Ní gá go mbeadh sé deacair do chuid scileanna boga a neartú

1. Lorg aiseolas

Is féidir leis a bheith deacair meon oibiachtúil a bheith agat faoi do chuid oibre féin. Iarr ar chomhghleacaithe a mbíonn tú ag obair leo go rialta agus a bhfuil muinín agat astu píosa gairid aiseolais a thabhairt. Mar shampla, d’fhéadfaidís trí láidreacht a lua agus trí réimse ina bhfuil deis feabhais agat. D’fhéadfadh sé gur ag deireadh tionscadail thábhachtaigh an t‑am oiriúnach chun é sin a dhéanamh, nó le linn tréimhse roimh athbhreithniú feidhmíochta. Is féidir leis sin cabhrú leat díriú ar na scileanna boga nach mór duit a fhorbairt tuilleadh.

2. Foghlaim ó dhaoine eile

Déan iarracht aithris a dhéanamh ar iompar na ndaoine ar fearr leat a bheith ag obair leo. Smaoinigh ar na tréithe atá ag comhghleacaí nó cliant ar leith a fhágann gur breá an rud a bheith ag obair leo. B’fhéidir go bhfuil an-chumas acu guaim a choinneáil orthu féin agus iad faoi bhrú, nó b’fhéidir go dtugann siad aiseolas cuiditheach atá an-úsáideach? Cibé rud é féin, bíodh sé ina aidhm agat é a bheith ina ghné den chur chuige atá agatsa i leith na hoibre.

3. Glac páirt in oiliúint

Bain leas as aon am breise a d’fhéadfadh a bheith agat le linn do lae oibre chun páirt a ghlacadh in oiliúint ar líne agus do chuid scileanna boga a fhorbairt. Mar shampla, cuireann LinkedIn Learning Conair Foghlama ar fáil dar teideal “In-Demand Professional Soft Skills” [Scileanna Boga a bhfuil Éileamh orthu], agus soláthraíonn Udemy cúrsa dar teideal “11 Essential Career Soft Skills” [11 Scil Ghairme Bhoga Riachtanacha].

4. Bí ag cleachtadh i do chuid ama shaoir

Glac páirt i ngníomhaíocht aghaidh ar aghaidh chun do chuid scileanna boga a chleachtadh taobh amuigh den obair. Mar shampla, bí i do bhall d’fhoireann spóirt, nó déan obair dheonach do charthanas áitiúil. Cleachtadh a dhéanann máistreacht, tar éis an tsaoil, agus is féidir leis sin a bheith ina dheis iontach chun triail a bhaint as do chuid scileanna i dtimpeallacht ísealbhrú.

5. Bíodh an meon agat gur deiseanna machnaimh agus forbartha iad ‘botúin’

Nuair nach dtéann rudaí mar ba chóir, bíodh sé sin ina dheis duit chun machnamh a dhéanamh ar conas is féidir leat na fadhbanna céanna a sheachaint nó a íoslaghdú amach anseo, agus d’iompar a chur in oiriúint dá réir. Cabhróidh sé sin lena chinntiú go mbeidh do chuid scileanna boga seasta á bhforbairt agus á bhfeabhsú agat.

I gcomhpháirtíocht le EURES, an Tairseach Eorpach um Shoghluaisteacht ó Phost go Chéile.

Naisc ghaolmhara:

Conair Foghlama LinkedIn — ‘In-Demand Professional Soft Skills’ [Scileanna Boga a bhfuil Éileamh orthu]

Udemy — ‘11 Essential Career Soft Skills’ [11 Scil Bhog Riachtanach Ghairme]

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí Ar Líne atá ag teacht aníos

EURES ar Facebook

EURES ar Twitter

EURES ar LinkedIn