Fimm ábendingar varðandi ferilsskránna þína

Gerðu mun á milli einstaka hluta

Að meðaltali mun vinnuveitandi eyða sex sekúndum í að skoða hverja ferilsskrá sem þeir fá. Þetta þýðir að ef mikilvægar upplýsingar og reynslan sem sóst er eftir blasir ekki við undir eins, er ólíklegt að þeir haldi áfram að lesa. Notaðu eiginleika í ritvinnsluhugbúnaðinum eins og feitletrun, undirstrikun, textareit, dálka og kúlupunkta til að aðgreina lykilatriði, tilgreindu einstaka kafla (t.d. „Hafðu samband“, „Yfirlit“, „Starfsreynsla“, „Menntun“ og „Færni“) og reyndu að brjóta upplýsingarnar upp. Vertu samkvæmur sjálfum þér en skildu líka eftir hvítt rými á blaðsíðunni. Of fyrirferðamikið umbrot eða of mikill texti mun aðeins flækja fyrir lesendum.

Vertu skýr í framsetningu

Hafðu ferilsskránna á skýru, gagnorðu og hnitmiðuðu máli. Ef þú ert að fara yfir tvær blaðsíður skaltu íhuga hvort allt sem þú hefur sett í ferilsskránna skiptir máli fyrir starfið sem þú sækir um. Tengist öll færni sem þú hefur skráð starfslýsingunni? Ef ekki, þá þarftu líklega ekki að hafa það með. Önnur góð leið til að setja meira í ferilskrána þína er að nota dálka — þetta gerir þér kleift að nýta alla breiddina á síðunni.

Athugaðu kröfur/þarfir hvers lands

Hér eru kröfur og þarfir mismunandi milli landa. Það sem er búist við að eigi að fylgja með í ferilskránni þinni getur verið mjög breytilegt frá einu Evrópuríki til annars. Vefsíða Eures um Atvinnu- og búsetuskilyrði veitir gagnlegar upplýsingar hvernig eigi að finna og sækja um vinnu í mismunandi Evrópulöndum, þar með talin ráðleggingar um hvernig eigi að aðlaga ferilsskránna að mismunandi löndum.

Að sérsníða hönnunina

Eftir því hvaða starf þú sækir um, munu vinnuveitendur hafa ákveðnar væntingar þegar kemur að hönnun ferilsskrárinnar þinnar. Til dæmis getur ferilsskrá sem hefur fengið grafískt útlit gegnt hlutverki verksýningarskrár og gefið þér tækifæri til að sýna fram á færni þína í grafískri hönnun. Ferilsskrá fyrir starfsumsókn sem barþjónn ætti hinsvegar að leggja meiri áherslu á innihaldið (þ.e. reynslu þína af hinum „raunverulega heimi“). Í þessu tilfelli gætu flóknir grafískir þættir í raun haft neikvæð áhrif á ferilsskrána þína.

Veltu fyrir þér skáarsniðinu sem þú notar

Ef þú ert að senda inn atvinnuumsókn á stafrænu sniði, er gott ráð að útbúa aðra útgáfu af ferilskránni þinni. Ástæðan fyrir þessu er sú að hugbúnaður sem oft er notaður af fyrirtækjum til að skanna starfsferilsskrár getur stundum ekki lesið myndir eða grafískar teikningar, getur ekki unnið úr PDF-skjölum, eða er ekki fær um að lesa upplýsingar sem eru settar í haus- eða fóthluta í Word-skjali.

Við vonum að þessi ráð munu hjálpa þér að hanna ferilsskrá sem gerir þér kleift að finna draumastarfið!

Grein gerð í samstarfi við Eures, Vefgátt um flæði vinnuafls í Evrópu.

 

Tengdir hlekkir:

Atvinnu- og búsetuskilyrði

 

Nánari upplýsingar:

Evrópskir atvinnudagar

Drop’pin@EURES

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn