Kostnaður við flutning: Gerðu fjárhagsáætlun á skilvirkan hátt fyrir streitulausan flutning

Þegar þú býrð þig undir að pakka lífi þínu saman og flytja til nýs lands munt þú taka eftir því að það er ekki ódýrt verkefni. Fyrir utan augljósan kostnað, eins og fyrir ferðir og gistingu, munu margskonar önnur útgjöld koma upp á leiðinni. Góð fjárhagsáætlun fyrir flutningana mun tryggja hugarró og gæti jafnvel sparað þér peninga til lengri tíma litið.

Flutningskostnaður: gátlisti

Ferðalög. Sama hvernig þú velur að komast á áfangastað þarftu að taka tillit til ferðakostnaðar. Til að fá bestu mögulegu verðin geturðu bókað snemma, notað uppsafnaðar ferðamílur eða kannað framboð áður en þú bókar. Vefsíður sem bera saman flug gera þér kleift að setja upp tilkynningar um leið og verð lækkar á völdum ferðaáætlun.

Flutningur gæludýra. Að taka loðinn vin þinn með þér getur stundum kostað meira en það sem þú munt borga fyrir eigin ferð. Kröfur eins og örmerkingar og sérstakar bólusetningar og meðferðir fyrir ferðalög, auk raunverulegs ferðakostnaðar, geta auðveldlega orðið umtalsverðar upphæðir.

Að flytja eigur þínar. Þegar þú flytur til útlanda þarftu líklega að taka flestar eigur þínar með þér. Þetta felur í sér kostnað eins og að ráða flutningafyrirtæki, greiða fyrir sérstakt pökkunarefni og fyrir flutningatryggingu til að standa straum af hugsanlegu tjóni. Flutningsverð fer eftir vegalengd og magni vörunnar. Hafðu í huga að ef eigur þínar berast á undan þér, eða áður en þú hefur tryggt þér húsnæði, gætirðu þurft að greiða aukalega geymslugjöld.

Sérstakir hlutir. Viltu taka bílinn þinn, listverk eða píanó með þér? Þar sem þessir liðir þurfa sérstakt fyrirkomulag og/eða umönnun gætu þeir haft í för með sér aukalegan flutningskostnað.

Gisting. Ef þú hyggst leigja gætirðu þurft að greiða nokkra mánuði leigu fyrirfram og/eða tryggingu. Ef þú leitar aðstoðar fasteignasölu við að finna heimili þarftu að greiða þeim þóknun eða gjald.

Tímabundin gisting. Nema þú hafir tryggt þér húsnæði áður en þú flytur, þarftu að taka með í reikninginn kostnað vegna hótelgistingar eða annarra tímabundinna búsetuúrræða.

Þjónustuveitur. Þegar þú flytur í nýja húsið þitt þarftu að setja upp sumar eða allar veitur, þar á meðal síma, gas, vatn, rafmagn og þráðlaust net. Sumar veitur gætu verið innifaldar í leigunni; þetta verður tilgreint í leigusamningi þínum.

Daglegur kostnaður. Það gæti verið að framfærslukostnaðurinn sé töluvert hærri en í heimalandi þínu, allt eftir því hvert þú ert að flytja. Nýju launin þín munu líklega endurspegla framfærslukostnað í nýja landinu, en þangað til þú ert alveg búin/n að koma þér fyrir skaltu búa þig undir að borga meira fyrir grunnatriðin.

Ný kaup. Þegar þú aðlagast nýja heimilinu og lífsstílnum munu nýjar kröfur koma upp, þar á meðal húsgögn fyrir heimilið, föt fyrir kaldara eða hlýrra loftslag, viðeigandi vinnubúnaður og annað sem þú gast ekki séð fyrir áður en þú fluttir.

Ertu að velta fyrir þér hvort það væri góður kostur fyrir þig að flytja til útlanda? Grein okkar Ættirðu að taka stökkið og flytja til útlanda? mun hjálpa þér að ákveða þig.

Tengdir hlekkir:

Ertu að flytja til útlanda?Gerðu skjölin tilbúin

Framkvæmdastjórn ESB: Að flytja og vinna í Evrópu

EURES:Búseta og störf í Evrópu

Nánari upplýsingar:

Evrópskir atvinnudagar

Finna EURES-ráðgjafa

Búsetu- og starfsskilyrði í EURES-löndum

Atvinnugagnagrunnur EURES

Þjónusta EURES fyrir atvinnuveitendur

Viðburðadagatal EURES

Næstu viðburðir á netinu

EURES á Facebook

EURES á X

EURES á LinkedIn

EURES á Instagram