Madwar 10 jew 20 sena ilu, xi wħud minn dawn l-impjiegi ma kinux jeżistu. Oħrajn kienu jeżistu, iżda kienu jidhru differenti ħafna. Filwaqt li qed nippruvaw nipproteġu l-futur tal-pjaneta tagħna, il-ħiliet ekoloġiċi qed isiru dejjem aktar importanti.
Huwa diffiċli li jiġi definit impjieg “ekoloġiku”, ġeneralment nirreferu għal dawk li jiffukaw fuq l-ambjent – fi kliem ieħor, il-protezzjoni tar-riżorsi naturali u l-ispazji tad-dinja, filwaqt li jiġu limitati l-emissjonijiet u l-impatti ta’ ħsara. Dawn huma wħud mill-impjiegi l-aktar rilevanti bħalissa.
Inġinier tal-enerġija rinnovabbli
Il-kumpaniji tal-enerġija dejjem kellhom bżonn inġiniera tas-sengħa. Fil-passat, il-biċċa l-kbira tal-impjiegi kienu fis-setturi taż-żejt, tal-faħam u tal-gass. Minħabba li s-settur tal-enerġija rinnovabbli qed jikber, l-għadd ta’ impjiegi fl-enerġija ekoloġika qed jikber ukoll. Pereżempju, tista’ taħdem bħala installatur tal-pannelli solari jew tekniku tat-turbini tar-riħ. Ħafna ħiliet se jkunu utli f’dawn ir-rwoli differenti, għalhekk bil-ħiliet it-tajba, ikun aktar faċli ssib impjieg.
Inġinier ċivili
Bħala inġinier ċivili, tiddisinja bini u strutturi oħra. Illum il-ġurnata, ir-regoli ta’ sostenibbiltà jfissru li l-proġetti tal-bini jridu jevitaw il-ħela tal-enerġija u riżorsi oħra. Jekk id-disinn tal-bini ma jgħoddx għalik, l-ippjanar urban sostenibbli jista’ jkun aktar adatt. Il-pjanifikaturi urbani jħarsu b’mod aktar wiesa’ lejn l-ispazji urbani biex jagħmluhom aktar ekoloġiċi u “ċirkolari”, jiġifieri jużaw mill-ġdid ir-riżorsi u jevitaw l-iskart. Tista’ taħdem ukoll bħala maniġer ta’ proġetti, li jmexxi proġetti ta’ bini ta’ kuljum.
Xjenzat
Bħala xjenzat ambjentali, tiġbor, tanalizza u tippreżenta informazzjoni biex tgħin sabiex il-pjaneta tiġi protetta. Ix-xogħol tiegħek jista’ jgħin biex jinstabu tweġibiet għal uħud mill-akbar sfidi tad-dinja, bħat-tibdil fil-klima. Tista’ tiffoka wkoll fuq aspetti speċifiċi, bħall-ilma, il-ħamrija jew il-kwalità tal-arja. Tista’ taħdem ukoll bħala konsulent, fejn l-impjieg tiegħek ikun jinvolvi li tgħin lill-organizzazzjonijiet isiru aktar ekoloġiċi u aktar sostenibbli.
Maniġer fil-qasam tas-sajd
Impjieg aktar speċifiku ta’ ġestjoni ta’ proġetti jista’ jkun bħala maniġer fil-qasam tas-sajd. F’dan ir-rwol, se jkollok tiġġestixxi l-istokkijiet tal-ħut, li huma importanti għall-bijodiversità. Tista’ tittratta wkoll l-aspetti legali u saħansitra l-emerġenzi, bħat-tixrid taż-żejt.
Kirurgu tas-siġar
Jekk tixtieq tkun attiv u fil-beraħ, il-kirurġija tas-siġar tista’ tkun għalik. Din il-karriera ma tikkonsistix biss minn qtugħ tas-siġar. Għandha wkoll fokus ambjentali kbir. Il-kirurġija tas-siġar tinvolvi t-tħawwil ta’ siġar u arbuxelli ġodda, il-kura ta’ siġar ħżiena għas-saħħa, u ġeneralment il-protezzjoni tal-ambjent naturali. Bl-istess mod, il-forestiera jikkonservaw u jirriġeneraw il-foresti, inkluż billi jipproteġuhom minn mard u nirien, u jindirizzaw id-deforestazzjoni.
Disinjatur ta’ prodotti
Id-disinjaturi ta’ prodotti jeħtieġ li joħolqu prodotti li jdumu aktar, jaħdmu b’mod aktar effiċjenti, u jkollhom impatt ambjentali iżgħar. Il-prodotti jistgħu jvarjaw ħafna, minn imballaġġ riċiklabbli għal karozzi elettriċi. Eżempju interessanti ieħor huwa l-ilbies. Sabiex jitnaqqas l-impatt ta’ dan is-settur, inkluż l-iskart mill-“moda mgħaġġla”, jeħtieġ li l-istilisti jagħmlu ħwejjeġ li jdumu aktar u jużaw materjali riċiklati.
Dan l-eżempju juri li, filwaqt li xi karrieri jistgħu ma jidhrux bħal impjiegi “ekoloġiċi” tipiċi, hemm ħafna modi biex issib karriera b’impatt ambjentali pożittiv, irrispettivament minn x’inhuma l-punti b’saħħithom tiegħek stess jew f’liema settur taħdem.
Żomm moħħ miftuħ u żomm il-miri tiegħek f’moħħok – hemm ħafna impjiegi ekoloġiċi li jistgħu jkunu għalik!
Fi sħubija mal-EURES, il-Portal Ewropew dwar il-Mobilità fix-Xogħol.
Aqra aktar:
Kundizzjonijiet tal-ħajja u x-xogħol fil-pajjiżi tal-EURES
Bażi tad-data tal-Impjiegi tal-EURES
Is-servizzi tal-EURES għall-impjegaturi
Il-kalendarji tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 6 Ġunju 2023
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Aħbarijiet/rapporti/statistika
- Xejriet ta' reklutaġġ
- Żgħażagħ
- Sezzjoni(jiet) relatati
- Ideat u Suġġerimenti
- Informazzjoni dwar is-Suq tax-Xogħol
- Settur
- Administrative and support service activities
- Agriculture, forestry and fishing
- Electricity, gas, steam and air conditioning supply
- Information and communication
- Manufacturing
- Other service activities
- Professional, scientific and technical activities
- Real estate activities
- Water supply, sewerage, waste management and remediation activities
- Wholesale and retail trade; repair of motor vehicles and motorcycles