Svona gerir þú heimaskrifstofuna þína grænni

1. Notaðu notuð skrifstofuhúsgögn

Mörg okkar sáu ekki fyrir að við myndum stunda heimavinnu fyrir heimsfaraldurinn og áttuðum okkur fljótt á því hversu illa undirbúin við vorum. Eftir því sem tíminn leið varð erfiðara að nota eldhúsborðið undir vinnuna og þurftum við að finna eitthvað þægilegra. Í stað þess að kaupa nýtt skrifborð og skrifborðsstól skaltu reynda að finna notuð húsgögn á netinu eða á nytjamörkuðum. Hvort sem um er að ræða eitthvað gamalt eða nýlegt að þá veistu aldrei hvað þú finnur nema þú leitir!

2. Skiptu yfir í orkusparandi tækjabúnað

Í stað þess að fara að heiman með slökkt á öllu og keyra í vinnuna þýðir heimavinna að þú þurfir að hafa ljósin kveikt á heimaskrifstofunni allan daginn. Að sjálfsögðu nota ljós og tæki, eins og tölvur, meira rafmagn yfir daginn og er líklegt að það hafi áhrif á rafmagnsreikninginn. Þó að vinnuveitandinn þinn kunni að koma til móts við hærri reikninga geta litlar breytingar eins og að setja skrifstofuna upp nálægt glugga með mikið af náttúrulegri birtu eða skipta ljósaperunum út fyrir orkuvæntar LED-perur, haft áhrif og dregið úr kostnaði og hjálpað plánetunni.

3. Gerðu skrifstofuna prentaralausa

Það getur haft veruleg áhrif á umhverfið að nota prentara heima fyrir því flest blekhylki eru ekki endurunnin. Ef þú getur ekki unnið án prentara skaltu velta fyrir þér að nota endurunnin blekhylki sem fyllt er á og seld svo aftur. Þau eru ekki bara umhverfisvænni heldur kosta þau líka mun minna! Þú getur einnig velt fyrir þér að nota endurunninn pappír, ef þú gerir það ekki þegar.

4. Forðastu að kaupa þér hádegismat á hverjum degi

Það er oft auðveldur og þægilegur kostur að kaupa hádegismat í vinnunni á hverjum degi, einkum ef skrifstofan er nálægt kjörbúðum og kaffihúsum, en takeaway-samlokum og salötum fylgja oft mikið af plastumbúðum. Ef þú eldar heima á hverjum degi er það auðvelt leið til að draga úr daglegum úrgangi og spara peninga. Þú getur einnig dregið úr úrgangi með því að hella upp á morgunteið eða -kaffið heima hjá þér í stað þess að kaupa á leiðinni í vinnuna. Ef þú takmarkar notkun á einnota bollum og umbúðum sparar það orku og hjálpar til við að draga úr mengun. Ef þú þarft að pakka inn hádegismatnum eru margnota ílát og samlokupokar kjörinn valkostur í staðinn fyrir einnota plast.

5. Fjárfestu í náttúrunni

Grænni vinnustaðir eru ekki bara innantómt hjal – heldur blákaldur sannleikur! Ef þú plantar blómum á heimaskrifstofuna lítur hún ekki bara betur út heldur bætir slíkt líka loftgæðin. Plöntur hreinsa loftið í kring um þig og sumar breyta koltvíoxíði yfir í súrefni. Það getur hjálpað til við að draga úr streitu og gerir umhverfið heilbrigðara og þig hamingjusamari! Friðarliljur og veðhlauparar eru vinsælar á vinnustöðum.

Þetta eru fimm af bestu ráðunum okkar til að gera heimaskrifstofuna þína grænni. Nú skaltu hrinda þeim í verk!

Grein gerð í samstarfi við EURES, Vefgátt um flæði vinnuafls í Evrópu.

Nánari upplýsingar:

Evrópskir atvinnudagar

Finna Eures ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn