Lil hinn mill-kera: l-ispiża reali biex tmur tgħix barra minn pajjiżek għal raġunijiet ta’ xogħol

Inti ksibt ix-xogħol u sibt appartament, imma qabel ma tippakkja l-bagalji tiegħek, ejja nitkellmu dwar il-flus li jkollok bżonn immedjatament u fl-ewwel ġimgħat tiegħek f'pajjiż ġdid. Meta n-nies jibdew jippjanaw biex imorru jgħixu barra minn pajjiżhom, l-enfasi tagħhom normalment tkun fuq l-ispejjeż ovvji, bħall-ispiża ta’ kull xahar ta’ post fejn jgħixu. Iżda l-kera hija biss il-bidu. Hemm xi spejjeż oħra li se jkollok bżonn iżżomm f’moħħok.

L-ispejjeż moħbija li trid tħallas bil-quddiem

F’ħafna pajjiżi tal-UE, is-sidien jeħtieġu depożitu ta’ garanzija ekwivalenti għal kera ta’ xahrejn sa tliet xhur, flimkien mal-kera tal-ewwel xahar bil-quddiem. Dan jammonta għal mhux inqas minn erba' xhur ta' spejjeż tal-akkomodazzjoni li jridu jitħallsu qabel ma tidħol fiha. Imbagħad hemm l-utilitajiet. L-installazzjoni tal-elettriku, tal-gass, tal-internet u tal-ilma spiss jinvolvi ħlasijiet ta' konnessjoni jew depożiti inizjali, speċjalment jekk m'għandekx storja ta' kreditu lokali jew kuntratt permanenti. Barra minn hekk, tinsiex it-trasport. Se jkollok bżonn tixtri pass ta’ kull xahar minnufih? Jew forsi karozza użata jekk it-trasport pubbliku huwa limitat?

Dawn l-ispejjeż inizjali jistgħu faċilment jammontaw għal bejn EUR 3 000 u EUR 5 000 fi bliet bħal Berlin jew Barċellona. Fi bliet kapitali aktar għaljin bħal Dublin jew Copenhagen, din iċ-ċifra tista’ tkun ogħla b’mod sinifikanti. Jekk ma jkollokx xi ħaġa mfaddla, tista’ ssib ruħek f’diffikultajiet finanzjarji mill-bidu nett.

L-ewwel xahar mingħajr salarju sħiħ

Din hija r-realtà: l-ewwel paga tiegħek tista’ ma tasalx meta tkun qed tistenniha. Ħafna kumpaniji jħallsu b'lura, jiġifieri taħdem matul ix-xahar ta' Settembru kollu imma ma tirċevix il-paga sakemm jasal l-aħħar ta’ Ottubru. Fi kliem ieħor, jekk tiċċaqlaq lejn il-bidu ta’ Settembru, ikollok bżonn biżżejjed tifdil biex tkopri bejn sitt u tmien ġimgħat ta’ spejjeż tal-għajxien, mhux biss erba’.

Ma dawn l-ispejjeż żid l-ispejjeż ta’dokumenti meħtieġa. Skont il-pajjiż, jista’ jkollok tħallas għal reġistrazzjonijiet ta’ residenza, numri ta’ reġistrazzjonijiet tat-taxxa, assigurazzjoni tas-saħħa addizzjonali (jekk ma tkunx koperta immedjatament mill-impjegatur tiegħek), jew saħansitra traduzzjonijiet iċċertifikati tad-diplomi tiegħek. Dawn it-tariffi amministrattivi jitilgħu malajr.

Barra minn hekk, jekk qed tiċċaqlaq bil-familja, hemm tariffi għar-reġistrazzjoni fl-iskola jew depożiti għall-indukrar tat-tfal li għandhom jiġu kkunsidrati. Mingħajr riżerva finanzjarja, dan il-perjodu bla ħlas bejn iċ-ċaqliq u sakemm tasal il-paga jista' jkun sors kbir ta' stress.

Kif l-EURES jista’ jgħinek tipprepara

Li tiffaċċja dawn l-ostakli finanzjarji waħdek huwa diffiċli, imma m'għandekx għalfejn. It-taqsima Kundizzjonijiet tal-Ħajja u tax-Xogħol fl-Ewropa fuq il-portal tal-EURES tipprovdi ħafna informazzjoni siewja dwar suġġetti importanti bħas-sejbien ta’ akkomodazzjoni, l-edukazzjoni skolastika, it-taxxi, l-għoli tal-ħajja, is-saħħa, il-leġiżlazzjoni soċjali u r-rikonoxximent tal-kwalifiki.

Il-Konsulenti tal-EURES huma sors ieħor siewi ta’ gwida u appoġġ. Dawn jistgħu jipprovdulek informazzjoni speċifika għall-pajjiż dwar id-depożiti medji tal-kiri, il-kostijiet tal-utilità u ċ-ċikli tipiċi ta’ pagament għad-destinazzjoni tiegħek. Huma jistgħu jiċċaraw ukoll liema dokumenti għandek bżonn qabel ma titlaq u jekk intix eliġibbli għal kwalunkwe allowance ta’ rilokazzjoni jew appoġġ ieħor. Billi tikkuntattja konsulent tal-EURES kmieni, tista' tagħmel baġit li jiżgura li l-avventura ġdida tiegħek tibda b'kunfidenza, mhux bid-dejn.

Trid aktar informazzjoni dwar it-tfittxija ta' dar fl-UE? Din hija lista ta’ kontroll għall-għajnuna.

Links relatati:

Kundizzjonijiet tal-ħajja u x-xogħol fl-Ewropa

Konsulenti tal-EURES

Qed tfittex dar fejn toqgħod fl-UE?Dan huwa minn fejn għandek tibda

Aqra aktar:

Il-Jiem Ewropej tal-Impjiegi

Sib Konsulenti tal-EURES

Il-kundizzjonijiet tal-ħajja u tax-xogħol fil-pajjiżi tal-EURES

Bażi tad-data tal-Impjiegital-EURES

Is-servizzi tal-EURES għall-impjegaturi

Kalendarju tal-Avvenimentital-EURES