Conas clár iomaíoch intéirneachta a fhorbairt do chuideachta

Smaoinigh cad iad na fáthanna a bhfuil intéirnigh de dhíth ar do chuideachta

Smaoinigh ar cén fáth ar mhaith leat intéirneach a fhostú – b’fhéidir gur mhaith leat a gcuid scileanna a thástáil sula bhfostófaí iad mar fhostaí lánaimseartha, nó gur mhaith leat ualach oibre na foirne a mhaolú le linn tréimhse gnóthach. B‘fhéidir gur mhaith leat dearcadh úrnua a thabhairt don fhoireann. Cibé an chúis, déan cinnte go bhfuil sprioc ar leith i gcuimhne agat a léiríonn riachtanais do ghnó. Ná déan dearmad iarratasóirí a chur ar an eolas le linn an agallaimh faoi cé acu ach post sealadach é nó an bhféadfaí go dtáirgfí conradh buan dóibh amach ansin.

Déan cur síos mionsonraithe ar do chlár intéirneachta

Déan cinnte go bhfuil do chlár intéirneachta chomh mionsonraithe agus is féidir. Smaoinigh ar gach gné den intéirneacht, amhail fad an tréimhse, na critéir roghnúcháin, an roinn/an fhoireann ina mbeidh an t-intéirneach ag obair, an té a dhéanfaidh meantóireacht/maoirseacht orthu, na tascanna agus na tionscadail a mbeidh baint acu leo, an méid intéirneach is gá a fhostú, na torthaí inmhianaithe (dóibh siúd agus do do ghnó) tuarastal, peorcaisí, etc. A mhéid is mó sonraí a bheidh ag gabháil leis an gclár intéirneachta is ea is dóichí go mbeidh sé ag teacht le riachtanais do chuideachta agus le riachtanais na n‑intéirneach.

Plean meastóireachta intéirneach a dhéanamh

Smaoinigh ar na scileanna agus an t-eolas ar mian leat go bhfaigheadh an t-intéirneach taithí orthu faoi dheireadh a n-intéirneachta, agus conas a dhéanfaidh tú monatóireacht ar a ndul chun cinn. Ná déan dearmad plean feabhsúcháin a leagan amach i gcás ina bhfuil siad ag streachailt lena gcuid tascanna. Ní mór duit a chinntiú go mbeidh an duine atá i mbun maoirseacht/meantóireacht ar d’intéirneach in ann dóthain ama a chaitheamh chun tacú leo agus chun a gcuid ceisteanna a fhreagairt.

Plean ionduchtaithe a dhéanamh

I gcás go leor intéirneach, b’fhéidir gurb é seo an chéad eispéireas acu sa saol oibre, mar sin déan cinnte go gcuirfear in iúl dóibh do ghnó agus do chomhghleacaithe de réir a chéile. Inis dóibh faoi chultúr do chuideachta, lig dóibh bualadh lena bhfoireann i suíomh suaimhneach, agus tabhair am dóibh eolas a fháil ar do ghnó agus ar a gcuid cúraimí.

Cúiteamh a thairiscint más féidir

Má cheadaíonn na dlíthe áitiúla é, déan cinnte go bhfaigheann d’intéirnigh cúiteamh as a gcuid oibre. D’fhéadfaí go mbeadh go leor i gceist leis sin do dhuine a bhfuil a n-aistear gairme díreach tosaithe acu agus nach féidir leo brath ar dhuine eile chun tacú leo ó thaobh airgid de. Is féidir leat go fiú teagmháil a dhéanamh le do sheirbhís fostaíochta phoiblí áitiúil chun ceist a chur faoi aon chlár maoinithe a chlúdódh tuarastail d’intéirnigh.

Labhairt le Comhairleoir EURES

Agus ar deireadh, déan teagmháil le do Chomhairleoir EURES áitiúil maidir leis an gcaoi ar féidir le EURES cabhrú leat intéirneach a earcú. Is féidir leo comhairle a chur faoi do bhráid maidir le conas an scéal a scaipeadh maidir leis an ról intéirneachta nó cuirfidh siad ar an eolas thú maidir le haontaí poist a bheidh ar siúl - áit ar féidir leat teacht ar an iarrthóir idéalach.

Nuair is cuid den bhaile í an oifig, is féidir leis an idirdhealú idir obair agus am pearsanta a bheith doiléir. Féach ar na leideanna is tábhachtaí d‘fhostóirí maidir le conas cothromaíocht mhaith oibre is saoil a chur chun cinn d’fhostaithe sa tréimhse iar-COVID-19.

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn