L-ispiża tar-rilokazzjoni: baġit b’mod effettiv għal ċaqliq mingħajr stress

The cost of relocating: budget effectively for a stress-free move

Hekk kif tħejji ruħek biex tippakkja ħajtek u tmur tgħix f’pajjiż ġdid, se tinnota li dan mhuwiex sforz irħis. Minbarra l-ispejjeż ovvji bħall-ivvjaġġar involut u s-sejbien ta’ post fejn wieħed joqgħod, se jitfaċċaw ħafna spejjeż oħra tul it-triq. Strateġija ta’ bbaġitjar soda qabel ma tiċċaqlaq tiżguralek serħan il-moħħ, u tista’ saħansitra tiffrankalek il-flus fuq medda twila ta’ żmien.

Spejjeż taċ-ċaqliq: lista ta’ kontroll

Vjaġġar. Irrispettivament minn kif tagħżel li tasal fid-destinazzjoni tiegħek, se jkollok bżonn tikkunsidra l-ispejjeż tal-ivvjaġġar. Biex tikseb l-aħjar rati possibbli, tista’ tibbukkja kmieni minn qabel, tuża l-mili tal-ivvjaġġar li tkun akkumulajt, jew tfittex għall-aħjar offerta qabel ma tibbukkja. Is-siti web tat-tqabbil tat-titjiriet jippermettulek tistabbilixxi twissijiet hekk kif ikun hemm tnaqqis fil-prezzijiet tal-itinerarju magħżul.

Rilokazzjoni tal-annimali domestiċi. Meta tieħu l-annimal domestiku tiegħek miegħek xi drabi jista’ jiswik aktar minn dak li tħallas għall-ivvjaġġar tiegħek stess. Ir-rekwiżiti bħall-mikroċippjar u t-tilqim u t-trattamenti speċifiċi qabel l-ivvjaġġar, flimkien mal-ispejjeż reali tal-ivvjaġġar, jistgħu faċilment jammontaw għal ammonti sinifikanti.

Kif iġġorr l-affarijiet personali tiegħek. Meta tmur tgħix barra minn pajjiżek, x’aktarx li tkun trid tieħu l-biċċa l-kbira tal-oġġetti personali tiegħek miegħek. Dan se jinvolvi spejjeż bħall-ingaġġ ta’ kumpanija professjonali tal-ġarr, il-ħlas għal materjali speċjali tal-imballaġġ, u l-ħlas ta’ assigurazzjoni tal-ġarr biex tkopri telf jew ħsara potenzjali. Il-prezzijiet tal-ġarr se jiddependu fuq id-distanza tal-vjaġġ u l-volum tal-affarijiet personali tiegħek. Żomm f’moħħok li jekk l-affarijiet personali tiegħek jaslu qablek, jew qabel ma tkun ksibt post fejn tgħix, jista’ jkollok bżonn tħallas tariffi addizzjonali għall-ħżin tagħhom.

Oġġetti speċjali. Tixtieq tieħu miegħek il-karozza, il-biċċiet tal-arti, jew il-pjanu tiegħek? Peress li dawn l-oġġetti jeħtieġu arranġamenti u/jew kura speċjali, jistgħu jinvolvu spejjeż addizzjonali ta’ ġarr.

Akkomodazzjoni: Jekk qed tippjana li tikri, tista’ tintalab tħallas xi xhur kera bil-quddiem, u/jew depożitu ta’ garanzija. Jekk tikseb l-għajnuna ta’ aġenzija tal-proprjetà immobbli biex issib dar, se jkollok bżonn tħallashom kummissjoni jew tariffa.

Akkomodazzjoni temporanja. Sakemm ma tkunx akkwistajt dar qabel ma tiċċaqlaq, ikollok bżonn tqis l-ispejjeż għal lukanda jew arranġamenti oħra ta’ għajxien temporanju.

Utilitajiet. L-issetiljar fid-dar il-ġdida tiegħek se jinvolvi l-issettjar ta’ xi utilitajiet jew tal-utilitajiet kollha bħall-elettriku, il-gass, l-ilma, it-telefon u l-wi-fi. Xi utilitajiet jistgħu jiġu inklużi fil-kera; dan jiġi speċifikat fil-ftehim tal-kiri tiegħek.

L-ispejjeż ta’ kuljum. Skont fejn tkun se ġġorr, jista’ jkun il-każ li l-għoli tal-ħajja huwa ogħla b’mod sinifikanti minn dak f’pajjiżek. Is-salarju l-ġdid tiegħek x’aktarx li jirrifletti l-għoli tal-ħajja fil-pajjiż il-ġdid, iżda sakemm tissetilja għalkollox, kun ippreparat li tħallas aktar għal affarijiet bażiċi.

Akkwisti ġodda Hekk kif tkun qed tidra d-dar u l-ħajja l-ġdida tiegħek, se jiżdiedu l-ħtiġijiet il-ġodda: oġġetti għad-dar tiegħek bħal għamara, ħwejjeġ għal klima aktar kiesħa jew sħuna, ilbies tax-xogħol xieraq u diversi affarijiet oħra li ma tistax tipprevedi qabel ma tiċċaqlaq.

Qed ittella’ u tniżżel dwar jekk iċ-ċaqliq barra minn pajjiżek hix għażla tajba għalik? L-artiklu tagħna Għandek tagħmel il-pass u tmur tgħix barra minn pajjiżek? se jgħinek tiddeċiedi.

Links relatati:

Se tmur tgħix barra? Ħejji d-dokumenti tiegħek

Il-Kummissjoni Ewropea: Tiċċaqlaq u taħdem fl-Ewropa

EURES: Kundizzjonijiet tal-ħajja u x-xogħol fil-pajjiżi tal-EURES

Aqra aktar:

Il-Jiem Ewropej tal-Impjiegi

Sib Konsulenti tal-EURES

Kundizzjonijiet tal-ħajja u x-xogħol fil-pajjiżi tal-EURES

Il-Bażi tad-Data tal-Impjiegital-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin