Claochlú glas an tionscail stroighne: na scileanna a bheidh mar bhonn leis

Tá droch-cháil ar an tionscal stroighne faoi láthair: tá sé freagrach as thart ar 8 % de líon iomlán na n-astaíochtaí gás ceaptha teasa, rud a fhágann go bhfuil sé ar cheann de na tionscail is déine ó thaobh fuinnimh de agus is truaillithí ar domhan. Ina theannta sin, is furasta dearmad a dhéanamh air mar chonair ghairme fhéideartha: níl sé chomh tarraingteach sin i gcomparáid le roghanna eile.

Ar an taobh eile, is ábhar tógála thar a bheith tábhachtach é stroighin, a fheidhmíonn mar bhunchloch don bhonneagar is nua-aimseartha: ní féidir foirgnimh, droichid ná fiú bóithre a thógáil gan an ceanglóir sin, agus, toisc an ráta uirbithe atá ag dul i méid, fágtar go dtiocfaidh méadú ar an éileamh a bheidh ar stroighin uaidh seo amach. Mar shampla, meastar go mbeidh thart ar 21 milliún teach nua ag teastáil gach bliain chun an méadú ar an daonra uirbeach domhanda a chur san áireamh. 

Dá bhrí sin, táthar ag glacadh go tapa le stroighin mar chomhpháirt lárnach de gheilleagair athléimneacha, rud a chiallaíonn go bhfuil go leor deiseanna fostaíochta i gceist léi freisin.

Spriocanna an tionscail a dhaingniú

Chun tairbhe a bhaint as na féidearthachtaí ollmhóra a bhaineann leis an earnáil, tá gealltanas tugtha ag an Aontas an earnáil a dhéanamh níos glaise, níos inbhuanaithe, níos iomaíche agus níos tarraingtí feisin d’oibrithe ionchasacha.

Mar is amhlaidh i gcás na dtionscal trom ar fad, is é an t-aistriú chuig glan-nialasacht an phríomhthosaíocht atá ag an tionscal stroighne. Chun a áirithiú go mbeidh rath air, tá teicneolaíochtaí agus ábhair nua á dtabhairt isteach ar fud an tslabhra luacha ar fad. Is féidir le IS, maille le huirlisí agus seirbhísí digiteacha eile, cabhrú le costais oibríochtúla a laghdú, feidhmíocht monarchana stroighne a fheabhsú agus sábháilteacht nósanna imeachta a áirithiú. Ina theannta sin, is féidir leis an digitiú dlús a chur le taighde ar ábhair níos inbhuanaithe (nó meascáin díobh) – rud lena a gcuirfear deireadh de réir a chéile leis na gnéithe is truaillithí de.

Leis na hathruithe sin, tabharfar isteach riachtanais fostaíochta nua sa tionscal agus sraith iomlán nua tacar scileanna chun aghaidh a thabhairt orthu. D’fhéadfadh siad cabhrú le tarraingteacht an tionscail a mhéadú freisin: is é is dóichí go dtabharfar isteach leis na hinniúlachtaí nua a bheidh ag teastáil oibrithe oilte níos óige a chabhróidh, dá réir sin, le próifíl an tionscail a athmhúnlú.

Lucht saothair láidir a fhorbairt 

Beidh scileanna gairmiúla éagsúla ag teastáil chun an tionscal stroighne a athrú ó bhonn:

• Scileanna digiteacha agus teicneolaíocha: córais atá bunaithe ar IS agus córais uathoibrithe a fheidhmiú agus a chothabháil; litearthacht sonraí (anailís a dhéanamh ar shonraí ó fhoinsí éagsúla agus iad a léirmhíniú); trealamh casta a chothabháil agus a bhainistiú i monarchana stroighne; faireachán a dhéanamh ar fheidhmíocht trealaimh.
• Sábháilteacht agus slándáil: tuiscint láidir ar rialacháin sábháilteachta; measúnú riosca; mioneolas ar straitéisí cothabhála tuarthaí agus ar phróisis sábháilteachta ar an láthair; an cumas freagairt go tapa d’éigeandálaí amhail teip trealaimh agus cásanna eile nach féidir a thuar.
• Eolas ar cheimic na n-ábhar: airíonna agus comhdhéanamh stroighne a thuiscint; an cumas ábhair a dhearadh agus a tháirgeadh a bhfuil saintréithe áirithe acu.
• Scileanna comhshaoil: inniúlacht maidir le gabháil, iompar agus láimhseáil carbóin; tuiscint mhaith ar phrionsabail an gheilleagair chiorclaigh amhail laghdú, athúsáid agus athchúrsáil dramhaíola; an cumas príomh-mhéadracht inbhuanaitheachta amhail astaíochtaí carbóin agus tomhaltas uisce a rianú.
• Scileanna boga: réiteach fadhbanna; smaoineamh go tapa ar an toirt; dea-chumarsáid; an cumas oibriú mar bhall d’fhoireann.

Le tabhairt isteach na scileanna sin, cuirtear tús le ré nua sa tionscal stroighne, le tacaíocht freisin ó thionscnaimh de chuid an Aontais amhail an Comhshocrú um Scileanna agus Aontas na Scileanna. Tá na scéimeanna sin tiomanta do na deiseanna oiliúna is gá a chur ar fáil chun na bearnaí scileanna atá ann cheana a líonadh agus d’fhonn earnálacha tábhachtacha a athnuachan tríd an tallann cheart a sholáthar dóibh.

Léigh tuilleadh faoi earnáil eile atá ag teacht chun cinn go seasta agus faoin gcúis ba cheart duit smaoineamh ar ghairm inti:

Níl am níos fearr le díriú ar ghairm san earnáil tógála.

Naisc ghaolmhara:

Scileanna stroighne 2030 go 2050 (tuarascáil)

Léigh tuilleadh: 

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar líne a bheidh ar siúl go luath

EURES ar Facebook

EURES ar X

EURES ar LinkedIn

EURES ar Instagram