X’inhu l-EURES?
L-EURES hu n-netwerk Ewropew ta’ kooperazzjoni bejn il-Kummissjoni Ewropea, uffiċċji ta’ koordinazzjoni Nazzjonali u fornituri ta’ servizzi (Membri tal-EURES u sħab tal-EURES) fit-28 Stat Membru tal-UE flimkien mal-Iżvizzera, l-Iżlanda, il-Liechtenstein u n-Norveġja. In-netwerk jinkludi wkoll Servizzi Pubbliċi tal-Impjiegi (PES), Servizzi privati tal-impjiegi (PRES), trade unions u organizzazzjonijiet tal-impjegaturi mill-Ewropa kollha bħala sħab.
L-EURES jipprovdi s-servizzi tiegħu permezz ta’ aktar minn 1000 konsulent tal-EURES disponibbli kuljum għal persuni li qed ifittxu x-xogħol u impjegaturi fl-Ewropa kollha, kif ukoll permezz ta’ Il-Portal Ewropew dwar il-Mobilità fix-Xogħol, hub ċentrali għal opportunitajiet għall-impjegati u għall-impjegaturi.
X’inhu l-għan tal-EURES?
Stabbilit fl-1993, l-EURES jipprovdi informazzjoni, pariri u opportunitajiet ta’ tqabbil tal-impjieg għal persuni li jkunu qed ifittxu x-xogħol u għal impjegaturi fl-Ewropa kollha. Is-servizz għandu l-għan li jiffaċilita l-moviment liberu tal-ħaddiema ġewwa l-UE billi jappoġġja n-nies biex isibu xogħol, jew jiżviluppaw il-ħiliet li ser jgħinuhom isibu xogħol fil-futur, u billi jagħti lin-negozji u lill-organizzazzjonijiet iċ-ċans li jsibu l-kandidati t-tajbin għall-postijiet vakanti tagħhom.
X’joffri l-EURES liż-żgħażagħ?
Permezz tal-Portal tal-EURES dwar il-Mobilità fix-Xogħol, iż-żgħażagħ jistgħu jfittxu impjiegi jew opportunitajiet għaż-żgħażagħ f’varjetà ta’ oqsma fil-pajjiżi kollha li qed jipparteċipaw. Il-magna tat-tiftix versatili tagħmilha malajr u faċli biex issib l-opportunitajiet tajbin għalik.
Il-portal joffri wkoll sistema ta’ ħolqien ta’ CV online u parir prezzjuż dwar l-għajxien u x-xogħol barra l-pajjiż.
X’joffri l-EURES lin-negozji u lill-organizzazzjoniet?
Il-Portal tal-EURES dwar il-Mobilità fix-Xogħol hu post eċċellenti biex in-negozji u l-organizzazzjonijiet jirreklutaw talent ġdid u jsiru jafu aktar dwar il-passi li għandhom jittieħdu meta jiġu reklutati persuni mill-Ewropa kollha. L-impjegaturi jistgħu wkoll jirreklamaw l-opportunitajiet tagħhom għaż-żgħażagħ fuq il-pjattaforma.
X’inhu L-ewwel xogħol EURES tiegħek?
L-ewwel xogħol EURES tiegħek hu skema ta’ mobbiltà fix-xogħol tal-UE għal nies ta’ bejn it-18 u l-35 sena, li tgħin liż-żgħażagħ isibu xogħlijiet, traineeships jew apprendistati f’pajjiż ieħor tal-UE (flimkien man-Norveġja u l-Iżlanda). Hi opportunità eċċellenti għaż-żgħażagħ biex jiksbu esperjenza ta’ xogħol u jiżviluppaw il-ħiliet tagħhom, filwaqt li jesperjenzaw ukoll kultura ġdida u pajjiż ġdid.
Fil-każ ta’ negozji u organizzazzjonijiet, l-iskema tgħinhom isibu ħaddiema żgħażagħ kwalifikati, b’mod partikolari għal pożizzjonijiet li diffiċli jimtlew. Hemm ukoll finanzjament disponibbli għal SMEs biex ikopru parti mill-ispejjeż tat-taħriġ u tal-integrazzjoni biex idaħħlu l-impjegat, it-trainee jew l-apprendist il-ġdid.
X’inhuma l-Jiem l-Impjiegi Ewropej?
Il-Jiem l-Impjiegi Ewropej huma fieri ta’ reklutaġġ online u fil-post uniċi li jlaqqgħu flimkien persuni li jkunu qed ifittxu x-xogħol u negozji jew organizzazzjonijiet minn pajjiżi Ewropej oħrajn.L-avvenimenti jseħħu fuq livell nazzjonali, reġjonali, transkonfinali u transnazzjonali. Il-parteċipanti jistgħu jattendu fiżikament, u hu disponibbli wkoll aċċess remot permezz ta’ livestreaming u għodod għaċ-chat online li jistgħu jintużaw biex isiru intervisti.
Aktar informazzjoni dwar Jiem l-Impjiegi Ewropej li ġejjin tista’ tinstab hawn.
Il-passi li jmiss
- Irreġistra għall-EURES
- Irreġistra għall-Jiem l-Impjiegi Ewropej
- Ingħaqad mat-taħdita tal-EURES fuq Facebook u Twitter
- Irreġistra għall-Bullettin ta’ Tagħrif tal-EURES
L-investiment fiż-żgħażagħ hu essenzjali għall-futur tal-Ewropa u l-artiklu riċenti tagħna jirrifletti l-benefiċċji għan-negozji u għall-organizzazzjonijiet. Esplorajna wkoll programmi oħra tal-UE għaż-żgħażagħ, bħal Erasmus+ u l-iskema tal-Garanzija għaż-Żgħażagħ, allura għala ma tarax x’opportunitajiet hemm għalik?
Links relatati:
Skema tal-Garanzija għaż-Żgħażagħ
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
L-EURES fuq Google+
Dettalji
- Data tal-pubblikazzjoni
- 15 Mejju 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- L-aħjar prattika tal-EURES
- Taħriġ EURES
- Ideat u Suġġerimenti
- Aħbarijiet interni tal-EURES
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles