Græn störf sem eftirspurn er eftir árið 2023

Fyrir 10 eða 20 árum voru sum þessara starfa ekki til. Önnur voru til, en voru allt öðruvísi. Þegar við reynum að vernda framtíð plánetunnar okkar verður grænt færni sífellt mikilvægari.

Þó að það sé erfitt að skilgreina „græn“ störf, meinum við almennt þau sem einblína á umhverfið — með öðrum orðum, vernda náttúruauðlindir og landrými, en takmarka skaðlega losun og áhrif. Hér eru nokkur af heitustu störfunum um þessar mundir.

Verkfræðingar á sviði endurnýjanlegrar orku

Orkufyrirtæki hafa alltaf þurft hæfa verkfræðinga. Áður fyrr voru flest störf í olíu-, kola- og gasgeirunum. Eftir því sem endurnýjanlegi orkugeirinn vex, fjölgar grænum orkustörfum líka. Til dæmis, þú getur þú unnið sem uppsetningarmaður fyrir sólarrafhlöður eða vindtúrbínutæknimaður. Margs konar færni mun gagnast í þessum mismunandi störfum, svo ef þú býrð yfir réttri kunnáttu verður þú í mikilli eftirspurn.

Byggingarverkfræðingar

Sem byggingarverkfræðingur hannar þú byggingar og önnur mannvirki. Í dag þýða reglur á sviði sjálfbærni að byggingarverkefni verða að forðast að sóa orku og öðrum auðlindum. Ef þú hefur ekki áhuga á því að hanna byggingar gæti sjálfbært bæjarskipulag verið meira fyrir þig. Skipulagsfræðingar skoða þéttbýlissvæði í víðara samhengi til að gera þau grænni og auka „hringrás“ þeirra með því að endurnýta auðlindir og forðast úrgang. Þú gætir einnig unnið sem verkefnastjóri og stjórnað daglegum byggingarverkefnum.

Vísindamenn

Sem umhverfisfræðingur sérð þú um að safna, greina og kynna upplýsingar um verndun jarðarinnar. Vinnan þín getur hjálpað til við að finna svör við sumum af stærstu áskorunum heimsins svo sem loftslagsbreytingum. Þú getur einnig lagt áherslu á tilteknar hliðar eins og vatn, jarðveg eða loftgæði. Þú getur einnig unnið sem ráðgjafi eða ráðgefandi sérfræðingur en þá myndi starf þitt felast í því að hjálpa fyrirtækjum við að verða grænni og sjálfbærari.

Framkvæmdastjóri veiða

Sérhæfðara verkefnisstjórnunarstarf væri til dæmis sem framkvæmdastjóri veiða. Í því hlutverki sérð þú um stjórnun fiskistofna en þeir eru mikilvægir fyrir líffræðilega fjölbreytni. Þú gætir einnig þurft að takast á við lagalegar hliðar og jafnvel neyðartilvik eins og olíuleka.

Trjálæknar

Ef þú vilt vera úti í náttúrunni gætu trjálækningar verið eitthvað fyrir þig. Slík störf snúast ekki bara um að saga niður tré. Þar er einnig mikil áhersla á umhverfismál. Trjáskurðlækningar snúast um að planta nýjum trjám og runnum, annast sýkt tré og almennt vernda náttúruna. Á sama hætt varðveita skógræktarmenn skógar og endurnýja þá og vernda þá meðal annars gegn sjúkdómum og skógareldum og taka á skógeyðingu.

Vöruhönnuðir

Vöruhönnuðir þurfa að búa til vörur sem endast lengur, virka betur og hafa minni áhrif á umhverfið. Vörur geta verið mjög mismunandi, allt frá endurvinnanlegum umbúðum yfir til rafbíla. Annað áhugavert dæmi er fatnaður. Til að draga úr áhrifum hans, þar á meðal sóun frá „hraðtísku“, þurfa fatahönnuðir að búa til föt sem endast lengur og nota endurunnin efni.

Þetta dæmi sýnir að þó að sum störf líti kannski ekki út sem dæmigerð „græn“ störf, þá eru margar leiðir til að finna sér starfsferil með jákvæð umhverfisáhrif sama hverjir styrkleikar þínir eru eða í hvaða atvinnugrein þú starfar.

Vertu með opinn huga og ekki missa sjónar á markmiðum þínum — það eru mörg græn störf sem gætu hentað þér!

Í samstarfi við EURES, vefgátt um flæði vinnuafls í Evrópu.

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter