5 għajnuniet biex taħdem b ’mod effiċjenti

L-aħħar artiklu tagħna jħares lejn kif int tista ’ taħdem b ’mod aktar effiċjenti u joffri xi għajnuniet biex jgħinuk tibda...

Ippjana minn qabel u pprijoritizza

Il-postijiet tax-xogħol jistgħu jkunu stressanti. Ħafna storbju, ħafna nies iridu l-ħin tiegħek, ħafna x ’tagħmel qabel l-aħħar tal-jum. L-ippjanar ta ’ kif se tuża l-ħin tiegħek jista ’ jgħinek ħafna tiffoka u taħdem tajjeb kemm tista ’. Għaliex ma tibdiex il-jum billi tħares lejn x ’kompiti jeħtieġ li tlesti mbagħad tippjana l-aħjar mod – u l-aħjar ordni – ta ’ kif tagħmilhom? L-użu ta ’ listi, għodod u tekniki jista ’ jagħmel dan il-proċess faċli u pjan mhux biss se jippermettilek tipprijoritizza b ’mod effettiv, iżda dan jista ’ wkoll inaqqas kwalunkwe ansjetà li tista ’ tinħoloq meta tipprova tagħmel ħafna xogħlijiet f ’daqqa.

Uża kalendarju

Kalendarju huwa l-aktar ħaġa essenzjali meta tippjana x-xogħol tiegħek u taħdem b ’mod effiċjenti. Agħmel nota ta ’ kwalunkwe laqgħa u skadenza importanti biex tiżgura li ma tinsa xejn. L-għoti ta ’ ħin għal kwalunkwe kompitu li ngħatajt se jippermettilek ukoll tara, f ’ħakkaa t ’għajn, fejn għandek ftit ħin liberu biex tgħin lil ħaddieħor u fejn jaf teħtieġ appoġġ int stess.

Jekk qed tuża sistema tal-posta elettronika bħal Microsoft Outlook se jkollok kalendarju, li huwa parti mis-sistema lest biex jimtela. Programmi bħal dawn għandhom ukoll għadd ġmielu ta ’ funzjonijiet oħrajn biex jgħinuk taħdem b ’mod effiċjenti, għalhekk kun ċert li tarahom.

Uża l-apps b ’mod intelliġenti

Diġà tkellimna dwar apps li jistgħu jgħinuk tagħmel il-jum ta ’ xogħol tiegħek aktar effettiv, iżda li tidentifikahom u li tużahom fuq bażi ta ’ kuljum huma żewġ affarijiet differenti. Ħu l-ħin biex tibni l-apps fil-ħajja tax-xogħol tiegħek u dan l-investiment inizjali żgħir jista ’ jkollu impatt kbir aktar ’il quddiem.

Ikseb l-istruzzjonijiet kollha

Irrispettivament minn fejn tkun qed taħdem, probabbli li se tingħata kompiti x ’tagħmel minn ħaddieħor. Jekk jgħidulek kulma għandek bżonn tkun taf, tajjeb ħafna. Iżda jekk dawn ma jgħidulekx, tibżax tistaqsi. Meta tiżgura li tifhem x ’inhu mistenni minnek, dan se jgħin biex inaqqas l-ammont ta ’ ħin li tqatta ’ tistaqsi minn persuna għal oħra, tipprova tgħaqqad dawn id-dettalji. Dan mhux biss jagħti spinta lill-effiċjenza tiegħek stess, iżda jagħti spinta lil dik tal-kollegi tiegħek ukoll!

Ħu l-ħin biex tirrifletti

L-awtoriflessjoni u l-awtovalutazzjoni huma parti importanti mill-ħajja tax-xogħol. Meta tiddedika ftit tal-ħin biex tirrifletti dwar il-progress tiegħek fi tmiem kull jum ta ’ xogħol – jew ġimgħa ta ’ xogħol, jekk dan ikun aktar xieraq – dan se jippermettilek tidentifika x ’mar tajjeb, x ’ma marx tajjeb u fejn tista ’ titjieb ’il quddiem. L-effett qawwi naturali ta ’ dan il-proċess se jkun produttività u effiċjenza mtejbin, għalhekk definittivament ta ’ min tinvesti ħinek fih.

Kun proattiv/a

Filwaqt li huwa importanti li titlob l-għajnuna meta jkollok bżonnha, se jkun hemm ukoll drabi meta l-inizjattiva tiegħek stess tista ’ tkun it-tweġiba. Jekk m ’intix ċert/a dwar kif tagħmel xi ħaġa, għaliex ma tqattax ftit minuti tipprova ssolviha? L-internet huwa sors fantastiku ta ’ informazzjoni, għajnuniet u gwida, u spiss se tiskopri li xi ħadd ieħor esperjenza l-istess kwistjoni tiegħek – u sab soluzzjoni biex tippruvaha. Is-soluzzjoni ta ’ problema bħal din minnek stess tista ’ tkun sodisfaċenti ħafna u tagħtik ukoll ħiliet u għarfien żejda li se jkunu utli fil-futur.

Qed tfittex aktar għajnuniet jew ħsieb inġenjuż biex jgħinuk tirnexxi fuq il-post tax-xogħol? Ara 5 għajnuniet għal apprendist jew trainee ġdid u kif tagħmel l-ewwel impressjoni tajba... fi żmien l-ewwel ġimagħtejn.

Links relatati:

funzjonijiet oħrajn biex jgħinuk taħdem b ’mod effiċjenti

apps li jistgħu jgħinuk tagħmel il-jum ta ’ xogħol tiegħek aktar effettiv

Aqra aktar:

Jiem l-Impjiegi Ewropej

Drop ’pin@EURES

Sib Konsulent tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi ta ’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES