ESB leggur til tilskipun til að vernda réttindi netvangsstarfsmanna

Hvað er netvangsvinna?

Netvangsvinna er nýtt form til að skipuleggja launaða vinnu í gegnum stafrænan vettvang á netinu. Netvangsstarfsmenn eru skráðir á sérstökum vettvangi á netinu til að bjóða upp á margs konar launaða þjónustu. Dæmi um slíka netvanga eru meðal annars Uber, Bolt, og Upwork.

Netvangshagkerfið hefur marga kosti bæði fyrir starfsmenn og neytendur. Með lágum inngönguskilyrðum og sveigjanlegum vinnutíma auðvelda stafrænir netvangar fólki að verða sjálfstætt starfandi og afla tekna óháð félagslegri stöðu.

Samkvæmt framkvæmdastjórn Evrópusambandsins voru tekjur af netvangshagkerfinu í ESB árið 2020 áætlaðar allt að 20 milljarðar evra. Bara í ESB eru meira en 500 stafrænir starfsvettvangar og meira en 28 milljónir starfsmanna.

Hverjar eru þær áskoranir sem starfsmenn netvanga standa frammi fyrir?

Netvangsstarfsmenn eru nánast alltaf flokkaðir sem sjálfstætt starfandi einstaklingar af vettvangnum á netinu. Í flestum réttarkerfum í Evrópu þýðir þetta að þeir hafa engan eða takmarkaðan aðgang að vinnuvernd, svo sem kjarasamningarétti, heilsu- og öryggisvernd og almannatryggingakerfum.

Að auki eru atvinna og tekjur oft ófyrirsjáanlegar og ákvarðaðar af reikniritum sem eru óviðráðanlegar fyrir starfsmenn. Vinnuaðstæður eru mismunandi eftir tegund netvangs, eðli verkefna og hverskonar færni þarf til að framkvæma þessi verkefni.

Tilskipun ESB um bætt vinnuskilyrði í netvangsvinnu

Í desember 2021 lagði framkvæmdastjórn Evrópusambandsins til tilskipun til að bæta vinnuskilyrði í netvangsstarfmanna. Tilskipunin leggur fram lista yfir viðmiðanir til að ákvarða hvort netvangurinn geti flokkast sem vinnuveitandi. Ef netvangurinn uppfyllir nauðsynleg skilyrði er lagalega gert ráð fyrir að hann sé vinnuveitandi. Vegna tilskipunar sem hefur verið lögð til er áætlað að á milli 1,7 milljónir og 4,1 milljón manns geti verið endurflokkaðir sem launþegar. Aðrir gætu orðið raunverulega sjálfstætt starfandi þar sem sumir netvangar gætu breytt viðskiptamódelum sínum.

Að vera flokkaðir sem starfsmenn þýðir að netvangsstarfsmenn munu hafa aðgang að:

• tryggðum hvíldartíma og greiddum frídögum;
• a.m.k. lágmarkslaun landsmanna eða atvinnugreina (þar sem við á);
• öryggi og heilsuvernd;
• atvinnuleysis-, veikinda- og heilsutryggingu;
• foreldraorlof;
• lífeyrisréttindi;
• bætur vegna vinnuslysa og atvinnusjúkdóma.

Tilskipun framkvæmdastjórnarinnar miðar einnig að því að auka gagnsæi í notkun kerfa á reikniritum, tryggja eftirlit með mönnum og réttinn til að mótmæla sjálfvirkum ákvörðunum.

Landsyfirvöld eiga oft í erfiðleikum með að fá aðgang að gögnum sem tengjast netvöngum og fólki sem vinnur í gegnum þá. Tillaga framkvæmdastjórnarinnar vill koma á meira gagnsæi í kringum netvanga með því að gera núverandi skyldur skýrari þegar kemur að því að tilkynna unnin störf til innlendra yfirvalda. Nýju reglurnar munu krefjast þess að netvangar geri upplýsingar um starfsemi sína og fólkið sem vinnur í gegnum þær aðgengilegar fyrir innlend yfirvöld.

Önnur úrræði um réttindi netvangsstarfsmanna

Verkefni í netvangshagkerfi Þessi gagnahirsla Eurofound skráir fjölmörg innlend verkefni sem tengjast netvangshagkerfinu. Hægt er að nota síuna til að gera landssértæka leit.

Frumkvæði til að bæta aðstæður fyrir vetvangsstarfsmenn:Markmið, aðferðir, styrkleikar og veikleikar: Þessi Eurofound skýrsla metur nokkur af þeim frumkvæðum í aðildarríkjunum sem miða að því að takast á við neikvæðu hliðarnar á netvangsvinnu og kemur með tillögur um frekari aðgerðir.

Spurningar og svör:Bætt vinnuskilyrði í netvangsvinnu: Framkvæmdastjórn Evrópusambandsins svarar algengum spurningum sem tengjast netvangshagkerfi og veitir frekari upplýsingar um fyrirhugaða tilskipun sína sem og tengla á úrræði.

Netvangsvinna er aðeins einn af mörgum möguleikum sem ungir atvinnuleitendur hafa til að hefja starfsferil sinn. Skoðaðu þessa grein til að fræðast meira um starfsnámsmöguleikana sem ungu fólki í ESB stendur til boða.

 

Tengdir hlekkir:

Bætt vinnuskilyrði í netvangsvinnu

Frumkvæði til að bæta aðstæður fyrir vetvangsstarfsmenn:Markmið, aðferðir, styrkleikar og veikleikar

Verkefni í netvangshagkerfi

Tillaga að tilskipun Evrópuþingsins og ráðsins um bætt vinnuskilyrði í netvangsvinnu

Spurningar og svör:Bætt vinnuskilyrði í netvangsvinnu

Evrópuár ungmenna:Starfsþjálfun

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn