Għalkemm il-ħelu minn dejjem kien il-passjoni tagħha, Valerie qatt ma ħolmot li kien se jkun dik il-ħaġa li tagħmel karriera minnu. Iżda wara li fl-2013 sfat bla xogħol, iddeċidiet li din kienet l-aħjar opportunità għaliha biex issegwi l-ħolm tagħha.
“Waqt li kont f'sessjoni ta’ taħriġ f’Pariġi tkellimt ma’ kok tal-ħelu mis-Slovenja dwar in-negozju tal-ħelu fis-Slovenja u l-ħtieġa tal-pajjiż għall-għarfien espert Franċiż,” qalet. “Iddeċidejt li peress li ma kelli xejn x’nitlef, għaliex ma għandix nittanta xortija fis-Slovenja?” U b’hekk, marret tgħix f'Ljubljana bit-tama li meta tasal hemm issib xogħol.
Esperjenza siewja
Li tmur tgħix f’pajjiżi oħra u tbiddel il-karriera tiegħek meta jkollok 40 sena mhijiex xi ħaġa faċli. Biex tgħin bit-tranżizzjoni, l-ewwel waqfa ta’ Valerie f'Ljubljana kienet l-uffiċċju tal-EURES. Il-konsulenti għenu fl-evalwazzjoni tagħha u aġġornawlha s-CV u ħejjewha għal intervisti ta’ impjieg - utli għall-ħaddiema akbar fl-età li jista’ jkunu ilhom barra mis-suq tal-impjieg għal xi żmien u li l-ħiliet ta’ intervista tagħhom ikunu jeħtieġu jiġġeddu.
“EURES tassew għenni meta sentejn ilu wasalt għall-ewwel darba fis-Slovenja,” kompliet tgħid Valerie. “Il-fatt li kelli relazzjoni mill-qrib u personali mal-konsulent tiegħi kien il-qofol biex b’suċċess insib xogħol bħala kok tal-ħelu fil-Lukanda b’erba’ stilel Vander Hotel Urbani Resort - impjieg li ddedikajt ruħi għalih.”
Ix-xogħol ta l-possibbiltà lil Valerie biex titgħallem dwar tipi oħrajn ta’ ħelu u tekniki u biex tiżviluppa portafoll ta’ esperjenza. “Kelli l-opportunità li nsir naf pajjiż sabiħ u niltaqa’ ma’ nies ħelwin, li ħafna minnhom bqajna ħbieb sal-lum,” qalet hi.
Is-sejħa għal sfidi ġodda
L-esperjenza ta’ Valerie li taħdem bħala kok tal-ħelu fis-Slovenja malajr fetħitilha l-bibien għal opportunitajiet ġodda. Meta, minħabba ċ-ċirkostanzi personali, kellha tiċċaqlaq lejn Istanbul, ix-xogħol tagħha fis-Slovenja u l-ħiliet ta’ tiftix għal impjieg tagħha li tgħallmet mill-EURES irriżultaw li kienu imprezzabbli. “It-Torok iħobbu l-mod ta’ tisjir Franċiż u, grazzi għall-esperjenza tiegħi fil-ħelu, f’inqas minn xahar kont kapaċi nsib xogħol,” qalet Valerie.
Allura x’inhuwa ppjanat għal Valerie? “F’kollaborazzjoni mas-sieħeb Tork tiegħi, qed nippjana li niftaħ il-ħanut tal-ħelu Franċiż proprju tiegħi f’Istanbul,” kompliet tgħid. “Grazzi għall-appoġġ tal-bidu u t-taħriġ li akkwistajt mill-EURES, għandi l-ħiliet u l-fiduċja meħtieġa biex nagħmel dan in-negozju l-ġdid suċċess.”
Links relatati:
Il-EURES indirizza għall-ewwel darba l-bidla fid-direzzjoni ta’ Valerie fl-2014: Mill-proprjetà għal kok tal-ħelu
Is-Servizz tal-Impjieg tas-Slovenja
Aqra aktar:
Il-kundizzjonijiet tax-xogħol u tal-għajxien fil-pajjiżi tal-EURES
Il-Bażi ta' Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 2 Frar 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Kaxxa tal-għodda tal-UE għall-mobilità
- Stejjer ta' suċċess
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles