Nuacht EURES

Mar gheall ar COVID-19 b’éigean do go leor fostóirí agallaimh poist a reáchtáil ar líne. Maidir leo siúd nach bhfuil cur amach acu ar an bpróiseas, d’fhéadfadh sé a bheith scáfar déileáil leis na gnéithe sóisialta agus teicneolaíochta atá i gceist. Seo iad ár gcuid leideanna maidir le hagallamh poist rathúil ar líne a eagrú.

Sheol EURES feachtas múscailte feasachta ar obair shéasúrach. As seo go dtí deireadh mhí Dheireadh Fómhair, roinnfimid faisnéis agus uirlisí chun cabhrú leat do chearta agus d’oibleagáidí mar chuardaitheoir poist nó mar fhostóir a thuiscint, agus conas an leas is fearr a bhaint as na deiseanna séasúracha.

Bíonn a lán daoine ag obair ón mbaile le linn phaindéim COVID-19. Mar thoradh air sin, is féidir go dtosóidh tú post nua gan bualadh le do chomhghleacaithe i bpearsa. Anseo, tugaimid duit na cúig phríomhleid uainn le haghaidh post nua a thosú go cianda.

Is féidir leis an gcumas chun teanga iasachta a labhairt cabhrú leat seasamh amach sa mhargadh saothair agus aird earcaitheoirí a mhealladh. Ní hé amháin go gcuireann an dátheangachas cuma mhaith ar do CV, ach forbraíonn sé scileanna eile atá tarraingteach d’fhostóirí freisin.

Tar éis dó gairm a shaothrú mar amhránaí agus mar léiritheoir, chinn Eddy ón mBeilg tabhairt faoi athoiliúint mar chef agus é 38 mbliana d’aois. A bhuí le Comhairleoirí EURES, ní hé amháin gur éirigh leis a chuid oiliúna a chríochnú, ach d’éirigh leis obair i dtír eile freisin, rud a bhí sé ag iarraidh a dhéanamh ó bhí sé óg.

Tar éis di céim a bhaint amach i Stair na hEalaíne, chinn Gaëlle, atá 31 bliain d’aois, an dúspéis atá aici i mbia sláintiúil a shaothrú agus a éirí ina chef. Faigh amach conas a chabhraigh Comhairleoirí EURES dár gcuid le Gaëlle mian a croí a bhaint amach agus taithí idirnáisiúnta a ghnóthú i mbialann mór le rá a bhfuil réaltaí Michelin aici.

Agus an vacsaín in aghaidh COVID-19 á fáil ag líon méadaitheach daoine, tá cuideachtaí ar fud na hEorpa ag ullmhú dá n-oifigí a oscailt arís. Mar sin féin, tá imní ar a lán fostaithe faoi fhilleadh ar an oifig. D’ullmhaíomar anseo in EURES roinnt leideanna chun cabhrú leis sin.

D’éirigh an obair ón mbaile ina cuid dhílis den ghnáthshaol nua de bharr phaindéim COVID-19 thar an mbliain seo a chuaigh thart agus is amhlaidh a bheidh an scéal do chuid mhór fostaithe go ceann i bhfad. Chun do tháirgiúlacht a uasmhéadú agus chun cabhrú leis an bpláinéad, déan d’oifig bhaile níos neamhdhíobhálaí don chomhshaol ach na cúig leid shimplí seo uainn a leanúint!

Le linn na paindéime, d’oibrigh a lán daoine óna mbaile féin. De réir mar a mhaolaítear srianta, áfach, tá fostaithe ag ullmhú don fhilleadh ar an áit oibre agus tá seans ann go bhfuil siad éiginnte faoin gcuma a bheidh air sin. Is iad seo a leanas na ceithre phríomhleid atá againn le haghaidh baill foirne a thabhairt ar ais ina n-áit oibre.