma f’tim jinkludu kollaborazzjoni, kooperazzjoni, smigħ u delegazzjoni.
Etika tax-xogħol
Li tasal fil-ħin għax-xogħol, li tlesti l-kompiti sal-iskadenzi u li tkun organizzat(a) kollha huma parti minn etika tax-xogħol b’saħħitha. Dawn l-azzjonijiet juru li inti temmen fl-importanza tax-xogħol tiegħek, u b’dan se tintgħoġob mal-impjegaturi. Ħiliet speċifiċi fl-etika tax-xogħol jinkludu l-awtomotivazzjoni, l-affidabbiltà, il-professjonaliżmu u d-dixxiplina.
On Fire at Work ta’ Eric Chester jaf ikun bidu tajjeb għal xi ispirazzjoni.
Attitudni pożittiva
L-impjegati b’attitudni pożittiva huma essenzjali għal kwalunkwe negozju. Mhux biss jistgħu jgħinu biex jagħmlu l-post tax-xogħol post divertenti u produttiv, iżda l-kapaċità li wieħed jibqa’ pożittiv tista’ tgħin biex tikkumpensa għal ambjenti tax-xogħol bi stress għoli u b’ritmu tax-xogħol mgħaġġel. Il-kooperazzjoni, l-entużjażmu, kemm tkun dħuli u kapaċi turi rispett huma xi wħud mill-ħiliet ewlenin relatati.
Hemm ħafna suġġerimenti online dwar kif tista’ żżid is-sentimenti pożittivi fik. Tista’ tipprova xi ħaġa differenti kuljum. Pereżempju, tista’ tiddedika naqra attenzjoni lilek innifsek wara x-xogħol, taqra xi ċajt qabel ma tmur ix-xogħol jew matul l-ivvjaġġar lejn l-uffiċċju tiegħek. Qatt taqbeż il-pawzi veri matul is-sigħat tax-xogħol u isma mużika li taqbel mal-burdata tiegħek dik il-ġurnata.
Aqra aktar:
Sib Konsulenti tal-EURES
Kundizzjonijiet tal-ħajja u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Kalendarju tal-Avvenimenti tal-EURES
Avvenimenti Online li ġejjin
EURES fuq Facebook
EURES fuq Twitter
EURES fuq LinkedI
Dettalji
- Data tal-pubblikazzjoni
- 20 April 2022
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Sezzjoni(jiet) relatati
- Ideat u Suġġerimenti
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles