Nýtt starf í Austurríki opnar áður óþekkta möguleika fyrir Slóvena í atvinnuleit

Ana-Marija Vratanar, sem kemur frá litlu þorpi í Slóveníu, hafði verið að leita að góðri vinnu í heimalandi sínu áður en hún sá atvinnuauglýsingu sem vakti athygli hennar. Starfið sem var auglýst á atvinnumiðlun í heimabæ hennar, var staða á fjölskyldureknu hóteli í Austurríki. "Ég hugsaði með mér, af hverju ekki?" Hún hafði því samband við EURES ráðgjafann Žarko Markovič, sem starfar í Ljubljana.

"Ég hafði starfað á mörgum stöðum í Slóveníu. Ég hafði starfað á börum og veitingstöðum, og sem kennari í grunnskóla þar sem ég aðstoðaði börn með námsörðugleika," segir Ana-Marija. "En starfið í Austurríki veitti mér tækifæri til að ferðast og bæta þýskukunnáttu mína."

Hún fór því til Ljubljana í atvinnuviðtal þar sem Žarko aðstoðaði hana við að svara spurningum hennar og leiðbeindi henni í gegnum umsóknarferlið. "Ég sagði henni hvaða pappíra hún þyrfti að útvega og hjálpaði henni að búa sig undir viðtalið. Ég hef ávallt notið þess að sjá þegar atvinnuleitendum tekst að finna gott starf erlendis."

Aðstoðin hans borgaði sig og hún fékk starfið. "Ég hef nú verið ráðin við þetta hótel í tvo vetur," segir Ana-Marija ánægð í bragði. Hún hefur verið dugleg að læra þýsku og talar tungumálið núna reiprennandi. "Ég er sannfærð um að þessi reynsla eigi eftir að hjálpa mér að finna starf í heimalandi mínu."

Ana-Marija vill hvetja aðra til þess að finna störf í öðrum ESB löndum.

"Ég myndi ráðleggja fólki að reyna þetta. Þetta er frábært tækifæri að kynnast sjálfum sér og nýrri menningu." Hvaða ráðleggingar hefur hún fyrir þá sem eru að fara starfa í öðru ESB landi?

"Þið þurfið að vera vingjarnleg og opin fyrir þeim möguleika að hlutirnir séu öðruvísi en í heimalandi ykkar. Þetta snýst einnig um virðingu, að virða hugsunarhátt og lifnaðarhætti annarra. Þetta er frábært tækifæri til að þróa eigin persónuleika," segir hún.

Tengdir hlekkir:

Búseta og störf í Austurríki

Nánari upplýsingar:

Finna Eures-ráðgjafa

Atvinnu- og búsetuskilyrði í Eures löndum

Vinnugagnagrunnur Eures

Þjónusta Eures fyrir atvinnurekendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn

Eures á Google+