Kennarar frá Póllandi og Grikklandi finna störf í Þýskalandi með hjálp EURES

Kennarar fyrir Norður-Þýskaland var hrundið af stokkunum af menntamálaráðuneyti Mecklenburg-Vorpommern en það er hérað í Norðaustur-Þýskalandi með landamæri að Póllandi. Eftir að hafa séð auglýsingar frá ráðuneytinu á samfélagsmiðlum byrjuðu pólskir umsækjendur, sem höfðu áhuga á kennarastörfum í öðrum löndum, að sækja um laus störf í landsbyggðarskólum héraðsins.

Umsækjendur fá dýrmæta aðstoð frá EURES

Umsækjendur fengu hjálp í gegnum stjórnsýsluferla frá ráðgjöfum EURES hjá skrifstofu Vinnumálastofnun Þýskalands fyrir alþjóðlegar ráðningar (Zentrale Auslands- und Fachvermittlung, ZAV). Einkum aðstoðaði þjónustuskrifstofan fyrir viðurkenningu á menntun á hæfi (Zentrale Servicestelle Berufsanerkennung) umsækjendum við að fá viðurkenningu á formlegri menntun þeirra. „Ráðuneytið kom á fót nokkurs konar nýliðanámskeiði fyrir nýráðnu kennarana svo þeir gætu bætt færni sína í þýsku, lært um þýska skólakerfið og hafið störf,“ útskýrir Lena Sundheimar, sem vinnur fyrir landsskrifstofu EURES í Þýskalandi.

EURES ráðgjafar hjálpuðum umsækjendum við að sækja um fjárhagsaðstoð úr sérhæfða atvinnuverkefni EURES og hjá þýsku ríkisstofnuninni fyrir fólksflutninga og flóttamenn (Bundesamt für Migration und Flüchtlinge, BAMF), en umsækjendur fengu þar styrk fyrir sumum tungumálanámskeiðunum, sem þeir sóttu á netinu, fyrir komu til Þýskalands.

Fyllt í staðbundinn skort á færni

Verkefnið hjálpaði til við að bæta úr kennaraskorti. Skólar á svæðinu hafa átt í erfiðleikum með að finna starfsmenn og þá sérstaklega yngra fólk og reynt að ráða kennara frá öðrum löndum til að fylla í eyðurnar. Kennarar fyrir Norður-Þýskaland kom á fót umgjörð til að gera það. Þar sem ZAV er hluti af EURES netinu voru ráðgjafar EURES vel í stakk búnir til að finna umsækjendur í öðrum löndum. „ZAV setti sig í samband við skrifstofur EURES til að finna fleiri umsækjendur fyrir verkefnið,“ minnist Lena. EURES í Þýskalandi tók höndum saman við EURES í Grikklandi til að halda upplýsingafund á netinu en fjölmargir grískir umsækjendur réðu sig til starfa í kjölfar hans.

Þegar verkefninu lauk árið 2021 höfðu 17 kennarar frá Póllandi og Grikklandi (13 frá Póllandi og 4 frá Grikklandi) ráðið sig í fullt starf í Þýskalandi. „Við fengum fullt af umsóknum og erum mjög ánægð með að hafa ráðið 13 pólska kennara,“ sagði Rita Gerlach-March frá menntamálaráðuneytinu.

Aneta fer aftur að kenna hinum megin við landamærin

Einn árangursríkur umsækjandi var Aneta Goch sem kemur fyrir í þessu myndbandi frá Vinnumálastofnun Þýskalands. Aneta er pólsk en lærði þýsku sem erlent mál áður en hún hóf störf sem kennari í grunnskóla í Póllandi og síðar í banka.

Aneta hefur nú snúið sér aftur að kennslu – en í þetta skiptið í gegnum verkefnið Kennarar fyrir Norður-Þýskaland. Þar sem laun kennara eru hærri í Þýskalandi en í Póllandi gaf starf hinum megin við landamærin Anetu kost á því að snúa aftur til starfa og hjálpa til við að greiða fyrir háskólanám dóttur sinnar.

„Ég er ánægð með að hafa fundið þetta starf í Þýskalandi og ég er spennt fyrir því,“ sagði Aneta. „Ég elska að vinna með börnum og held að ég hafi alltaf viljað vera kennari.“

ZAV var svo ánægt með árangur verkefnisins að það réðst í herferðir til að ráða kennara frá löndum eins og Ungverjalandi og Portúgal. Skólar halda áfram að leita að kennurum frá öðrum löndum með góða þýskukunnáttu, einkum fyrir fög eins og vísindi, tækni, verkfræði og stærðfræði.

Ef þú hefur áhuga á að starfa í öðru landi skaltu fylgjast með lausum störfum á EURES vefgáttinni eða hafa samband viðEURES ráðgjafa til að fá aðstoð.

 

Tengdir hlekkir:

Kennarar fyrir Norður-Þýskaland

Sérhæft atvinnuverkefni EURES

Myndbandið: Best Practice: Lehrkräfte für Mecklenburg-Vorpommern

EURES:Finna starf í Evrópu

Hafa samband við EURES ráðgjafa

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í löndum EURES

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn