Fimm ráð til að hefja nýtt fjarvinnustarf

1. Náðu fram því besta í vinnuaðstöðunni þinni heima fyrir

Gakktu úr skugga um að þú sért með réttan búnað fyrir fyrsta daginn í starfinu - þar á meðal stól, skrifborð, myndavél og hljóðnema, ef þess er þörf - og að allt sé sett upp á sem bestan hátt fyrir þig. Margir vinnustaðir geta útvegað sérstakan búnað, hafðu samband við nýja vinnuveitandann þinn ef þetta á við þig.

Stilltu vinnuaðstöðunni þinni upp í herbergi með lágmarks hávaða og sjónröskun, og viðeigandi lýsingu. Það er einnig mikilvægt að tryggja að þú sért með góða nettengingu og nauðsynleg forrit og hugbúnað uppsett.

2. Undirbúðu þig fyrir fjarkynningu

Lestu öll viðeigandi kynningarefni sem þú hefur fengið fyrir fyrsta daginn. Ef það er hægt, reyndu að læra nöfn fólksins sem þú munt vinna reglulega með og hvaða stöðu þau gegna, sérstaklega í tengslum við þína eigin stöðu. Þessar upplýsingar eru oft fáanlegar á LinkedIn. Þú getur einnig skoðað fyrirtækið, siðareglur þess og helstu verkefni til að hjálpa þér að aðlagast vinnustaðamenningunni.

3. Kynntu þér hvernig samstarfsfólki þínu finnst besta að eiga samskipti

Mismunandi fyrirtæki og teymi hafa mismunandi vinnubrögð. Fjarvinna þýðir að það verður sífellt mikilvægara að huga að því hvernig samstarfsfólk þitt vill láta hafa samband við sig. Vill það til dæmis við langan og ítarlegan tölvupóst eða vill það frekar símtal? Hversu oft vilja þeir láta upplýsa sig um stöðu mála á meðan á verkefni stendur? Finnst þeim best að nota myndsímtöl, eða vilja þau frekar að haft sé samband við þá með snarskilaboðum? Þetta eru allt hlutir sem munu líklega koma í ljós við meðan á kynningu stendur og síðar í gegnum vinnuna, en ef þú ert einhvern tíman í vafa, spurðu! Sem leiðir okkur að næsta punkti...

4. Vertu málsvari fyrir sjálfan þig og ekki hika við að spyrja spurninga

Að vinna fjarvinnu þýðir að þú hefur ekki tækifæri til að eiga samskipti við fólk á skrifstofunni og spyrja spurninga eins og þú myndir gera áður. Nú þarft þú að leggja þig fram við að hringja, senda tölvupóst eða senda skilaboð ef þig vantar ráðleggingar. Það er mikilvægt að gera þetta til að tryggja að þú haldir áfram að bæta þig og að starfið verði þér ekki ofviða eða gerir mistök sem hægt er að komast hjá.

Ef þér er ekki boðið það, reyndu að skipuleggja reglulegar fundi með yfirmanni þínum til að fara yfir stöðu mála og framfarir. Þetta mun gefa þér gott tækifæri fyrir markvísa svörun, markmiðasetningu fyrir framtíðarstarf þitt og til biðja um hjálp þegar þú ert óviss.

5. Hafðu gagnlegar leiðbeiningar tiltækar

Skrifaðu niður ‘hraðvirkar tilvísanir’ leiðbeiningar fyrir sjálfan þig. Þetta gæti verið í minnisbók, Word skjali eða jafnvel á gulum miðum á skrifborðinu hjá þér; hvað sem hentar þér best. Leiðbeiningarnar ættu að vera aðgengilegar og vera fljótleg áminning um mikilvægar upplýsingar sem tengjast starfi þínu (t.d. nöfn og hlutverk samstarfsfólks, helstu verkefni, viðeigandi vefsíður, tölvupóstur/símanúmer o.s.frv.).

Við vonum að þessi ráð reynist gagnleg og óskum þér góðs gengis í nýja starfinu þínu!

Til að læra meira um áhrif heimsfaraldurs á atvinnulífið, sjá grein okkar Hvernig heimsfaraldurinn gæti haft áhrif á atvinnulífið árið 2021.

Tengdir hlekkir:

Hvernig heimsfaraldurinn gæti haft áhrif á atvinnulífið árið 2021

Nánari upplýsingar:

Evrópskir atvinnudagar

Finna Eures ráðgjafa ​

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn