Cén fáth ar chóir duit do shaoire bhliantúil a úsáid i gcónaí

Laghdaíonn sé strus

Trí úsáid a bhaint as do shaoire bhliantúil is féidir leat sos a bhfuil géarghá leis a ghlacadh ó strus agus ó éilimh an tsaoil oibre. Trí dhícheangal ó chruinnithe, ó spriocdhátaí, agus ó chásanna struis eile, is féidir d’intinn a athnuachan, rud a chiallaíonn go mbíonn tú níos sláintiúla nuair a fhilleann tú ar an obair. Mar sin féin, is gnách go bhfilleann strus, agus sin an fáth go bhfuil sé tábhachtach sosanna saoire bliantúla i rith na bliana a sceidealú. Is féidir le mion-sosanna rialta a bheith mar bheart coisctheach i gcoinne saincheisteanna ar nós dúlagair agus cloíteachta, ag cinntiú go mbíonn tú in ann ag dul i ngleic leis na deacrachtaí a ghabhann le tréimhse dhian oibre.

Méadaíonn sé táirgiúlacht

Má úsáideann tú do shaoire bhliantúil, is féidir go mbeifeá ní ba tháirgiúla agus tú ar ais ag obair. Uaireanta, trí bhogadh ar shiúl ó fhadhb is féidir leat dearcadh úr a fháil, agus tugann sé réitigh nua agus chruthaitheacha duit. Tugann taighde ón bhFondúireacht Idirnáisiúnta um Phleananna Sochair d’Fhostaithe le fios go bhfeabhsaítear táirgiúlacht fostaithe suas le 40 % trí shaoire bhliantúil a úsáid, agus laghdaítear an baol saoire breoiteachta 28 %. Mar sin, ní hamháin go dtéann sé i bhfeidhm go dearfach ortsa, tá sé tairbheach freisin do d’fhostóir, mar go gcinntíonn sé go bhfaigheann siad an leagan is fearr, is táirgiúla díot.

Laghdaíonn sé an baol aimhréidheanna sláinte

Bíonn tréimhsí diana againn go léir ag an obair – spriocdhátaí nach mór a chomhlíonadh, cruinnithe práinneacha nach mór a sceidealú, agus an iliomad ríomhphost ar gá aird a thabhairt orthu láithreach bonn. Tá sé léirithe i  staidéir go gcuireann obair ag an acmhainn is mó ar feadh tréimhse fhada i mbaol deacrachtaí sláinte tromchúiseacha thú, amhail taomanna croí, galar croí agus strócanna. Dá bhrí sin, tá sé ríthábhachtach saoire bhliantúil a ghlacadh chun stíl shláintiúil mhaireachtála a choinneáil.

Cuireann sé feabhas ar an gcothromaíocht oibre is saoil

Is cáilíochtaí tábhachtacha iad tiomantas agus eitic oibre chun go n‑éireoidh leat i do ghairm bheatha. Mar sin féin, tá sé éasca an botún a dhéanamh a bheith ag obair i gcónaí, cibé acu atá sé san oifig nó sa bhaile. Cé go bhfuil do phost tábhachtach, níor chóir go mbeadh sé mar sin do shaol ar fad. Trí do shaoire bhliantúil a úsáid, is féidir tionchar dearfach suntasach a bheith ar do chothromaíocht oibre is saoil agus ar do ghiúmar ginearálta trí níos mó ama a thabhairt duit chun nascadh le do theaghlach, bualadh le chéile le daoine agus athcheangal a dhéanamh le do chairde, nó chun dul ar an turas sin a raibh tú i gcónaí ag iarraidh a dhéanamh.

An bhfuil tú spíonta? Is féidir linn cabhrú leat! Féach ár n‑alt maidir le conas cothromaíocht oibre is saoil a bhaint amach.

Naisc ghaolmhara:

Strus Oibre mar Fachtóir Riosca le haghaidh Galar Cardashoithíoch

An bhfuil tú spíonta? Is féidir linn cabhrú leat!

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn