Að ráða starfsnema: Ávinningurinn fyrir fyrirtæki

Að öðlast ný sjónarhorn

Með tímanum geta sum fyrirtæki (sérstaklega smærri fyrirtæki) orðið föst í ákveðnum farvegi. Stundum eru starfsmenn svo uppteknir að reka fyrirtæki sitt að þeir gleyma hversu mikilvægt það er að sjá hlutina frá nýju sjónarhorni og fylgjast með nýjustu straumunum í greininni. Starfsnemar eru frábær leið til að kynna nýjar hugmyndir og sjónarmið fyrir fyrirtækinu þínu. Það er yfirleitt stutt síðan að þeir hafa öðlast þekkingu á iðnaðinum og þeir eru tilbúnir að takast á við ný verkefni sem getur gert þá að uppsprettu skapandi hugmynda og nýstárlegra lausna. Þannig að það ætti endilega að hvetja þá til að deila skoðunum sínum þegar þeir eru komnir til starfa. Láttu þá vita að óskað er eftir sjónarhorni og skoðunum þeirra.

Að draga úr vinnuálagi starfsmanna þinna

Að ráða starfsnema getur verið frábær leið til að styðja við fyrirtæki þitt og starfsmenn, sérstaklega á tímum þegar mikið er að gera. Starfsnemar taka venjulega að sér létt umsýslustörf og létta vinnuálag á starfsmönnum svo þeir geti einbeitt sér að öðrum verkefnum. En starfsnemar eru ekki bara aðstoðarmenn - með réttri leiðsögn og eftirliti geta þeir einnig tekið að sér önnur alvarlegri verkefni.

Að þjálfa starfsnema fyrir hugsanlegt fullt starf

Starfsnám gæti verið frábær leið fyrir þig til að þjálfa starfsfólk, fá það til að kynnast fyrirtækinu þínu og prófa hæfileika þeirra áður en þú ræður það í fullt starf. Hugsaðu um starfsnámið sem prufutímabil sem gerir bæði þér og starfsnemunum kleift að ákveða hvort fyrirtækið þitt sé rétti staðurinn fyrir þá. Annar ávinningur við að ráða starfsnema í fullt starf er að þeir þekkja nú þegar liðsmenn sína. Þeir þekkja vinnuumhverfið þannig að þeir þurfa ekki að fara í gegnum aðlögunartímabil.

Kynntu fyrirtæki þitt meðal hugsanlegra atvinnuleitenda

Ef þú sinnir starfi þínu vel sem vinnuveitandi og starfsneminn þinn lýkur starfsnámi sínu ánægður og sáttur, er mjög líklegt að hann eða hún segi öðru fólki frá því. Gott umtal getur verið öflugt tæki til að breiða út skilaboðin um að þú sért áreiðanlegur og traustur vinnuveitandi. Þetta getur leitt til þess að fleiri umsóknir berast um störf og starfsnám.

Auktu leiðtogahæfileika starfsmanna þinna

Starfsnemar ættu alltaf að vera paraðir við leiðbeinendur eða umsjónarmenn til að tryggja að þeir séu að læra nýja færni og vinni starf sitt vel. Þetta er frábært tækifæri til að gefa starfsfólki þínu í fullu starfi tækifæri til að sýna og þróa leiðtogahæfileika sína. Þetta gerir þér líka kleift að sjá hverjir af starfsmönnum þínum hafa stjórnunarhæfileika ef þú ert að hugsa um að veita einhverjum þeirra stöðuhækkun.

Finndu starfsnema á EURES

Notaðu EURES vefgáttina til að finna mögulega umsækjendur alls staðar að úr Evrópu. Ekki hika við að hafa samband við EURES ráðgjafa ef þú hefur einhverjar spurningar.

Nánari upplýsingar:

Evrópskir atvinnudagar

Finna Eures ráðgjafa ​

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn