1. Uża għamara tal-uffiċċju użata
Ħafna minna ma konniex narawna naħdmu mid-dar qabel il-pandemija, u ma domniex biex intbaħna li ma konniex ippreparati. Maż-żmien, ix-xogħol mill-mejda tal-kċina sar anqas sostenibbli u kellna bżonn xi ħaġa aktar komda. Minflok ma tixtri mwejjed u siġġijiet tal-uffiċċju ġodda, ipprova sib alternattivi użati online jew fil-ħwienet tal-karità. Antik jew mudell ġdid, qatt ma tista’ tgħid ma’ liema prodott se tiltaqa’ ladarba tibda tfittex!
2. Aqleb għal apparati effiċjenti fl-enerġija
Minflok ma tħalli d-dar b’kollox mitfi biex tmur taħdem, ix-xogħol mid-dar jista’ jfisser li jkollok bżonn iżżomm id-dwal fl-uffiċċju tad-dar tiegħek mixgħulin il-jum kollu. Naturalment, il-fatt li żżomm id-dwal mixgħulin u li tħaddem apparati bħal kompjuters matul il-jum jirrikjedi elettriku addizzjonali u dan aktarx jaffettwa l-kont tal-elettriku tiegħek. Filwaqt li l-impjegatur tiegħek jista’ jikkontribwixxi għaż-żieda fil-kontijiet tiegħek, bidliet żgħar bħal li ssib post għall-uffiċċju tiegħek qrib tieqa b’ħafna dawl naturali jew li tissostitwixxi l-bozoz tiegħek b’bozoz LED effiċjenti fl-użu tal-enerġija jista’ jagħmel differenza u jnaqqas l-ispejjeż filwaqt li jgħin lill-pjaneta.
3. Tużax printer fl-uffiċċju tiegħek
L-użu ta’ printer fid-dar jista’ jkollu impatt sinifikanti fuq l-ambjent peress li l-biċċa l-kbira tal-kartriġis tal-linka mhumiex riċiklati. Jekk ma jkunx possibbli li taħdem mingħajr printer, ikkunsidra l-użu ta’ kartriġis riċiklati li jerġgħu jimtlew u jerġgħu jinbiegħu. Dawn mhux biss huma aktar favorevoli għall-ambjent, iżda spiss jiswew ħafna anqas ukoll! Barra minn hekk, tista’ tikkunsidra wkoll l-użu ta’ karti riċiklati jekk għadek m’għamiltx dan.
4. Evita li tixtri l-ikla ta’ nofsinhar tiegħek kuljum
Ħafna drabi, li tixtri l-ikla ta’ nofsinhar tiegħek meta tkun ix-xogħol, hija għażla faċli u konvenjenti speċjalment jekk l-uffiċċju tiegħek ikun jinsab qrib ħwienet tal-merċa u kafetteriji, iżda sandwiches u insalati takeaway spiss jinvolvu ħafna mballaġġ tal-plastik. Il-preparazzjoni tal-ikliet id-dar kuljum hija mod faċli biex tnaqqas l-iskart ta’ kuljum tiegħek u tiffranka l-flus. Tista’ wkoll tnaqqas l-iskart billi tagħmel it-te jew il-kafè ta’ filgħodu tiegħek id-dar minflok ma tixtrih fi triqtek lejn ix-xogħol. Jekk tillimita l-użu ta’ kikkri u mballaġġ mhux riutilizzabbli tiffranka l-enerġija u tgħin biex jitnaqqas it-tniġġis. Jekk ikollok bżonn tippakkja l-ikla ta’ nofsinhar tiegħek, il-kontenituri u l-boroż tas-sandwiches riutilizzabbli huma alternattiva tajba ħafna għall-plastik mhux riutilizzabbli.
5. Investi fin-natura
Li tagħmel l-ispazju tax-xogħol tiegħek aktar ekoloġiku mhix biss frażi – hija l-verità! Iż-żieda ta’ pjanti fis-setup tal-uffiċċju tiegħek mhux biss tagħmel il-kamra tidher aħjar, iżda ttejjeb il-kwalità tal-arja tiegħek. Il-pjanti jippurifikaw l-arja ta’ madwarek u xi wħud jibdlu d-diossidu tal-karbonju fl-ossiġenu. Dan jgħin biex jitnaqqas l-istress, iwassal għal ambjent aktar san u biex int tkun aktar kuntent! L-iSpathiphyllum u r-Rampila huma pjanti popolari fil-postijiet tax-xogħol.
Dawn huma ħamsa mill-aħjar suġġerimenti tagħna biex is-setup tax-xogħol mid-dar tiegħek ikun aktar ekoloġiku. Issa pprova implimentahom!
Artiklu prodott fi sħubija mal-EURES, il-Portal Ewropew dwar il-Mobilità fix-Xogħol.
Aqra aktar:
Il-kondizzjonijiet tal-għajxien u tax-xogħol fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li se jsiru dalwaqt
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 28 Mejju 2021
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles