It-tranżizzjoni ekoloġika qed tittrasforma l-impjiegi, tinsab lest(a)?

The green transition is transforming jobs, are you ready?

Il-Konferenza tan-Nazzjonijiet Uniti dwar it-Tibdil fil-Klima (COP 28) li saret fi tmiem l-2023 temmet uffiċjalment id-dibattitu li ilu għaddej dwar il-fjuwils fossili: id-dinja għandha taċċellera t-tranżizzjoni lejn emissjonijiet żero netti, u tilħaq eżiti konkreti sal-2030. Dan se jinvolvi bidla sinifikanti lejn impjiegi aktar ekoloġiċi.

Skont ir-rapport tas-Cedefop Skills in transition – The way to 2035 (Ħiliet fi tranżizzjoni – It-triq lejn l-2035), biex jintlaħqu l-miri tal-Patt Ekoloġiku Ewropew, id-domanda x’aktarx li tiżdied f’setturi bħall-kostruzzjoni, it-trasport, il-ġestjoni tal-iskart, l-elettriku, l-arkitettura u l-inġinerija. Peress li dawn is-setturi jikkostitwixxu l-punti tat-tluq għal tranżizzjoni ekoloġika ta’ suċċess, huma għaddejjin minn trasformazzjonijiet sinifikanti u jeħtieġu t-titjib tal-ħiliet ekoloġiċi tal-forza tax-xogħol.

X’inhuma eżattament il-ħiliet ekoloġiċi?

It-terminu “ħiliet ekoloġiċi” jinkludi l-ħiliet u l-għarfien meħtieġa biex titrawwem it-tranżizzjoni lejn emissjonijiet żero netti, f’konformità mal-Għanijiet ta’ Żvilupp Sostenibbli tan-NU. Spiss naħsbu li l-ħiliet ekoloġiċi huma dawk tekniċi, eż. xjentifiċi, teknoloġiċi, jew tal-inġinerija; madankollu, it-tranżizzjoni ekoloġika teħtieġ ukoll ħiliet personali, bħat-teħid ta’ deċiżjonijiet, il-kreattività, ir-raġunament kritiku, il-ġestjoni tal-proġetti u l-għarfien espert tan-negozju.

Il-kultivazzjoni ta’ dawn il-kompetenzi se tippermetti lill-persuni f’pożizzjonijiet ewlenin biex:

ikejlu l-impatti fit-tul ta’ ċerti azzjonijiet fuq l-ambjent u jagħmlu għażliet aħjar; joħorġu b’soluzzjonijiet innovattivi li jikkontribwixxu għas-sostenibbiltà;
jevalwaw l-effettività ta’ diversi inizjattivi ekoloġiċi u jadottawhom meta/fejn meħtieġ;
jiżguraw li l-pjanijiet ta’ azzjoni dwar il-klima jiġu eżegwiti huma u jżommu f’moħħhom l-aħjar benefiċċji ambjentali;
joħolqu narrattivi li jattiraw lin-nies u jispiraw azzjoni trasformattiva kollettiva.

Karrieri ekoloġiċi

Hekk kif qed noqorbu lejn il-viżjoni ta’ soċjetajiet b’livell baxx ta’ karbonju, speċjalizzazzjonijiet ġodda qed jixirfu minn setturi diġà eżistenti, filwaqt li impjiegi oħra li fil-parti l-kbira ġew injorati f’daqqa waħda qed isiru aktar attraenti. Dawn huma xi perkorsi ta’ karrieri ekoloġiċi li ta’ min jikkunsidra:

Espert dwar is-sostenibbiltà. Il-kompiti tiegħek jinvolvu: il-ħidma biex titnaqqas l-impronta ambjentali tal-kumpaniji; ir-rieżami tal-mudelli ta’ negozju biex jiġi żgurat li jikkonformaw mal-linji gwida dwar is-sostenibbiltà; l-edukazzjoni tal-forza tax-xogħol dwar prattiki ekoloġiċi; u l-iżgurar li l-valuri u l-azzjonijiet tal-kumpaniji jkunu allinjati mal-għanijiet klimatiċi.
Speċjalist taċ-ċirkolarità. L-ekonomija l-ġdida se tiddependi ħafna fuq ir-riċiklaġġ, it-tnaqqis, l-użu mill-ġdid u t-tiswija. Se tkun responsabbli għall-introduzzjoni, is-sorveljanza u/jew is-simplifikazzjoni ta’ dawn il-proċessi kollha.
Bidwi urban. Se tuża l-aħħar teknoloġija agrikola, li tinkludi l-IA, biex tkabbar l-għelejjel fil-bliet, biex b’hekk jonqos il-piż miż-żoni rurali. Il-mudelli l-ġodda jużaw inqas art u ilma u inqas pestiċidi, minbarra li jġibu s-saħħa ’il quddiem fil-bliet u jagħmluhom aktar estetikament pjaċevoli.
Agronomista Peress li l-biedja tradizzjonali x’aktarx li qatt mhi se tiġi eliminata gradwalment, inti se tagħti pariri lill-bdiewa dwar prattiki aktar sostenibbli.
Konsulent tal-ekoloġija Inti se twettaq riċerka u tagħti pariri dwar kwistjonijiet ambjentali. Se toffri wkoll l-għarfien espert tiegħek dwar id-disinn tal-pajsaġġ, il-forestrija, u l-ġestjoni tal-proprjetà, fost l-oħrajn.
Bennej ekoloġiku Inti se tiddisinja u toħloq il-bini intelliġenti l-ġdid li se jagħmel użu effiċjenti mis-sħana u d-dawl, u se twettaq ukoll rinnovazzjoni tal-bini antik sabiex jikkonforma mal-istandards il-ġodda.

Aqra aktar dwar il-karrieri b’impatt ekoloġiku pożittiv fl-artiklu tagħna Impjiegi ekoloġiċi li hemm domanda għalihom fl-2023.

Links relatati:

Tibdil fix-xejriet tax-xogħol: kif it-tranżizzjoni lejn ekonomija ekoloġika u diġitali se jkollha impatt fuq l-impjiegi Ewropej

Assessing and anticipating skills for the green transition – OECD report

Aqra aktar:

Il-Jiem Ewropej għall-Impjiegi

Sib Konsulenti tal-EURES

Kundizzjonijiet tal-ħajja u x-xogħol fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin