Cuirfidh na scileanna boga seo le dul chun cinn i do ghairm bheatha

Scileanna cumarsáide

Cé go ndéantar neamhiontas dóibh minic go leor, is féidir le scileanna maithe cumarsáide a bheith ina gcuid ríthábhachtach de thacar sainscileanna gairmí ar bith. Cibé más ag caint le comhghleacaithe, le cliaint nó le comhpháirtithe gnó atá tú, tá sé riachtanach a bheith in ann do chuid smaointe a chur in iúl go soiléir agus éisteacht go cúramach leis an méid atá á rá ag an duine eile.

Ní tharlaíonn feabhsú do scileanna cumarsáide thar oíche ach is féidir leat tosú de bheith ag smaoineamh i gcónaí roimh rud éigin a rá, agus a chinntiú go mbíonn do chuid cainte soiléir agus gonta. Mura mbíonn rud éigin soiléir, ná bíodh faitíos ort ceisteanna a chur chun é a shoiléiriú. Tapaigh aon deis chun bheith ag cleachtadh agus ná déan dearmad aiseolas a lorg.

Óráidíocht phoiblí

Scil eile a ndéantar neamhiontas di í an óráidíocht phoiblí. Gabhann a chuid dúshlán féin le bheith ag labhairt go poiblí – gné eile de a bhaineann le scileanna cumarsáide, ar ndóigh – go háirithe do dhaoine atá cúthaileach nó a mbíonn scéin stáitse orthu. Mar sin féin, is féidir leis an scil seo tionchar a imirt ar fhorbairt do ghairme beatha mar ní mór do gach cuideachta cainteoir maith a chur i láthair ag imeachtaí cuideachta, ag cruinnithe le cliant, ag comhdhálacha, etc.

Chun feabhas a chur ar do scileanna óráidíochta poiblí, ná téigh thar fóir leis ag an tús; cuir chugat é rud éigin a chur i láthair os comhair d’fhoirne nó bhaill do rannáin ar dtús. Tóg an t-am beagáinín cleachtaidh a dhéanamh roimh ré agus bí cinnte aiseolas a lorg ó do chomhghleacaithe i gcónaí chun a fháil amach caidé ar éirigh go maith leis agus caidé a d’fhéadfaí a fheabhsú. Díreach cosúil le scileanna cumarsáide eile, tógann sé am chun é a thabhairt chun foirfeachta, ach is féidir na buntáistí a ghabhann leis a bheith suntasach.

Bainistiú ama

Tá bainistiú éifeachtach ama ríthábhachtach do ghairmithe óga atá ag iarraidh a dtáirgiúlacht a uasmhéadú agus spriocdhátaí a chomhlíonadh. I measc na rudaí atá riachtanach chun go n-éireoidh leo tá tascanna a chur in ord tosaíochta, spriocanna a leagan síos agus seachráin a bhainistiú. Trí scileanna bainistíochta ama den scoth a fhorbairt is féidir leat cáil a tharraingt ort féin as bheith iontaofa agus éifeachtach, rud a bhíonn i gcónaí go maith i dtimpeallacht oibre.

Is féidir leat tosú amach ar do chuid scileanna bainistithe ama a fheabhsú tríd an altEURES seo maidir le conas cloí le sprioc-amanna a léamh.

Cuntasacht

Is cuma cé mhéad a bhímid ag iarraidh fanacht glan orthu, ní féidir botúin ag an obair a sheachaint i gcónaí. Is í an chaoi a láimhseálann tú na botúin seo an rud a dhéanann an difríocht idir dea-fhostaí agus drochfhostaí. An ndéanann tú iarracht an milleán a chur ar dhuine eile, an mbíonn tú ag lorg leithscéalta, nó an nglacann tú freagracht iomlán as an méid a dhéanann tú? Má tá meancóg déanta agat, bí soiléir faoin ról a bhí agat ina taobh agus glac leis na hiarmhairtí a ghabhann léi. Is é sin an bealach is fearr chun foghlaim ó eispéireas den chineál sin.

Réiteach fadhbanna

Sna hamanna síorathraitheacha seo, bíonn meas ag cuideachtaí ar fhostaithe ar féidir leo fadhbanna casta a réiteach. Cuireann an scil seo ar chumas gairmithe óga cásanna a anailísiú go hoibiachtúil, roghanna malartacha a mheas, agus cinntí eolasacha a dhéanamh. Chun feabhas a chur ar do chumas chun fadhbanna a réiteach, bí ag lorg deiseanna chun dul i ngleic le tionscadail dhúshlánacha, chun páirt a ghlacadh i seisiúin tobsmaointeoireachta, agus cuir sonrú sa chaoi a láimhseálann comhghleacaithe ag a mbíonn níos mó taithí plé le cásanna casta.

Obair bhuíne

Is orgánaigh chasta iad cuideachtaí ina mbíonn ról riachtanach ag gach fostaí. Tá sé tábhachtach go n-oibreoidh fostaithe go maith le chéile chun dúshláin níos casta a shárú. Bíonn an obair bhuíne ríthábhachtach chun go n-éireoidh le gach rannán. Is éard atá i gceist le scileanna oibre buíne ná an éisteacht ghníomhach, meas a bheith ag cách ar dhearcthaí éagsúla, agus cumarsáid agus comhordú éifeachtach a dhéanamh le baill foirne. Chun na scileanna sin a fheabhsú, deiseanna a lorg chun páirt a ghlacadh i ngrúpthionscadail agus obair dheonach a dhéanamh le haghaidh tascanna foireannbhunaithe.

Idirbheartaíocht

Is dócha go bhfuil scileanna idirbheartaíochta ar na scileanna ar an liosta seo is deacra a fhorbairt, ach d’fhéadfaí a rá gurb iad na scileanna is luachmhaire iad chomh maith. Is féidir scileanna maithe idirbheartaíochta a chur i bhfeidhm in go leor comhthéacsanna gairmiúla, amhail agus margaí a chur i gcrích, coinbhleachtaí a réiteach ag an obair, nó fiú agus tú ag dul i mbun idirbheartaíochta maidir le do thuarastal.

Chun feabhas a chur ar do scileanna idirbheartaíochta, déan cleachtadh ar bheith ag éisteacht go gníomhach le tuiscint a fháil ar dhearcadh an pháirtí eile agus déan iarracht torthaí ag a mbeidh buntáiste ag gach taobh ann a bhaint amach trí dhíriú ar shochair fhrithpháirteacha agus ar réitigh chruthaitheacha. Is féidir leat an t‑altEURES seo a léamh freisin chun cabhrú leat maidir le hardú pá a iarraidh ar d’fhostóir.

I gcomhpháirt le EURES, an Tairseach Eorpach um Shoghluaisteacht ó Phost go Chéile.

Naisc ghaolmhara:

An bhfuil tú ag streachailt leis an iarracht píosa oibre a dhéanamh in am?Foghlaim conas gan spriocdháta eile a ligean tharat choíche arís

Conas ardú pá a iarraidh ar d’fhostóir

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath