Conas tairiscintí poist calaoiseacha agus mífhaisnéis a aithint

How to spot fraudulent job offers and misinformation

Ag EURES, déanaimid cuardaitheoirí poist a mheaitseáil le fostóirí. Chun é sin a éascú, is mian linn a áirithiú gur féidir le fostóirí teagmháil a dhéanamh le cuardaitheoirí poist atá cláraithe ar thairseach EURES.

Mar sin féin, is eol dúinn go bhféadfadh ríomhphoist sceamála a sheoladh ó am go chéile chuig cuardaitheoirí poist, go bhféadfadh comhairle bhréagach a thabhairt dóibh, nó fiú poist nach bhfuil ann a thairiscint dóibh.

Tá roinnt sceamálacha le feiceáil ar na meáin shóisialta freisin, mar shampla i bhfíseáin YouTube. Fiú más cosúil go gcuireann na físeáin seo EURES chun cinn, is minic a chuireann siad faisnéis bhréagach ar fáil, mar shampla, ag maíomh go soláthraíonn EURES víosaí.

Tá sé tábhachtach, dá bhrí sin, gur féidir leat fíorfhostóirí a aithint agus tairiscintí bréagacha poist agus sceamálacha eile a aithint. Anseo thíos, cuirimid comhairle thábhachtach ar fáil, ag tosú le seicliosta ceisteanna atá le cur ort féin.

Má fhaigheann tú ríomhphost:

An bhfuil aithne agat ar an seoltóir? Ar chuir tú tús leis an teagmháil, e.g. trí liostáil le liosta seoltaí? Mura bhfuil tú eolach ar an gcuideachta, déan taighde go cruinn – féach ar a láithreán gréasáin, ach freisin ar fhoinsí neamhspleácha amhail léirmheasanna agus ailt nuachta.
Má éilíonn sé gur ó fhostóir atá sé, an as a bhfearann oifigiúil é? Baineann roinnt calaoiseoirí leas as ainmneacha cuideachtaí creidiúnacha nó as ainm EURES trí sheoltaí ríomhphoist nó ainmneacha fearainn bréige míthreoracha a chruthú – déan iad seo a sheiceáil faoi dhó i gcónaí, an litriú san áireamh.
Má mhaíonn an ríomhphost gur ó EURES go díreach atá sé, ar seoladh é ó sheoladh ríomhphoist EURES nó ó sholáthraí seirbhíse oifigiúil EURES? Bain úsáid as an uirlis Aimsigh Ball nó Comhpháirtí de chuid EURES chun liosta na n-eagraíochtaí a sholáthraíonn seirbhísí EURES i ngach tír a sheiceáil.

Má fheiceann tú rud éigin ar na meáin shóisialta:

An féidir leat an fhaisnéis san fhíseán a fhíorú? Tosaigh i gcónaí trí sheiceail a dhéanamh ar thairseach EURES. Má tá amhras ort, déan teagmháil le Comhairleoir EURES.
An bhfuil an físeán foilsithe ag cainéal oifigiúil EURES nó ag Comhalta nó Comhpháirtí EURES? Seiceáil i gcónaí le haghaidh ainm agus lógó oifigiúil.

Tabhair do d’aire: Is féidir teacht ar chainéil lárnacha EURES thíos (tabhair do d’aire go bhfuil a gcuntais féin á reáchtáil ag roinnt seirbhísí náisiúnta EURES freisin):

Botúin choitianta le seachaint:

Ná tabhair freagra riamh ar ‘tairiscint poist’ a bhaineann le hairgead a chur ar aghaidh nó a fháil, nó ina ligeann cuideachta uirthi féin nach féidir léi cuntas bainc a oscailt, aitheantas cánach a fháil, airgead a aistriú, etc.
Ná cuir faisnéis airgeadais isteach riamh trí fhoirmeacha ar líne le linn an phróisis earcaíochta. Ní thosóidh aon chuideachta creidiúnach trí do shonraí bainc nó do shonraí cárta a iarraidh.
Ná cuir glaoch ar uimhir theileafóin a sheoltar chugat i ríomhphost go dtí go bhfuil sé fíoraithe agat gur uimhir rialta é agus nach uimhir chostasach ardráta í.

An rud le déanamh má fheiceann tú sceamáil:

Má fhaigheann tú tairiscint poist a mheasann tú a bheith neamhdhleathach, mí-eiticiúil nó míchuí ar shlí eile trí thairseach EURES – nó má fhaigheann tú ríomhphost calaoiseach agus má tá amhras ort go bhfuair an seoltóir do sheoladh ríomhphoist ónár mbunachar sonraí – téigh i dteagmháil le Deasc Chabhrach EURES.
Tá fáilte romhat freisin dul i dteagmháil leis an deasc chabhrach má aimsíonn tú faisnéis bhréagach nó mhíthreorach eile faoi EURES ar líne.

Tabhair do d’aire: D’fhéadfadh sé gur thuairiscigh faighteoirí eile ar líne caimiléirí a ghníomhaíonn go minic freisin. Más rud é gur lean tú na céimeanna thuas agus má tá tú fós in amhras, déan iarracht cuardach a dhéanamh ar líne le haghaidh tuarascálacha ar sceamalacha den chineál céanna.

Naisc ghaolmhara:

Tairseach EURES

Cuardaigh Comhairleoirí EURES

Léigh tuilleadh:

Laethanta Fostaíochta Eorpacha

Aimsigh Comhairleoirí EURES