Ħudha drawwa li tiċċekkja regolarment għal opportunitajiet ta’ impjieg
Ikunu xi jkunu l-portali tal-impjiegi li qed tuża biex issib pożizzjonijiet vakanti, kun ċert li tiċċekkjahom kuljum, speċjalment matul il-ġranet tax-xogħol. Applika għal opportunitajiet ta’ impjieg hekk kif tarahom. Xi impjegaturi jirċievu mijiet ta’ applikazzjonijiet, u sakemm ma tkunx wieħed mill-ewwel applikanti, il-probabbiltà li tiġi kkunsidrat għall-impjieg tista’ tkun żgħira ħafna.
Mod tajjeb kif tibda l-ġurnata huwa li tiskrollja l-opportunitajiet l-aktar reċenti ta’ impjiegi filwaqt li tkun qed tieħu l-kafè ta’ filgħodu.
La miftuħa ħafna u lanqas speċifika ħafna
Meta tkun qed tfittex opportunitajiet fil-portali tal-impjiegi, kun ċert li tuża l-għażliet ta’ filtrazzjoni, sabiex tkun tista’ tara l-pożizzjonijiet vakanti kollha rilevanti għall-interessi tiegħek. Dan se jgħinek issib opportunitajiet ta’ impjiegi xierqa aktar malajr. Oqgħod attent li ma tagħmilx it-tiftixa tiegħek speċifika wisq, peress li dan iġib miegħu ftit li xejn riżultati tat-tiftix.
Ikteb b’mod adatt is-CV tiegħek
Żball komuni li jsir minn dawk li qed ifittxu impjieg huwa li jkollhom CV waħda biss, li tinkludi l-ħiliet, l-informazzjoni ta’ sfond u l-esperjenza kollha tagħhom. Kun ċert li s-CV tiegħek tkun adatta għat-tip ta’ impjieg li qed tapplika għalih u inkludi biss informazzjoni li hija rilevanti għal dak il-qasam. Jekk qed tapplika għal impjiegi f’setturi differenti, għandu jkollok CV adatta apposta għal kull wieħed minnhom.
Skont l-impjieg li qed tapplika għalih, tista’ żżid ukoll lista tal-punti b’saħħithom tiegħek jew portafoll.
Tinsiex tinkludi kwalunkwe esperjenza ta’ volontarjat rilevanti.
Kun miftuħ għal internships/traineeships
L-internships u t-traineeships huma mod tajjeb ħafna kif tibda l-vjaġġ tal-karriera tiegħek. Jista’ jkun li ma jħallsux ħafna (jew ma jħallsu xejn), iżda jistgħu jipprovdulek esperjenza professjonali imprezzabbli, li mbagħad tkun tista’ tuża biex tikseb impjieg full-time. Ħafna impjegaturi joffru wkoll kuntratti permanenti lill-interns tagħhom fi tmiem il-perjodu ta’ internship jekk kienu kuntenti bix-xogħol tagħhom.
Uża l-Europass u l-EURES biex tibni s-CV tiegħek u tapplika għall-impjiegi
B’aktar minn 3 miljun pożizzjoni vakanti, il- portal tal-EURES huwa l-post perfett biex issib l-ewwel impjieg tiegħek. Ikkuntattja Konsulent f’pajjiżek tal-EURES biex titgħallem kif l-EURES jista’ jgħinek tidħol fis-suq tax-xogħol.
Uża l-għodod tal-Europass biex tibni CV b’saħħitha u ittra ta’ akkumpanjament b’impatt li se jwassluk biex tispikka mill-applikanti l-oħra.
Aġġorna l-preżenza tiegħek fuq il-midja soċjali
Issa li tinsab fis-suq tax-xogħol, għandek tkun taf li ħafna impjegaturi u uffiċjali tar-Riżorsi Umani jfittxu l-ismijiet tal-applikanti fuq il-midja soċjali. Erġa’ ara l-kontijiet tiegħek u neħħi/irrestrinġi kwalunkwe posts li ma tridx li l-impjegatur futur tiegħek jara. Kun ċert li taġġorna wkoll il-profil ta’ LinkedIn tiegħek!
Ibda n-networking
In-networking huwa importanti kemm għal dawk li qed ifittxu impjieg kif ukoll għall-ħaddiema. Jgħinek tibqa’ aġġornat mal-aħħar żviluppi fis-settur tiegħek, iżda huwa wkoll mod tajjeb ħafna biex titgħallem dwar opportunitajiet ġodda ta’ impjieg. Bħala l-ewwel pass, tista tmur fuq LinkedIn u tfittex gruppi differenti tal-industrija li tista’ potenzjalment tissieħeb magħhom.
Tista’ wkoll titlob lil xi ħadd li taf fuq LinkedIn (pereżempju, wieħed mill-eks għalliema tiegħek, professuri jew sħabek tal-klassi) biex jikteb rakkomandazzjoni fuq il-profil tiegħek biex tagħmlu aktar kredibbli.
Aċċetta l-fatt li l-ewwel impjieg tiegħek jista’ ma jkunx l-impjieg tal-ħolm tiegħek
Ftit ferm nies jibqgħu fl-ewwel impjieg tagħhom għal ħafna snin. Huwa perfettament normali li tibdel l-impjiegi meta tiġik opportunità aħjar u ma jkollokx aktar x’titgħallem fl-impjieg attwali tiegħek. Bħala gradwat ġdid, l-aktar ħaġa importanti hija sempliċiment li tibda taħdem, sabiex tkun tista’ tibda tikseb l-esperjenza u tibni n-network professjonali tiegħek.
Tħallix ir-rifjuti jwaqqgħulek il-moral
Tista’ tkun l-applikant l-aktar kwalifikat għal opportunità ta’ impjieg, iżda fid-dinja globalizzata tal-lum, tista’ tkun qed tikkompeti kontra mijiet ta’ applikanti bħalek. Titlifx it-tama u kompli fittex. Eventwalment kulħadd isib l-ewwel impjieg tiegħu.
Għalkemm qed ngħixu f’era diġitali, ħafna opportunitajiet ta’ impjiegi xorta għadhom mhumiex irreklamati pubblikament. Minflok, jimtlew permezz ta’ riferimenti u networking professjonali. Iċċekkja s-suġġerimenti tagħna dwar kif tista’ tkun networker online effettiv.
Fi sħubija mal-EURES, il-Portal Ewropew dwar il-Mobilità fix-Xogħol.
Links relatati:
Tiftix għal Konsulenti tal-EURES
L-aqwa 6 suġġerimenti għal networking online effettiv
Aqra aktar:
Sib Konsulenti tal-EURES
Kundizzjonijiet tal-ħajja u x-xogħol fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 4 Mejju 2022
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Żgħażagħ
- Sezzjoni(jiet) relatati
- Ideat u Suġġerimenti
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles