Na 6 leid is fearr maidir le líonrú éifeachtach ar líne

Cuir snas ar do láithreacht ar líne

Sula gcuirfidh tú tús leis, áirithigh go ndéanann tú do chuid próifílí ar na hardáin líonraithe atá in úsáid agat a nuashonrú. Uaslódáil grianghraf próifíle gairmiúil, scríobh ceannlíne an-láidir, cur síos agus achoimre ar an bpost, agus déan liosta de do chuid éachtaí, taithí agus scileanna ábhartha. Agus do phróifíl á tógáil agat, déan iarracht í a fheiceáil trí shúile an fhostóra a d’fhéadfadh a bheith agat. Ní hionann próifíl fhada agus próifíl mhaith i gcónaí. Coimeád do chuid faisnéise gearr agus gonta. D’fhéadfadh próifíl dea-ullmhaithe a bheith níos cumhachtaí ná mar a mheasfá.

Ina theannta sin, ná déan dearmad athbhreithniú a dhéanamh ar do chainéil meán sóisialta eile. Is minic a chuardaíonn fostóirí agus earcaitheoirí ionchasacha iarrthóirí ar na meáin shóisialta, mar sin d’fhéadfadh sé a bheith ciallmhar aon phoist chonspóideacha a scriosadh agus do shocruithe príobháideachais a sheiceáil. Cuardaigh d’ainm ar líne lena áirithiú nár chaill tú aon rud.

Tóg líonra cothrom

Mar cheann de na rudaí is fearr maidir le líonrú, is féidir dearcadh nua a fháil ar do ghairm. Agus do líonra á thógáil agat, áirithigh go gcuireann tú daoine lasmuigh de d’earnáil leis freisin. Is dócha go bhforluíonn an réimse ina bhfuil tú ag obair le tionscail eile. Smaoinigh ar cad a d’fhéadfadh a bheith i gceist agus déan daoine ábhartha ó na réimsí sin a aimsiú. Ní bheadh a fhios agat cá as a dtiocfadh atreorú.

Déan do chuid teachtaireachtaí a phearsantú

Ceann de na botúin líonraithe is mó a dhéanann gairmithe ná teachtaireachtaí neamhphearsanta a chur amach. Dá chineálaí do theachtaireacht, is ea is dóichí go ndéanfadh an duine a bhfuil tú i dteagmháil leis nó léi í a mheas mar thurscar agus go ndéanfadh sé nó sí neamhaird de. Sula gcuirfidh tú duine le do líonra, déan scrúdú ar a bpróifíl agus féach ar a bhfuil i bpáirt agaibh. Ní gá gur taithí ghairmiúil í i gcónaí – b’fhéidir go mbeadh sibh ag tacú le cúiseanna sóisialta comhchosúla nó go bhfuil comhleasanna oideachais agaibh. Bí cinnte go dtosóidh tú do theachtaireacht leis an bhfáth a bhfuil tú i dteagmháil leis an duine sin agus an fáth ar roghnaigh tú iad.

Bí gníomhach

Ní leor ceangal le líonra gairmiúil chun aird a tharraingt ort féin. Ní mór duit seasamh amach trí ábhar ábhartha a phostáil agus a roinnt go gníomhach, agus trí dhul i ngleic le poist. Taispeáin an líonra an paisean atá agat don réimse ina bhfuil tú.

Bí eolach

Cuimhnigh nach ionann cainníocht agus cáilíocht. Áirithigh go bhfuil do phoist ábhartha agus go bhfuil cuspóir ag baint le d’ionchur. Má thugann daoine faoi deara nach bhfuil i gceist agat ach ábhar a phostáil ar mhaithe le postáil a dhéanamh, ní thabharfaidh siad aird ar do ghníomhaíocht sa líonra a thuilleadh.

Tabhair cabhrú

Tá líonrú cómhalartach, rud a chiallaíonn gur cheart duit a bheith ag breathnú amach freisin le haghaidh atreoruithe maithe. Má chuidíonn tú le duine post a fháil, b’fhéidir go mbeadh siad in ann an chomaoin chéanna a dhéanamh amach anseo.

Tá súil againn go gcuirfidh na leideanna seo borradh faoi do scileanna líonraithe ar líne. Le maolú na srianta COVID-19, tá imeachtaí líonraithe fisiciúla ag tosú arís. Áirithigh freisin féachaint ar ár mbuntreoir maidir le líonrú duine le duine.

I gcomhpháirt le EURES, an Tairseach Eorpach um Shoghluaisteacht ó Phost go Chéile.

 

Naisc ghaolmhara:

An bhuntreoir maidir le líonrú

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn