Jan jidentifika li huwa mill-Polonja, minkejja li huwa wkoll nofsu Ġermaniż. Attwalment, huwa qed jgħix ma’ martu, bintu ta’ erba’ snin u l-kelb f’Odense. Ir-rilokazzjoni tiegħu mill-Ġermanja ġiet appoġġata minn Workindenmark, EURES, International Community Odense u l-impjegatur il-ġdid tiegħu, Mobile Industrial Robots (MiR). Il-familja ta’ Jan kienet marret toqgħod f’pajjiż ieħor qabel u għal bosta snin kienu qed ifittxu post ġdid li jqisu bħala d-dar tagħhom.
“Minkejja li kont qed infittex impjieg b’mod attiv, il-pożizzjoni f’MiR fil-fatt instabet minn Workindenmark. Irreġistrajt online, tellajt is-CV tiegħi, u wara ftit jiem irċevejt email b’żewġ reklami ta’ impjieg, li ma kontx rajt qabel. Wieħed minnhom irriżulta li kien jaqbel perfettament,” qal Jan.
Helena Nielsen ilha taħdem bħala Konsulent fil-qasam tar-Reklutaġġ u Konsulent tal-EURES f’Workindenmark mill-2008. Hija spjegat li “Fix-xogħol tiegħi ta’ kuljum nappoġġa lill-impjegaturi Daniżi li qed ifittxu speċjalisti b’livell għoli ta’ ħiliet f’oqsma ta’ skarsezza fis-suq tax-xogħol Daniż,”. “Xi servizzi ta’ Workindenmark għall-impjegaturi Daniżi jinkludu r-reklamar ta’ pożizzjonijiet ta’ impjiegi vakanti fuq is-sit web ta’ Workindenmark u fuq il-portal tal-EURES.” Ir-rwol ta’ Helena jinvolvi wkoll it-tqabbil ta’ kandidati rreġistrati fil-bażi ta’ data tas-CVs tal-EURES ma’ impjiegi adatti. “Dan huwa l-mod kif sibt is-CV ta’ Jan – kienet taqbel tajjeb ħafna għal xi wħud mill-pożizzjonijiet vakanti.”
Helena għenet biex titqabbel is-CV ta’ Jan mal-impjieg tiegħu u biex huwa jagħmel kuntatt ma’ International Community Odense, korp li huwa appoġġat b’mod attiv mill-istat u li jgħin lil dawk li jkunu ġodda fiż-żona biex jissetiljaw. “Dan il-livell ta’ appoġġ huwa xi ħaġa li qatt ma konna esperjenzajna qabel,” isostni Jan. “Irċevejna informazzjoni dwar is-suġġetti kollha rilevanti għal persuni ġodda (mir-reġistrazzjoni u r-rilokazzjoni b’kelb, sa lista ta’ supermarkets bil-konsenja fid-dar), u kwalunkwe ħaġa oħra li staqsejna dwarha. Kulħadd kien ġentili ħafna u ta’ għajnuna!”
Flimkien mal-pariri, l-Iskema ta’ Mobilità Mmirata tal-EURES żiedet livell ieħor ta’ appoġġ, li jkopri l-ispejjeż kollha tar-rilokazzjoni. “Din hija distanza relattivament qasira bejn il-Ġermanja u d-Danimarka, iżda l-kumplikazzjonijiet miżjuda minħabba l-pandemija għamlu l-affarijiet pjuttost intensi, sal-punt li lanqas konna nafu jekk fil-fatt kienx permess li naqsmu l-fruntiera fil-jum ta’ qabel ir-rilokazzjoni,” qal Jan.
Huwa kkonkluda: “Lil dawk li qed jikkunsidraw li jmorru joqogħdu f’pajjiż ieħor u li ma għandhomx daqstant esperjenza f’dan il-qasam, nista’ nagħti parir wieħed: tkellmu man-nies. Staqsu mistoqsijiet, itolbu l-għajnuna, żommu attitudni miftuħa u kunu pożittivi. Jekk tridu verament tmorru toqogħdu f’pajjiż ieħor, xejn ma huwa diffiċli. Dejjem se jkun hemm nies li joffru l-għajnuna, trid biss issibhom. U biex jinstabu n-nies it-tajba, huwa assolutament meħtieġ li wieħed jitkellem ma’ oħrajn.”
Links relatati:
International Community Odense
Skema ta’ Mobilità Mmirata tal-EURES
Aqra aktar:
Kundizzjonijiet tal-ħajja u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Kalendarju tal-Avvenimenti tal-EURES
Avvenimenti Online li ġejjin
EURES fuq Facebook
EURES fuq Twitter
EURES fuq LinkedIn
Dettalji
- Data tal-pubblikazzjoni
- 5 Marzu 2022
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Stejjer ta' suċċess
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles